ನೋಡಿರಿ
IPL ನ ಚೀಪ್ & ಬೆಸ್ಟ್ ಪ್ಲೇಯರ್ಸ್ ಕಡಿಮೆ ಹಣಕ್ಕೆ ಧಮಾಕ ಪರ್ಫಾಮೆನ್ಸ್
RCBಯಲ್ಲೂ ಇಬ್ಬರು ಮ್ಯಾಚ್ ವಿನ್ನರ್ಸ್
ಐಪಿಎಲ್ ಅಂದ್ರೆ ಬೌಂಡರಿ, ಸಿಕ್ಸರ್, ರನ್ಗಳ ಮಾತ್ರ ನೆನಪಾಗಲ್ಲ. ಕೋಟಿ ಕೋಟಿ ಹಣ ಕೂಡ ನೆನಪಾಗುತ್ತೆ. ಆದ್ರೆ, ಈ ಸೀಸನ್ ಐಪಿಎಲ್ನಲ್ಲಿ ದಾಖಲೆಯ ಮೊತ್ತಕ್ಕೆ ಸೇಲ್ ಆದ ಕೆಲ ಆಟಗಾರರು ಸೈಲೆಂಟ್ ಆಗಿ ಬಿಟ್ಟಿದ್ದಾರೆ. ಕಡಿಮೆ ಮೊತ್ತಕ್ಕೆ ಸೇಲ್ ಆದವರು ಆರ್ಭಟಿಸ್ತಿದ್ದಾರೆ. ಫ್ರಾಂಚೈಸಿಗಳು ಅಳೆದುತೂಗಿ ಲೆಕ್ಕಾಚಾರ ಹಾಕಿ ಖರೀದಿಸಿದ ಆಟಗಾರರು ಮ್ಯಾಚ್ ವಿನ್ನರ್ಗಳಾಗಿದ್ದಾರೆ.
ಇಂಡಿಯನ್ ಪ್ರೀಮಿಯರ್ ಲೀಗ್.. ಐಪಿಎಲ್ ಅಂದ್ರೆ ಇಲ್ಲಿ ಕಾಂಚಾಣ ಸಖತ್ ಸೌಂಡ್ ಮಾಡುತ್ತೆ.. ಸ್ಟಾರ್ ಆಟಗಾರರ ಮೇಲೆ ಫ್ರಾಂಚೈಸಿಗಳು ಕೋಟಿ-ಕೋಟಿ ಹಣ ಸುರಿಯುತ್ತವೆ. ಈ ಐಪಿಎಲ್ಗೂ ಮುನ್ನ ನಡೆದ ಮೆಗಾ ಹರಾಜಲ್ಲೂ ಅಷ್ಟೇ. ಬಿಗ್ ಸ್ಟಾರ್ಗಳೆಲ್ಲಾ ಬಿಗ್ ಅಮೌಂಟ್ ಬಾಚಿಕೊಂಡ್ರು. ಅದ್ರಲ್ಲಿ ಹಲವರು ಫ್ಲಾಪ್ ಆದ್ರೆ, ಕೆಲವರು ಮಾತ್ರ ಹಿಟ್ ಆಗಿದ್ದಾರೆ. ಆದ್ರೆ, ಫ್ರಾಂಚೈಸಿಗಳು ಅಳೆದು ತೂಗಿ ಲೆಕ್ಕಾಚಾರ ಹಾಕಿ ಕಡಿಮೆ ಮೊತ್ತಕ್ಕೆ ಬುಟ್ಟಿಗೆ ಹಾಕಿಕೊಂಡ ಪ್ಲೇಯರ್ಸ್ ರಿಯಲ್ ಮ್ಯಾಚ್ ವಿನ್ನರ್ಸ್ ಆಗಿದ್ದಾರೆ. ಹಾಗಿದ್ರೆ ಯಾವೆಲ್ಲಾ ಆಟಹಾರರು ಕಡಿಮೆ ಹಣಕ್ಕೆ ಧಮಾಕ ಫಾರ್ಮಾಮೆನ್ಸ್ ನೀಡುತ್ತಿದ್ದಾರೆ ಅನ್ನೋದನ್ನ ನೋಡೋಣ ಬನ್ನಿ..
ಟಿಮ್ ಡೇವಿಡ್ – ಆರ್ಸಿಬಿ
ಟಿಮ್ ಡೇವಿಡ್ ಈ ಸೀಸನ್ನಲ್ಲಿ ಆರ್ಸಿಬಿ ಪಾಲಿನ ಆಪತ್ಭಾಂದವನಾಗಿದ್ದಾರೆ. ಫಿನಿಶರ್ ರೂಲ್ನ ಪರ್ಫೆಕ್ಟ್ ಆಗಿ ನಿಭಾಯಿಸ್ತಿದ್ದಾರೆ. 187.50ಯ ಸ್ಟ್ರೈಕ್ರೇಟ್ನಲ್ಲಿ ಘರ್ಜಿಸ್ತಿರೋ ಆಲ್ರೌಂಡ್ ರನ್ ಸುನಾಮಿ ಸೃಷ್ಟಿಸ್ತಿದ್ದಾರೆ. ಬ್ಯಾಟಿಂಗ್ ಮಾತ್ರವಲ್ಲ, ಚುರುಕಿನ ಫೀಲ್ಡಿಂಗ್ನಿಂದಲೂ ಗಮನ ಸೆಳೆದಿದ್ದಾರೆ. ಈ ರಿಯಲ್ ಮ್ಯಾಚ್ ವಿನ್ನರ್ನ ಆರ್ಸಿಬಿ ಖರೀದಿಸಿದ್ದು ಕೇವಲ 3 ಕೋಟಿ ಹಣಕ್ಕೆ.
ದೇವ್ದತ್ ಪಡಿಕ್ಕಲ್ – ಆರ್ಸಿಬಿ
ಕನ್ನಡಿಗ ದೇವದತ್ ಪಡಿಕ್ಕಲ್ ಆರ್ಸಿಬಿಯ ಬ್ಯಾಟಿಂಗ್ ಬೆನ್ನುಲುಬಾಗಿದ್ದಾರೆ. ಆಡಿದ ಪಂದ್ಯಗಳಲ್ಲಿ ಸಖತ್ ಪರ್ಫಾಮೆನ್ಸ್ ನೀಡ್ತಾ ಇರೋ ಪಡಿಕ್ಕಲ್ ರನ್ ಕೊಳ್ಳೆ ಹೊಡೀತ್ತಿದ್ದಾರೆ. ಈ ಪಡಿಕ್ಕಲ್ ಆರ್ಸಿಬಿಯ ಮತ್ತೊಂದು ಚೀಪ್ & ಬೆಸ್ಟ್ ಪಿಕ್ ಅಂದ್ರೆ ತಪ್ಪಾಗಲ್ಲ. ಕೇವಲ 2 ಕೋಟಿ ಬೇಸ್ಪ್ರೈಸ್ ನೀಡಿ ಖರೀದಿಸಿದ ಈ ಕನ್ನಡಿಗ ಇದೀಗ ತಂಡದ ಬ್ಯಾಟಿಂಗ್ ವಿಭಾಗದ ಶಕ್ತಿಯಾಗಿ ಹೊರಹೊಮ್ಮಿದ್ದಾರೆ.
ಎಡೆನ್ ಮರ್ಕರಮ್ – ಲಕ್ನೋ
ಸನ್ರೈಸರ್ಸ್ ಹೈದ್ರಾಬಾದ್ ತಂಡದಿಂದ ರಿಲೀಸ್ ಆಗಿದ್ದ ಆಲ್ರೌಂಡರ್ ಎಡೆನ್ ಮರ್ಕರಮ್ನ ಲಕ್ನೋ ಸೂಪರ್ ಜೈಂಟ್ಸ್ ತಂಡ ಬೇಸ್ಪ್ರೈಸ್ಗೆ ಖರೀದಿಸಿತು. 27 ಕೋಟಿ ನೀಡಿ ಖರೀದಿಸಿದ ರಿಷಭ್ ಪಂತ್ಗಿಂತ 2 ಕೋಟಿಗೆ ಲಕ್ನೋ ಸೇರಿದ ಮರ್ಕರಮ್ ಬೆಸ್ಟ್ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಆಲ್ರೌಂಡ್ ಆಟದಿಂದ ಎಡೆನ್ ಮಿಂಚ್ತಿದ್ದಾರೆ. ಓಪನರ್ ಆಗಿ ಸಕ್ಸಸ್ ಕಂಡಿರೋದಲ್ಲದೇ ಪಾರ್ಟ್ ಟೈಮ್ ಬೌಲರ್ ಆಗಿ 4 ವಿಕೆಟ್ಗಳನ್ನೂ ಬೇಟೆಯಾಡಿದ್ದಾರೆ.
ಸಾಯಿ ಕಿಶೋರ್ – ಗುಜರಾತ್
ರಶೀದ್ ಖಾನ್ ಫಾರ್ಮ್ ಸಮಸ್ಯೆ ಎದುರಿಸ್ತಾ ಇರೋ ಸಂದರ್ಭದಲ್ಲಿ ಭರ್ಜರಿ ಆಟವಾಡ್ತಿರೋ ಸ್ಪಿನ್ ಆಲ್ರೌಂಡರ್ ಸಾಯಿ ಕಿಶೋರ್ ಗುಜರಾತ್ ಟೈಟನ್ಸ್ನ ಬಲ ಹೆಚ್ಚಿಸಿದ್ದಾರೆ. ಎಕಾನಮಿಕಲ್ ಸ್ಪೆಲ್ ಹಾಕಿ ಮಿಂಚಿರೋ ಸಾಯಿ ಕಿಶೋರ್ 12 ವಿಕೆಟ್ಗಳನ್ನ ಬೇಟೆಯಾಡಿದ್ದಾರೆ. ಬ್ಯಾಟ್ಸ್ಮನ್ಗಳಿಗೆ ಕಂಟಕವಾಗಿ ಕಾಡ್ತಿರೋ ಈ ಸಾಯಿ ಕಿಶೋರ್ನ ಗುಜರಾತ್ ಖರೀದಿಸಿದ್ದು ಕೇವಲ 2 ಕೋಟಿ ರೂಪಾಯಿಗೆ.
ಅಜಿಂಕ್ಯಾ ರಹಾನೆ – ಕೆಕೆಆರ್
ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿ ತಂಡದ ಕ್ಯಾಪ್ಟನ್ ಅಜಿಂಕ್ಯಾ ರಹಾನೆ ಕೊಟ್ಟ ಹಣ ಎಷ್ಟು ಗೊತ್ತಾ ಕೇವಲ 1.50 ಕೋಟಿ ಮಾತ್ರ. ಹರಾಜಿನಲ್ಲಿ ಫಸ್ಟ್ ರೌಂಡ್ನಲ್ಲಿ ಅನ್ಸೋಲ್ಡ್ ಆಗಿದ್ದ ರಹಾನೆಯನ್ನ ಕೊನೆ ರೌಂಡ್ನಲ್ಲಿ ಬೇಸ್ಪ್ರೈಸ್ ನೀಡಿ ಕೆಕೆಆರ್ ಖರೀದಿಸಿತು. ನಾಯಕನ ಪಟ್ಟವನ್ನೂ ಕಟ್ತು. ನಾಯಕನಾಗಿ ಸಕ್ಸಸ್ ಆಗದಿದ್ರೂ, ಬ್ಯಾಟಿಂಗ್ನಲ್ಲಿ ರಹಾನೆ ಮಿಂಚ್ತಿದ್ದಾರೆ. ಕೆಕೆಆರ್ ರಿಟೈನ್ ಮಾಡಿಕೊಂಡ ಆಟಗಾರರಿಗಿಂತ ರಹಾನೆನೇ ಒಳ್ಳೆ ಆಟ ಆಡ್ತಿದ್ದಾರೆ. ಕಡಿಮೆ ಮೊತ್ತಕ್ಕೆ ಫ್ರಾಂಚೈಸಿಗಳು ಖರೀದಿಸಿದ ಆಟಗಾರರು ಮ್ಯಾಚ್ ವಿನ್ನಿಂಗ್ ಆಟದಿಂದ ತಂಡಗಳ ರಿಯಲ್ ಮ್ಯಾಚ್ ವಿನ್ನರ್ಗಳಾಗಿ ರೂಪುಗೊಂಡಿದ್ದಾರೆ. ತಮ್ಮ ಆಟದಿಂದ ಸೀಸನ್ 18ರಲ್ಲಿ ತಂಡದ ಹಣೆಬರಹವನ್ನೆ ಬದಲಿಸಿರೋದು ಸುಳ್ಳಲ್ಲ.
