ನೋಡಿರಿ
ಹೈದ್ರಾಬಾದ್ ಟೀಮ್ಗೆ ಸತತ 4ನೇ ಸೋಲು! – ಟೈಟನ್ಸ್‌ಗೆ ಹ್ಯಾಟ್ರಿಕ್ ಜಯ
ಗುಜರಾತ್ ಟೈಟನ್ಸ್ ಹಾಗೂ ಸನ್‌ ರೈಸರ್ಸ್‌ ಹೈದರಾಬಾದ್‌ ನಡುವೆ ನಡೆದ ಪಂದ್ಯಲ್ಲಿ ಹೈದ್ರಬಾದ್‌ ಹೀನಾಯ ಸೋಲು ಕಂಡಿದೆ. SRH 7 ವಿಕೆಟ್ಗಳಿಂದ ಸೋತಿದ್ದು, ಈ ಮೂಲಕ ಟೂರ್ನಿಯಲ್ಲಿ ಹೈದ್ರಾಬಾದ್ ಟೀಮ್ ಸತತ 4ನೇ ಸೋಲನ್ನು ಅನುಭವಿಸಿದ್ರೆ ಗುಜರಾತ್ ಟೈಟನ್ಸ್ ಹ್ಯಾಟ್ರಿಕ್ ಗೆಲುವು ಪಡೆದಿದೆ.
ಇದನ್ನೂ ಓದಿ: ಸಿಂಹದ ಬಾಲ ಎಳೆದಾಡಿದ ಬಾಲಕ! – ಆಮೇಲೆ ಏನಾಯ್ತು?
ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ಗುಜರಾತ್ ಟೈಟನ್ಸ್ ನಾಯಕ ಶುಭಮನ್ ಗಿಲ್ ಎದುರಾಳಿ ಹೈದ್ರಾಬಾದ್ ತಂಡವನ್ನು ಬ್ಯಾಟಿಂಗ್ಗೆ ಆಹ್ವಾನ ಮಾಡಿದ್ದರು. ಓಪನರ್ ಆಗಿ ಕ್ರೀಸ್ಗೆ ಆಗಮಿಸಿದ್ದ ಓಪನರ್ಸ್ ಆರಂಭದಲ್ಲೇ ಬಿಗ್ ಶಾಕ್ಗೆ ಒಳಗಾದರು. ಸ್ಫೋಟಕ ಬ್ಯಾಟ್ಸ್ಮನ್ಗಳಾದ ಟ್ರಾವಿಸ್ ಹೆಡ್ 8, ಅಭಿಷೇಕ್ ಶರ್ಮಾ 18 ರನ್ಗೆ ಸಿರಾಜ್ ಬೌಲಿಂಗ್ನಲ್ಲಿ ವಿಕೆಟ್ ಒಪ್ಪಿಸಿದರು.
ಇಶನ್ ಕಿಶನ್ 17, ನಿತೀಶ್ ಕುಮಾರ್ 31 ಕೆಲ ಹೊತ್ತು ಬೌಲರ್ಗಳನ್ನು ಕಾಡಿದರು. ಹೆನ್ರಿಚ್ ಕ್ಲಾಸಿನ್ 27, ಅನಿಕೇತ್ ವರ್ಮಾ ಕೇವಲ 18, ನಾಯಕ ಕಮಿನ್ಸ್ 22 ರನ್ಗಳಿಂದ ಹೈದ್ರಾಬಾದ್ 8 ವಿಕೆಟ್ಗೆ 153 ರನ್ಗಳ ಟಾರ್ಗೆಟ್ ಅನ್ನು ಶುಭ್ಮನ್ ಗಿಲ್ ಪಡೆಗೆ ನೀಡಿತ್ತು.
ಈ ಗುರಿ ಬೆನ್ನು ಹತ್ತಿದ್ದ ಗುಜರಾತ್ ತಂಡದ ಓಪನರ್ಸ್ ಸಾಯಿ ಸುದರ್ಶನ್, ಶುಭ್ಮನ್ ಗಿಲ್ ಉತ್ತಮ ಆರಂಭ ಪಡೆಯಲಿಲ್ಲ. ಸುದರ್ಶನ್ ಕೇವಲ 5 ರನ್ಗೆ ವಿಕೆಟ್ ಒಪ್ಪಿಸಿದರು. ಇವರ ಬಳಿಕ ಕ್ರೀಸ್ಗೆ ಆಗಮಿಸಿದ ವಾಷಿಂಗ್ಟನ್ ಸುಂದರ್ ಭರ್ಜರಿ ಬ್ಯಾಟಿಂಗ್ ಮಾಡಿದರು. 29 ಎಸೆತಗಳನ್ನು ಎದುರಿಸಿದ ಸುಂದರ್ 5 ಫೋರ್, 2 ಸಿಕ್ಸರ್ಗಳಿಂದ 49 ರನ್ ಗಳಿಸಿ ಆಡುವಾಗ ಬಿಗ್ ಶಾಟ್ ಮಾಡಿದರು. ಆದರೆ ಅದು ಕ್ಯಾಚ್ ಆಗಿದ್ದರಿಂದ ಕೇವಲ 1 ರನ್ನಿಂದ ಹಾಫ್ಸೆಂಚುರಿ ಮಿಸ್ ಮಾಡಿಕೊಂಡರು. ಸುಂದರ್ ಬಳಿಕ ಬ್ಯಾಟಿಂಗ್ಗೆ ಬಂದ ಶೆರ್ಫೇನ್ ರುದರ್ಫೋರ್ಡ್ 16 ಬಾಲ್ಗಳಲ್ಲಿ 35 ರನ್ ಸಿಡಿಸಿದರು.
ತಾಳ್ಮೆಯ ಬ್ಯಾಟಿಂಗ್ ಪ್ರದರ್ಶನ್ ಮಾಡಿದ ಶುಭಮನ್ ಗಿಲ್ ತಂಡವನ್ನು ಗೆಲುವಿನ ದಡಕ್ಕೆ ತೆಗೆದುಕೊಂಡು ಹೋದರು. ಕೇವಲ 36 ಎಸೆತಗಳಲ್ಲಿ 7 ಬೌಂಡರಿ ಸಮೇತ ಅರ್ಧ ಶತಕ ಪೂರೈಸಿದರು. ಈ ಪಂದ್ಯದಲ್ಲಿ ಗಿಲ್ ಒಟ್ಟು 43 ಎಸೆತಗಳನ್ನ ಎದುರಿಸಿದ್ದು 9 ಗೌಂಡರಿಗಳಿಂದ 61 ರನ್ಗಳನ್ನು ಗಳಿಸಿ ತಂಡವನ್ನು ಗೆಲುವಿನ ಗುರಿ ಮುಟ್ಟಿಸಿದರು. ಈ ಗೆಲುವಿನೊಂದಿಗೆ ಗುಜರಾತ್ ಟೈಟನ್ಸ್ ಈ ಟೂರ್ನಿಯಲ್ಲಿ ಹ್ಯಾಟ್ರಿಕ್ ಗೆಲವು ಪಡೆದುಕೊಂಡಿದೆ. 4 ಮ್ಯಾಚ್ಗಳಲ್ಲಿ ಕೇವಲ 1 ಪಂದ್ಯವನ್ನು ಮಾತ್ರ ಟೈಟನ್ಸ್ ಸೋತಿದೆ.
