ನೋಡಿರಿ
ರೋಹಿತ್ ಶರ್ಮಾ ಬ್ಯಾಟ್ ಸೈಲೆಂಟ್ ಯಾಕಾಯ್ತು?- ಹಿಟ್‌ಮ್ಯಾನ್ ನಾಯಕತ್ವ ಕುರಿತು ಟೀಕೆ
ಬಾರ್ಡರ್-ಗವಾಸ್ಕರ್ ಟ್ರೋಫಿಯ ಎರಡನೇ ಟೆಸ್ಟ್ನಲ್ಲಿ ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಟೀಮ್ ಇಂಡಿಯಾ ಸೋತಿದೆ. ಅಡಿಲೇಡ್ನಲ್ಲಿ ನಡೆದ ಪಿಂಕ್ ಬಾಲ್ ಟೆಸ್ಟ್ನಲ್ಲೂ ಸೋತ ಮೇಲಂತೂ ರೋಹಿತ್ ಶರ್ಮಾ ನಾಯಕತ್ವದ ಬಗ್ಗೆ ಪ್ರಶ್ನೆಗಳು ಎದ್ದಿವೆ. ಪ್ರತಿ ಟೆಸ್ಟ್ ಸೋಲಿನೊಂದಿಗೆ, ರೋಹಿತ್ ಶರ್ಮಾ ಅವರ ನಾಯಕತ್ವ ಕುರಿತು ಟೀಕೆ ವ್ಯಕ್ತವಾಗುತ್ತಿದೆ.
ಇದನ್ನೂ ಓದಿ: 6 ವಿಕೆಟ್ ಕಿತ್ತು ದಾಖಲೆ ಬರೆದ ಜಸ್ಪ್ರೀತ್ ಬುಮ್ರಾ! – ಹೆಡ್ ಶತಕ ಸಿಡಿಸಿದ ಪಂದ್ಯಗಳಲ್ಲೆಲ್ಲಾ ಭಾರತದ ಸೋಲು ಫಿಕ್ಸ್!
ಬಾಂಗ್ಲಾ ಸರಣಿಯಿಂದ ಈಚೆಗೆ ರೋಹಿತ್ ಶರ್ಮಾ 7 ಟೆಸ್ಟ್ ಪಂದ್ಯಗಳಲ್ಲಿ 13 ಇನ್ನಿಂಗ್ಸ್ ಗಳಲ್ಲಿ ಕಣಕ್ಕಿಳಿದಿದ್ದಾರೆ. ಈ ಪೈಕಿ ಒಂದು ಅರ್ಧ ಶತಕ ಬಂದಿರೋದು ಬಿಟ್ರೆ ಸಾಕಷ್ಟು ಸಲ ಸಿಂಗಲ್ ಡಿಜಿಟ್ನಲ್ಲೇ ಆಟ ಮುಗಿಸಿದ್ದಾರೆ.
ಭಾರತದಲ್ಲೇ ನಡೆದಿದ್ದ ಬಾಂಗ್ಲಾ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ 6 ರನ್ ಗಳಿಸಿದ ರೋಹಿತ್ ಸೆಕೆಂಡ್ ಇನ್ನಿಂಗ್ಸ್ನಲ್ಲಿ 5 ರನ್ಗಳಿಗೆ ಔಟಾಗಿದ್ರು. ಸೆಕೆಂಡ್ ಮ್ಯಾಚ್ನ ಎರಡೂ ಇನ್ನಿಂಗ್ಸ್ಗಳಲ್ಲಿ ಸೇರಿ 31 ರನ್ ಬಾರಿಸಿದ್ರು. ಆ ಬಳಿಕ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ 2 ರನ್ ಬಾರಿಸಿದ್ರು. ಬಟ್ ಸೆಕೆಂಡ್ ಇನ್ನಿಂಗ್ಸ್ನಲ್ಲಿ ಆಫ್ ಸೆಂಚುರಿ ಸಿಡಿಸಿದ್ರು. ಆ ಬಳಿಕ ಸೆಕೆಂಡ್ ಮ್ಯಾಚ್ನ ಫಸ್ಟ್ ಇನ್ನಿಂಗ್ಸ್ನಲ್ಲಿ ಡಕ್ ಔಟ್ ಆದ್ರೆ ಸೆಕೆಂಡ್ ಇನ್ನಿಂಗ್ಸ್ನಲ್ಲಿ 8 ರನ್ ಕಲೆ ಹಾಕಿದ್ರು. ಮೂರನೇ ಫೈಟ್ನಲ್ಲಿ 18 ಮತ್ತು 11 ರನ್ ಗಳಿಸಿದ್ದೇ ಸಾಧನೆಯಾಯ್ತು. ಇನ್ನು ಆಸಿಸ್ ಸರಣಿಯ ಮೊದಲ ಪಂದ್ಯದಿಂದ ಹೊರಗುಳಿದಿದ್ದ ರೋಹಿತ್ ಸೆಕೆಂಡ್ ಪಂದ್ಯಕ್ಕೆ ಎಂಟ್ರಿ ಕೊಟ್ಟಿದ್ರು. ಸೆಕೆಂಡ್ ಮ್ಯಾಚ್ನ ಫಸ್ಟ್ ಇನ್ನಿಂಗ್ಸ್ನಲ್ಲಿ 3 ರನ್ ಸೆಕೆಂಡ್ ಇನ್ನಿಂಗ್ಸ್ನಲ್ಲಿ 6 ರನ್ಗಳಿಗೆ ಪೆವಿಲಿಯನ್ ಸೇರಿದ್ರು. ಸದ್ಯ ಗಾಬ್ಬಾದಲ್ಲಿ ನಡೆಯುತ್ತಿರೋ ಮೂರನೇ ಟೆಸ್ಟ್ನ ಫಸ್ಟ್ ಇನ್ನಿಂಗ್ಸ್ನಲ್ಲಿ 6ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದು 10 ರನ್ ಗಳಿಸುವಷ್ಟ್ರಲ್ಲೇ ಔಟಾಗಿದ್ದಾರೆ. ಅಲ್ಲಿಗೆ ಕಳೆದ 13 ಇನ್ನಿಂಗ್ಸ್ಗಳಿಂದ ರೋಹಿತ್ ಕಲೆ ಹಾಕಿರೋದು 152 ರನ್ಗಳು ಅಷ್ಟೇ.
