ನೋಡಿರಿ
ಸ್ಮೃತಿ ಮಂಧಾನ ವಿಶ್ವದಾಖಲೆಯ ಶತಕ- ಆಸ್ಟ್ರೇಲಿಯಾ ವಿರುದ್ಧ ಭಾರತಕ್ಕೆ ವೈಟ್‌ವಾಶ್ ಮುಖಭಂಗ
ಟೀಮ್ ಇಂಡಿಯಾ ವನಿತೆಯರ ತಂಡ ಆಸ್ಟ್ರೇಲಿಯಾ ವಿರುದ್ಧ 83ರನ್ಗಳಿಂದ ಹೀನಾಯವಾಗಿ ಸೋತಿದೆ. ಈ ಮೂಲಕ ಆಸೀಸ್ ತಂಡ ಭಾರತವನ್ನ ವೈಟ್ ವಾಶ್ ಮಾಡುವಲ್ಲಿ ಸಕ್ಸಸ್ ಆಗಿದೆ. 299ರನ್ಗಳ ಗುರಿ ಬೆನ್ನಟ್ಟಿದ ಭಾರತ ತಂಡ ಕೊನೆ 35 ಓವರ್ ತನಕ ಚೇಸಿಂಗ್ನಲ್ಲಿ ಉತ್ತಮ ಹಿಡಿತ ಸಾಧಿಸಿತ್ತು. ಆದರೆ 36ನೇ ಓವರ್ನಲ್ಲಿ ಸ್ಮತಿ ಮಂಧಾನ ಔಟ್ ಆಗ್ತಿದ್ದಂತೆ ಟೀಮ್ ಇಂಡಿಯಾ ಸೋಲು ಕೂಡಾ ಖಚಿತವಾಗಿತ್ತು. 45.1 ಓವರ್ ನಲ್ಲಿ 215ಕ್ಕೆ ಆಲೌಟ್ ಆಗೋ ಮೂಲಕ ಟೀಮ್ ಇಂಡಿಯಾ 83 ರನ್ಗಳಿಂದ ಸೋಲು ಕಂಡಿತು.
ಇದನ್ನೂ ಓದಿ:ಭಾರತದ ಸಿರಾಜ್‌ಗೆ ಕಠಿಣ ಶಿಕ್ಷೆ – ಆಸ್ಟ್ರೇಲಿಯಾದ ಹೆಡ್‌ಗೆ ಕೇವಲ ದಂಡ – ಶಿಕ್ಷೆಯಲ್ಲೂ ಐಸಿಸಿ ತಾರತಮ್ಯ ಮಾಡಿದ್ಯಾಕೆ?
ಏಕದಿನ ಕ್ರಿಕೆಟ್ನಲ್ಲಿ ಸ್ಮೃತಿ ಮಂಧಾನ ಚರಿತ್ರೆ ಸೃಷ್ಟಿಸಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಕೊನೆಯ ಏಕದಿನ ಪಂದ್ಯದಲ್ಲಿ ಸ್ಮೃತಿ ಮಂಧಾನ ಶತಕ ಸಿಡಿಸಿ ವಿಶ್ವದಾಖಲೆ ಬರೆದ್ರು. ಈ ವರ್ಷ ಏಕದಿನ ಪಂದ್ಯಗಳಲ್ಲಿ ಮಂಧಾನ ಸಿಡಿಸಿದ್ದು ಇದು ನಾಲ್ಕನೇ ಶತಕ. ವರ್ಷದಲ್ಲಿ ಈ ಸಾಧನೆ ಮಾಡಿದ ವಿಶ್ವದ ಮೊದಲ ಮಹಿಳಾ ಕ್ರಿಕೆಟರ್ ಎಂಬ ಹೆಗ್ಗಳಿಕೆಗೆ ಮಂಧನಾ ಪಾತ್ರರಾಗಿದ್ದಾರೆ.
ಒಂದೇ ವರ್ಷದಲ್ಲಿ ಹೆಚ್ಚು ಶತಕ ಸಿಡಿಸಿದ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದ್ದಾರೆ ಸ್ಮೃತಿ ಮಂಧಾನ. ಆಸ್ಟ್ರೇಲಿಯಾದ ಬೆಲಿಂಡಾ ಕ್ಲಾರ್ಕ್ (1997), ಮೆಗ್ ಲ್ಯಾನಿಂಗ್ (2016), ನ್ಯೂಜಿಲ್ಯಾಂಡ್ನ ಆಮಿ ಸ್ಯಾಟರ್ತ್ವೈಟ್ (2016), ಸೋಫಿ ಡಿವೈನ್ (2018), ಪಾಕಿಸ್ತಾನದ ಸಿದ್ರಾ ಅಮೀನ್ (2012), ಇಂಗ್ಲೆಂಡ್ನ ನ್ಯಾಟ್ ಸಿವರ್ (2023), ದಕ್ಷಿಣ ಆಫ್ರಿಕಾದ ಲಾರಾ ವೋಲ್ವಾರ್ಟ್ (2024) ತಲಾ ಮೂರು ಶತಕಗಳನ್ನು ಬಾರಿಸಿದ್ದಾರೆ. ಮಹಿಳಾ ಏಕದಿನ ಕ್ರಿಕೆಟ್ನಲ್ಲಿ ಒಂದೇ ಕ್ಯಾಲೆಂಡರ್ ವರ್ಷದಲ್ಲಿ ಈ ವರ್ಷ ನಾಲ್ಕು ಶತಕಗಳನ್ನು ದಾಖಲಿಸಿದ ಸ್ಮೃತಿ ಮಂಧಾನ ಈ ಸಾಧನೆ ಮಾಡಿದ ಮೊದಲ ಬ್ಯಾಟರ್ ಎನಿಸಿಕೊಂಡರು.
