ನೋಡಿರಿ
ಸ್ನೇಹ ಸಾವು, ಕಂಠಿ ಕಣ್ಮರೆ.. ರಾಜಿಯಾಗಿ ಹಂಸಗೂ ಗೇಟ್‌ಪಾಸ್ – ಪುಟ್ಟಕ್ಕನ ಮಕ್ಕಳು ಇನ್ನೇನೆಲ್ಲಾ ನೋಡ್ಬೇಕೋ..?
ಪುಟ್ಟಕ್ಕನ ಮಕ್ಕಳು ಸೀರಿಯಲ್ ಒಂದು ಹಂತದಲ್ಲಿ ಟಾಪ್ ಮೋಸ್ಟ್ ಸೀರಿಯಲ್ ಆಗಿ ಮೆರೆಯುತ್ತಿತ್ತು. ಸ್ನೇಹ ಜಿಲ್ಲಾಧಿಕಾರಿಯಾಗಿ ಬಂದ ಮೇಲಂತೂ ಒಂಟಿ ಮಹಿಳೆ ಪುಟ್ಟಕ್ಕ ಮಕ್ಕಳನ್ನ ಬೆಳೆಸಿದ ರೀತಿಗೆ ವೀಕ್ಷಕರು ಹೆಮ್ಮೆ ಪಟ್ಟಿದ್ರು. ಕಥೆ ಕೂಡಾ ಹೆಣ್ಮಕ್ಕಳೇ ಸ್ಟ್ರಾಂಗ್ ಗುರೂ ಅನ್ನೋ ರೀತಿಯಲ್ಲೇ ಸಾಗುತ್ತಿತ್ತು. ಅಷ್ಟೇ ಯಾಕೆ, ಪುಟ್ಟಕ್ಕನ ಮಕ್ಕಳು ನೋವಲ್ಲಿದ್ದ ಪ್ರತಿಯೊಬ್ಬ ಹೆಣ್ಣಿಗೂ ಸ್ಪೂರ್ತಿಯಾಗಿ ನಿಂತಿದ್ದರು. ಇದೇ ರೀತಿ ರೆಸ್ಪಾನ್ಸ್ ಸೀರಿಯಲ್ ತಂಡಕ್ಕೂ ಸಿಕ್ತಿತ್ತು. ಆದ್ರೆ, ಸ್ನೇಹ ಡಿಸಿಯಾಗಿ ಕೆಲವೇ ಕೆಲ ದಿನ. ಸೀರಿಯಲ್‌ನ ಕಥೆಗಳೆಲ್ಲಾ ಉಲ್ಟಾ ಪಲ್ಟಾ.. ವೀಕ್ಷಕರಿಗೂ ಫುಲ್ ಕನ್‌ಫ್ಯೂಸ್. ಆವತ್ತು ಶುರುವಾದ ಸೀರಿಯಲ್ ಕಥೆಯ ಗೊಂದಲ ಈಗ ಅದ್ಯಾವ ಮಟ್ಟಕ್ಕೆ ತಲುಪಿದೆ ಅಂದ್ರೆ ವೀಕ್ಷಕರೇ ಡೈರೆಕ್ಟ್ ಆಗಿ ಡೈರೆಕ್ಟರ್‌ಗೇ ಕ್ಲಾಸ್ ಕೊಡ್ತಿದ್ದಾರೆ. ಹಾಗಾದ್ರೆ ಬನ್ನಿ ಸ್ನೇಹಿತರೇ, ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನಲ್ಲಿ ಮತ್ತೇನಾಯ್ತು? ಯಾವ ಪಾತ್ರ ಬದಲಾಗಿದೆ? ಈ ಬೆಳವಣಿಗೆಗೆ ವೀಕ್ಷಕರು ಏನ್ ಹೇಳ್ತಿದ್ದಾರೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: ರಾಹುಲ್‌ಗೆ ಭಾರತ ವಿರೋಧಿಗಳ ನಂಟು!? – ದೇಶದ್ರೋಹಿ ಆದ್ರಾ ವಿಪಕ್ಷ ನಾಯಕ?
ಡಿಸಿಯಾಗಿದ್ದ ಸ್ನೇಹ ಸಾವನ್ನಪ್ಪಿದ್ದೂ ಆಯ್ತು. ಸೀರಿಯಲ್ ಕಥೆಯ ಕೆಲ ಎಪಿಸೋಡ್ ಅಲ್ಲೋಲ ಕಲ್ಲೋಲ ಆಗಿದ್ದೂ ಆಯ್ತು. ಸ್ನೇಹ ಪಾತ್ರ ಮಾಡ್ತಿದ್ದ ನಟಿ ಸಂಜನಾ ಬುರ್ಲಿ ಸೀರಿಯಲ್‌ನಿಂದ ಹೊರಬಂದಿದ್ದಕ್ಕೆ ಅವಳ ಪಾತ್ರವನ್ನೇ ನಿರ್ದೇಶಕರು ಸಾಯಿಸಿಬಿಟ್ಟಿದ್ದರು. ಈ ಟ್ವಿಸ್ಟ್ ಸುಧಾರಿಸಿಕೊಂಡಿದ್ದ ವೀಕ್ಷಕರಿಗೆ ಮತ್ತೊಮ್ಮೆ ಪುಟ್ಟಕ್ಕನ ಮಕ್ಕಳು ಕಥೆ ಶಾಕ್ ಕೊಟ್ಟಿದೆ. ಈಗ ಸೀರಿಯಲ್‌ನಲ್ಲಿ ಕಂಠಿ ಹೀರೋನಾ, ಕೊಲೆ ಪಾತಕನಾ ಅನ್ನೋದೇ ಗೊಂದಲ. ಅಷ್ಟೇ ಯಾಕೆ, ಕಂಠಿ ಪಾತ್ರವೇ ಮುಗಿದುಹೋಯ್ತಾ ಅನ್ನೋ ಅನುಮಾನ ಇದೆ. ಹೌದು ವೀಕ್ಷಕರೇ, ಕಂಠಿ ತನ್ನ ಪತ್ನಿ ಸ್ನೇಹ ಕೊಲೆಗೆ ಕಾರಣರಾದವರನ್ನ ಕೊಲ್ಲಲು ಜೈಲು ಸೇರ್ತಾನೆ. ಇಬ್ಬರಿಗೂ ಚಾಕು ಬೇರೆ ಹಾಕಿದ್ದಾನೆ. ಆಗ ಸ್ನೇಹ ಹೃದಯ ಹೊಂದಿದ್ದ ಮತ್ತೊಬ್ಬ ಸ್ನೇಹ ಕಂಠಿಯ ಅಪರಾಧವನ್ನ ತನ್ನ ಮೇಲೆ ಎಳೆದುಕೊಳ್ತಾಳೆ. ಇಷ್ಟೇ ಆಗಿದ್ರೆ ಓಕೆ. ಇದೀಗ ಕಂಠಿಯೇ ಕಣ್ಮರೆಯಾಗಿದ್ದಾನೆ. ಅಷ್ಟೇ ಅಲ್ಲ, ಜೈಲಲ್ಲಿದ್ದ ಸಿಂಗಾರಮ್ಮ ಮತ್ತು ಆಕೆಯ ಮಗನೂ ಬದುಕಿಲ್ಲ.
ಮತ್ತೊಂದೆಡೆ ಪುಟ್ಟಕ್ಕನ ಮಕ್ಕಳು ಸೀರಿಯಲ್‌ನಲ್ಲಿ ವೀಕ್ಷಕರಿಗೆ ಇಷ್ಟವಾಗಿದ್ದು ಜಗಳಗಂಠಿ ರಾಜಿ. ಹಂಸಾ ಬಿಗ್ ಬಾಸ್ ಗೆ ತೆರಳಿದ ಮೇಲೆ ರಾಜಿಯ ಸೌಂಡೇ ಇರಲಿಲ್ಲ. ಇದ್ರ ಮಧ್ಯೆ ನಿರ್ದೇಶಕ ಆರೂರು ಜಗದೀಶ್, ಹಂಸಾ ಬಿಗ್ ಬಾಸ್ ಮನೆಗೆ ಹೋಗುವ ವಿಷಯವೇ ತಿಳಿಸಿಲ್ಲ. ಬಿಗ್ ಬಾಸ್ ಮನೆಯಲ್ಲಿ ಆಕೆಯನ್ನು ನೋಡಿ ಶಾಕ್ ಆಗಿರೋದಾಗಿಯೂ ಹೇಳಿದ್ರು. ನಿರ್ದೇಶಕರ ಈ ಆರೋಪಕ್ಕೆ ಹಂಸಾ ಪ್ರತ್ಯಾರೋಪ ಕೂಡಾ ಮಾಡಿದ್ದರು. ಇದೆಲ್ಲದರ ಮಧ್ಯೆ ರಾಜಿ ಪಾತ್ರ ಕೂಡಾ ಎಂಡ್ ಆಗಿದೆ ಅಂತಾನೇ ಭಾವಿಸಲಾಗಿತ್ತು. ಈಗ ದಿಢೀರ್ ವೀಕ್ಷಕರಿಗೆ ರಾಜಿಯ ದರ್ಶನವಾಗಿದೆ. ರಾಜಿ ಪಾತ್ರಕ್ಕೆ ನಟಿ ಸ್ವಾತಿ ಬಣ್ಣ ಹಚ್ಚಿದ್ದಾರೆ. ಸ್ವಾತಿ ಈಗಾಗಲೇ ಕನ್ನಡ ಕಿರುತೆರೆಯ ಹಲವು ಸೀರಿಯಲ್ ಗಳ ಮೂಲಕ ವೀಕ್ಷಕರಿಗೂ ಪರಿಚಿತ.
ಒಟ್ನಲ್ಲಿ, ಪುಟ್ಟಕನ ಮಕ್ಕಳು ಸೀರಿಯಲ್ ನಲ್ಲಿ ಕಥೆಗೆ ಟ್ವಿಸ್ಟ್ ಕೊಡೋ ಬದ್ಲು ಪಾತ್ರಗಳೇ ಬದಲಾಗುತ್ತಿವೆ. ವೀಕ್ಷಕರು ಅಂದುಕೊಂಡಿದ್ದೆಲ್ಲಾ ಬುಡಮೇಲು ಆಗುತ್ತಿದೆ. ಈಗಾಗಲೇ 800 ಸಂಚಿಕೆ ಮುಗಿಸಿರೋ ಪುಟ್ಟಕ್ಕನ ಮಕ್ಕಳು ಒಂದು ಸಾವಿರ ಸಂಚಿಕೆ ಮುಗಿಸಲು ಕಾಯ್ತಿದೆ. ಅಷ್ಟರೊಳಗೆ ಇನ್ನೇನೆಲ್ಲಾ ಆಗುತ್ತೋ ಕಾದುನೋಡ್ಬೇಕಷ್ಟೇ.
