ನೋಡಿರಿ
16 ವರ್ಷದೊಳಗಿನ ಮಕ್ಕಳೇ ಅಲರ್ಟ್! – ಮಕ್ಕಳಿಗೆ Social Media ಬ್ಯಾನ್
ಕೇರ್‌ಲೆಸ್ ಮಾಡಿದ್ರೆ ಬೀಳುತ್ತೆ ಕೇಸ್‌
3 ವರ್ಷದ ಮಕ್ಕಳಿಂದ ಹಿಡಿದು 90ರ ಮದುಕರು ಈಗ ಸೋಷಿಯಲ್ ಮೀಡಿಯಾ ಬಳಸ್ತಾರೆ. ಎಜ್ ಡಿಫೆರೆನ್ಸ್ ಇಲ್ಲದೇ ಪ್ರತಿಯೊಬ್ಬರಿಗೂ ಮೊಬೈಲ್ ಹಿಡಿದು ಫೇಸ್ಬುಕ್, ವಾಟ್ಸಾಪ್‌, ಇನ್ಸಟ್ಟಾ ಗ್ರಾಂ ಸೇರಿ ಸಾಕಷ್ಟು ಸೋಷಿಯಲ್ ಮೀಡಿಯಾ ನೋಡೋದು ಒಂದು ಚಟವಾಗಿದೆ. ಅದೆಷ್ಟೋ ಜನ ಇದ್ರಿಂದ ಬದುಕು ಕಟ್ಟಿಕೊಂಡಿದ್ರೆ, ಸಾಕಷ್ಟು ಜನ ಇದ್ರಿಂದ ಬೀದಿಗೆ ಬಂದಿದ್ದಾರೆ. ಅದ್ರಲ್ಲೂ ಮಕ್ಕಳು ಹೆಚ್ಚಾಗಿ ಇದಕ್ಕೆ ಅಡಿಕ್ಟ್ ಆಗಿದ್ದಾರೆ. ಅದಕ್ಕೆ ಕಾರಣಕೂಡ ಪೋಷಕರೇ.. ಮಕ್ಕಳು ಊಟ ಮಾಡಲ್ಲ ಅಂತ, ಹಠ ಮಾಡ್ತಾವೆ ಅಂತಾ ಮೊಬೈಲ್ ತೆಗೆದು ಅವುಗಳ ಕೈಗೆ ಕೊಡ್ತಾರೆ. ಹಾಗೇ ಮಕ್ಕಳು ಕೂಡ ಅದಕ್ಕೆ ಅಡಿಕ್ಟ್ ಆಗುತ್ತಿದ್ದಾರೆ.. ಈಗ ಸೋಷಿಯಲ್ ಮೀಡಿಯಾ ಬಳಸುವವರಿಗೆ ಶಾಕ್ ನೀಡಿದೆ.. ಆದರೆ ಇನ್ಮುಂದೆ ಆ ದೇಶದಲ್ಲಿ ಸೋಷಿಯಲ್ ಮೀಡಿಯಾ ಬಳಸೋ ಹಾಗೆನೇ ಇಲ್ಲ. ಏಕೆಂದರೆ ಇಲ್ಲಿ ಸೋಷಿಯಲ್ ಮೀಡಿಯಾ ಬಳಕೆಯನ್ನೇ ಬ್ಯಾನ್ ಮಾಡಿದ್ದಾರೆ. ಯಾವ ದೇಶ? ಯಾಕೆ? ಎಷ್ಟು ವರ್ಷದವರಿಗೆ ಅನ್ನೋ ಮಾಹಿತಿ ಇಲ್ಲಿದೆ.
ಇದನ್ನೂ ಓದಿ: RCBಗೆ ಪಂಚ ಶಕ್ತಿ.. ಸಾಲ್ಟ್ & ಸ್ಟೋನ್ ಬೆಂಕಿ ಬ್ಯಾಟಿಂಗ್ – ಬೌಲಿಂಗ್ ಅಸ್ತ್ರ ಕಪ್ ಗೆಲ್ಲಿಸುತ್ತಾ?
ಈಗಿನ ಮಕ್ಕಳ ಕೈಯಲ್ಲಿ ಚಾಕಲೇಟ್ ಬಿಟ್ಟು ಮೊಬೈಲ್ ಹಿಡಿಯುತ್ತಿದ್ದಾರೆ. ದೊಡ್ಡವರಿಗಿಂತ ಮಕ್ಕಳೇ ಹೆಚ್ಚು ಕಾಲ ಸೋಷಿಯಲ್ ಮೀಡಿಯಾದಲ್ಲಿ ಕಳೆಯುತ್ತಿದ್ದಾರೆ. ಇದಕ್ಕೆ ಕೊರೊನಾ ಕೂಡ ಕಾರಣ ಅಂತನೇ ಹೇಳಬಹುದು. ಮಕ್ಕಳು ಹೆಚ್ಚಾಗಿ ಮೊಬೈಲ್ ಬಳಸುವುದರಿಂದ ಅವರ ಒದಿನ ಮೇಲೆ, ನಿದ್ದೆ ಮೇಲೆ, ಆರೋಗ್ಯದ ಮೇಲ ಸಾಕಷ್ಟು ಎಫೆಕ್ಟ್ ಆಗುತ್ತಿದೆ. ಹೀಗಾಗಿಯೇ ಆಸ್ಪ್ರೇಲಿಯಾದಲ್ಲಿ 16 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಸೋಷಿಯಲ್ ಮೀಡಿಯಾ ಬ್ಯಾನ್ ಮಾಡಲಾಗಿದೆ. ಆಸ್ಟ್ರೇಲಿಯಾದಲ್ಲಿ ಸಾಮಾಜಿಕ ಜಾಲತಾಣ ಬಳಸದಂತೆ ರೂಪಿಸಿದ್ದ ನಿಯಂತ್ರಣ ವಿಧೇಯಕವು ಸಂಸತ್‌ನಲ್ಲಿ ಅಂಗೀಕಾರಗೊಂಡಿದೆ. ಮಕ್ಕಳ ಮಾನಸಿಕ ಆರೋಗ್ಯ ಕಾಪಾಡುವ ದೃಷ್ಟಿಯಿಂದ ಸಾಮಾಜಿಕ ಜಾಲತಾಣಗಳಿಂದ ನಿಷೇಧಿಸಲು ರಚನೆಯಾಗಿದ್ದ ಕಠಿಣ ನಿಯಮಗಳ ‘ಸಾಮಾಜಿಕ ಜಾಲತಾಣಗಳ ಕನಿಷ್ಠ ವಯಸ್ಸು ನಿಯಂತ್ರಣ ವಿಧೇಯಕ’ಕ್ಕೆ ಆಸ್ಪ್ರೇಲಿಯಾ ಸಂಸತ್‌ ಅಂಗೀಕಾರದ ಮುದ್ರೆ ಒತ್ತಿದೆ. ಫೇಸ್ಬುಕ್, ಇನ್‌ಸ್ಟಾಗ್ರಾಂ, ಟಿಕ್ಟಾಕ್ ಸೇರಿದಂತೆ ಎಲ್ಲಾತಾಣಗಳಲ್ಲಿ16 ವರ್ಷದೊಳಗಿನ ಮಕ್ಕಳು ಬಳಸದಂತೆ ನಿಯಂತ್ರಣ ವಿಧೇಯಕ ರೂಪಿಸಲಾಗಿದೆ. ಇಂತಹ ಕಾನೂನು ರೂಪಿಸಿದ ಜಗತ್ತಿನ ಮೊದಲ ದೇಶ ಎಂಬ ಹಿರಿಮೆಗೆ ಆಸ್ಪ್ರೇಲಿಯಾ ಪಾತ್ರವಾಗಿದೆ.
ಹೊಸ ವಿಧೇಕದಲ್ಲಿಸಾಮಾಜಿಕ ಜಾಲತಾಣಗಳು ಮಕ್ಕಳು ಲಾಗಿನ್‌ ಆಗದಂತೆ ನಿರ್ಬಂಧಿಸಲು ಸೂಚಿಸಲಾಗಿದೆ. ಟಿಕ್ಟಾಕ್, ಫೇಸ್ಬುಕ್, ಇನ್‌ಸ್ಟಾಗ್ರಾಮ್, ಸ್ನ್ಯಾಪ್‌ಚಾಟ್, ರೆಡ್ಡಿಟ್, ಎಕ್ಸ್‌ನಂತಹ ಸಾಮಾಜಿಕ ಮಾಧ್ಯಮ ಪ್ಲಾಟ್‌ಫಾರ್ಮ್‌ಗಳು ಇನ್ಮುಂದೆ ವಯಸ್ಸಿನ ಮಿತಿ ನಿಯಮಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸಬೇಕು. ಇವುಗಳನ್ನು ಉಲ್ಲಂಘಿಸುವ ಕಂಪನಿಗಳಿಗೆ ಭಾರೀ ದಂಡವನ್ನು ವಿಧಿಸುವುದಾಗಿ ಮಸೂದೆಯಲ್ಲಿ ಪ್ರಸ್ತಾಪಿಸಲಾಗಿದೆ. 50 ಮಿಲಿಯನ್ ಆಸ್ಟ್ರೇಲಿಯನ್‌ ಡಾಲರ್‌ ಅಂದರೆ 275 ಕೋಟಿ ರೂಪಾಯಿಯಷ್ಟು ದಂಡವನ್ನು ವಿಧಿಸಬಹುದು ಎಂದು ಹೇಳಲಾಗಿದೆ. ನಿಷೇಧವು 2025ರ ಜನವರಿ 1ರಿಂದ ಪ್ರಾಯೋಗಿಕವಾಗಿ ಜಾರಿಗೆ ಬರಲಿದೆ. ಮಕ್ಕಳು ಖಾತೆ ಹೊಂದುವುದನ್ನು ನಿಷೇಧಿಸಲು ಜಾಲತಾಣಗಳಿಗೆ 1 ವರ್ಷ ಸಮಯ ನೀಡಲಾಗಿದೆ. ಸಾಮಾಜಿಕ ಮಾಧ್ಯಮಗಳಿಂದ ಮಕ್ಕಳ ಭವಿಷ್ಯಕ್ಕೆ ಧಕ್ಕೆಯಾಗಲಿದೆ. ಹೌದು, ಸರ್ಕಾರವೇನು ಈ ಕಾನೂನು ಜಾರಿಗೆ ತಂದಿದೆ. ಆದ್ರೆ ಇದ್ರಲ್ಲಿ ಸಾಕಷ್ಟು ಸಮಸ್ಯೆಗಳು ಇವೆ..
ಸಾಮಾಜಿಕ ಜಾಲತಾಣಗಳು ಸಾಮಾನ್ಯವಾಗಿ 18 ವರ್ಷ ಮೇಲ್ಪಟ್ಟವರು ಮಾತ್ರ ಖಾತೆಗಳನ್ನು ತೆರೆಯಬಹುದು ಎನ್ನುತ್ತವೆ. ಆದರೆ, ಬಳಕೆದಾರರ ವಯಸ್ಸು ಎಷ್ಟು ಅನ್ನುವುದನ್ನು ಪತ್ತೆ ಹಚ್ಚುವುದು ಕಷ್ಟ. ಯಾಕಂದ್ರೆ ಮಕ್ಕಳು ತಮ್ಮ ಪೋಷಕರ ನಂಬರ್‌ ಮೂಲಕವೂ ಖಾತೆಗಳನ್ನು ತೆರೆಯುತ್ತಾರೆ.. ಹೀಗಾಗಿ ಸಾಮಾಜಿಕ ಜಾಲತಾಣಗಳ ಜತೆಗೆ ಚರ್ಚಿಸಿ ನಿಯಮಗಳನ್ನು ಜಾರಿಗೆ ತರಬೇಕಾಗುತ್ತದೆ. ಫೇಸ್‌ಬುಕ್‌ನಲ್ಲಿ ಇತ್ತೀಚೆಗೆ ಖಾತೆಗಳನ್ನು ತೆರೆಯುವಾಗ ನಿಜ ಬದುಕಿನ ಹೆಸರು ಬಳಸುವಂತೆ ಕೇಳುತ್ತೆ.. ಆದರೆ, ಜನ ಮನಸಿಗೆ ಬಂದು ಹೆಸರುಗಳನ್ನು ನೀಡ್ತಾರೆ. ಇದು ಸತ್ಯ ಅಂತ ಹೇಗೆ ತಿಳಿಯುತ್ತೆ ಎಂಬ ಪ್ರಶ್ನೆಗೆ ಯಾವುದೇ ಉತ್ತರವಿಲ್ಲ. ಇನ್ನೊಂದು ಪ್ಲ್ಯಾನ್‌ ಇದೆ ಸರಕಾರ ನೀಡಿದ ಗುರುತಿನ ಚೀಟಿಗಳನ್ನು ಸೋಷಿಯಲ್ ಮೀಡಿಯಾಗೆ ಲಿಂಕ್‌ ಮಾಡುವ ಮೂಲಕ ನಿಯಂತ್ರಣ ತರಬಹುದು.. ಆದ್ರೆ ಇದ್ರಿಂದ ಸಾಮಾಜಿಕ ಜಾಲತಾಣಗಳ ಬಳಕೆದಾರರ ಸಂಖ್ಯೆಯ ಇಳಿಕೆ ಆಗುತ್ತೆ. ಇದ್ರ ಎಫೆಕ್ಟ್ ಸಂಸ್ಥೆಗಳಿಗೆ ಆಗುತ್ತೆ.. ಆಗ ಸಂಸ್ಥೆಗಳು ಸರಕಾರದ ನಿಯಮದ ವಿರುದ್ಧ ದನಿಯೆತ್ತಬಹುದು. ಈ ಎಲ್ಲಾ ಕಾರಣಗಳಿಂದ ಆಸ್ಪ್ರೇಲಿಯಾ ಸರಕಾರವು ಅನೇಕ ಸವಾಲುಗಳನ್ನು ಎದುರಿಸಿ ನಿಯಮವನ್ನು ಜಾರಿಗೆ ತರಬೇಕಾಗಿದೆ. ಮಕ್ಕಳ ಸುರಕ್ಷತೆ ಹಾಗೂ ಉತ್ತಮ ಭವಿಷ್ಯವನ್ನು ಒದಗಿಸುವ ನಿಟ್ಟಿನಲ್ಲಿ ಎಲ್ಲಾ ಸವಾಲುಗಳಿಗೆ ಸರಕಾರ ಒಂದು ವರ್ಷದಲ್ಲಿ ಉತ್ತರವನ್ನು ಕಂಡುಕೊಳ್ಳಬೇಕಾಗಿದೆ. ಆಸ್ಪತ್ರೆಯಲ್ಲಿ ಸರ್ಕಾರ ತೆಗೆದುಕೊಂಡ ನಿರ್ಧಾರ ಸರಿಯಾಗಿದೇ ಇದೆ, ಆದ್ರೆ ಇದು ಹೇಳಿದಷ್ಟು ಸುಲಭವಲ್ಲ. ಯಾಕಂದ್ರೆ ಪೋಷಕರೇ ಮಕ್ಕಳಿಗೆ ಸೋಷಿಯಲ್ ಮೀಡಿಯಾ ಬಳಕೆ ಮಾಡೋಕೆ ಅವಕಾಶ ಕೊಡುತ್ತಿರುವಾಗ, ಇದು ಎಷ್ಟರ ಮಟ್ಟಿಗೆ ಸಕ್ಸಸ್ ಆಗುತ್ತೆ ಕಾದು ನೋಡಬೇಕಿದೆ.
