ನೋಡಿರಿ
ಯಾವ್ದೋ ಸ್ವಿಚ್‍‍ಗೆ ಇನ್ಯಾವ್ದೋ ಬಲ್ಬ್ ಆನ್ ಆಯ್ತಾ? – ಜಗದೀಶ್‌ ಆಟಕ್ಕೆ ಮನೆ ಮಂದಿ ಫುಲ್‌ ಸುಸ್ತು!
ಬಿಗ್‌ ಬಾಸ್‌ ಕನ್ನಡ ಸೀಸನ್‌ 11 ಆರಂಭದಲ್ಲೇ ಜೋರಾಗಿ ಸದ್ದು ಮಾಡುತ್ತಿದೆ. ದೊಡ್ಮನೆಯ ಆಟ ಈಗ ರಂಪಾಟ ಆಗಿದೆ. ಲಾಯರ್‌ ಜಗದೀಶ್‌ ಆಟಕ್ಕೆ ಮನೆ ಮಂದಿ ಫುಲ್‌ ಸುಸ್ತಾಗಿ ಹೋಗಿದ್ದಾರೆ. ಸ್ವರ್ಗದಲ್ಲೇ ನರಕ ತೋರಿಸಿದ ಜಗದೀಶ್‌ ಈಗ ನರಕಕ್ಕೆ ಕಳಹಿಸಿದ ಹಂಸರನ್ನ ಪದೇ ಪದೇ ಟಾರ್ಗೆಟ್‌ ಮಾಡ್ತಿದ್ದಾರೆ. ಇದೀಗ ಹಂಸರನ್ನ ಪೀಡಿಸುತ್ತಿರುವಾಗ ಇನ್ನೊಬ್ಬ ಸ್ಪರ್ಧಿ ಸಖತ್‌ ಗರಂ ಆಗಿದ್ದಾರೆ.
ಇದನ್ನೂ ಓದಿ: NZ ಫೈಟ್ ಗೆ KL & KOHLI ರೆಡಿ – ಬೆಂಗಳೂರಲ್ಲೇ ರೋಚಕ ಟೆಸ್ಟ್ ಫೈಟ್
ಟಾಸ್ಕ್‌ವೊಂದರಲ್ಲಿ ನರಕ ನಿವಾಸಿಗಳು ಗೆದ್ದಿದ್ದಾರೆ. ಹೀಗಾಗಿ ಸ್ವರ್ಗ ನಿವಾಸಿಗಳು ನರಕ ನಿವಾಸಿಗಳು ಹೇಳಿದ್ದನ್ನ ಮಾಡಿಕೊಡಬೇಕು ಎಂದು ಬಿಗ್‌ ಬಾಸ್‌ ಹೇಳಿದ್ದಾರೆ. ಇದನ್ನೇ ಲಾಯರ್‌ ಜಗದೀಶ್‌ ಅಡ್ವಾಂಟೇಜ್‌ ತೆಗೆದುಕೊಂಡಿದ್ದಾರೆ.. ಸ್ವರ್ಗ ನಿವಾಸಿಗಳು ಊಟ ಮಾಡುತ್ತಿದ್ದರು. ಈ ವೇಳೆ ಲಾಯರ್‌ ಜಗದೀಶ್‌ ಅವರು ಹಂಸ ಅವರಿಗೆ ರೋಟಿ, ಬಟರ್‌ ಮಸಾಲ ಬೇಕು ಎಂದು ಹೇಳಿದ್ದಾರೆ. ಡೈನಿಂಗ್‌ ಹಾಲ್‌ನಲ್ಲಿ ಭವ್ಯಾ ಹಾಗೇ ಹಂಸ ಅವರು ಊಟ ಮಾಡುತ್ತಿದ್ದರು. ಅದೇ ವೇಳೆ ಹಂಸ ಅವರಿಗೆ ಜಗದೀಶ್‌ ಈ ರೀತಿ ಆರ್ಡರ್‌ ಮಾಡುತ್ತಿರುವುದನ್ನು ಕೇಳಿ, ಫೂಟೇಜ್‌ ತೆಗೊಳ್ಳೋಕೆ ಏನೋ ಬೊಗಳ್‌ಬೇಕು ಅಂತ ಮಾತನಾಡುತ್ತಿದ್ದಾರೆ ಎಂದಿದ್ದಾರೆ.
ಪದೇ ಪದೇ ಹಂಸ ಹಂಸ ಅಂದಿದ್ದಕ್ಕೆ ಭವ್ಯಾ ಅವರಿಗೆ ಇರಿಟೇಟ್‌ ಆಗಿದೆ. ಮಾತ್ರವಲ್ಲ ಜಗದೀಶ್‌ ವಿರುದ್ಧ ರೇಗಾಡಿದ್ದಾರೆ. ಬೇರೆ ಟೈಮ್‌ ಅಲ್ಲಿ ಅಂತೂ ನೆಮ್ಮದಿ ಕೊಡಲ್ಲ. ಊಟದ ಟೈಮ್‌‌ನಲ್ಲಾದ್ರೂ ನೆಮ್ಮದಿ ಕೊಡಿ ಎಂದು ಹೇಳಿದ್ದಾರೆ. ಬೆಳಗ್ಗೆ 5 ಗಂಟೆಗೆ ಟೀ ಕೊಡಿ ಎಂದು ಜಗದೀಶ್‌ ಹೇಳಿದ್ದರೂ ಹಂಸ ಕೊಟ್ಟಿಲ್ಲ. ಈ ಬಗ್ಗೆ ಕೂಡ ಭವ್ಯಾ ಅವರು ಜೋರಾಗಿಯೇ ಮಾತನಾಡಿದ್ರು. ಬೆಳಗ್ಗೆ 5 ಗಂಟೆಗೆ ಏಳಿ ಎಂದು ಬಿಗ್‌ ಬಾಸ್‌ ಹೇಳಿಲ್ಲ ಎಂದು ಹೇಳಿದರು. ಭವ್ಯಾ ಅವರು ಈ ರೀತಿ ಮಾತನಾಡಿದ್ದಕ್ಕೆ ಜಗದಿಶ್‌ ಅವರು ಕೋಪಗೊಂಡಿದ್ದಾರೆ. ನಾನು ನಿಮಗೆ ಏನು ಹೇಳಿಲ್ಲ. ನೀವು ಮಧ್ಯಕ್ಕೆ ಬರಬೇಡಿ ಎಂದು ರೇಗಿದ್ದಾರೆ. ನಂಗೆ ಇರಿಟೇಟ್‌ ಆಗ್ತಿದೆ. ಇದು ನಮ್ಮ ಮನೆ ಎಂದಿದ್ದಾರೆ ಭವ್ಯಾ. ಗದರಿಸಬೇಡಿ ನಿಧಾನಕ್ಕೆ ಮಾತನಾಡಿ ಎಂದಿದ್ದಾರೆ ಲಾಯರ್‌ ಜಗದೀಶ್‌ .
ಒಟ್ಟಿನಲ್ಲಿ ಈ ಸೀಸನ್‌ನಲ್ಲಿ ಜಗದೀಶ್‌ ಹಾಗೂ ಹಂಸ ಅವರ ಪಾತ್ರಗಳೇ ಪ್ರಮುಖ ಹೈಲೈಟ್‌ ಆಗಿದೆ. ಹಂಸ ಹಾಗೂ ಜಗದೀಶ್‌ ಸನ್ನಿವೇಶಗಳು ಸಖತ್‌ ಟ್ರೋಲ್‌ ಆಗಿವೆ. ಅದು ಅಲ್ಲದೇ ನಿನ್ನೆಯ ಎಪಿಸೋಡ್‌ನಲ್ಲಿ ಸದಸ್ಯರು ರೂಲ್ಸ್‌ ಬ್ರೇಕ್‌ ಮಾಡಿದ್ದಕ್ಕೆ ಬಿಗ್‌ ಬಾಸ್‌ ಸಖತ್‌ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಮಾತ್ರವಲ್ಲ ಹಂಸ ಅವರಿಗೆ ಇಮ್ಯೂನಿಟಿ ವಾಪಸ್ಸು ಪಡೆದಿರುವುದಾಗಿ ಹೇಳಿದ್ದಾರೆ ಬಿಗ್‌ ಬಾಸ್‌. ಇದೀಗ ಮತ್ತೆ ಮನೆಯವರೆಲ್ಲರೂ ಉಸ್ತುವಾರಿ ಬಗ್ಗೆ ಚರ್ಚೆ ಮಾಡುತ್ತಿದ್ದಾರೆ.
