ನೋಡಿರಿ
CSKಗೆ ಬೇಡ್ವಾ ಅನ್ ಕ್ಯಾಪ್ಡ್ ರೂಲ್ಸ್? – 18ನೇ ಸೀಸನ್ IPLಗಿಲ್ವಾ ಧೋನಿ?
ಫ್ರಾಂಚೈಸಿ ನಿರ್ಧಾರಕ್ಕೆ ಫ್ಯಾನ್ಸ್ ಶಾಕ್
ಐಪಿಎಲ್ಗೆ ಬಿಸಿಸಿಐ ಹರಾಜು ನಿಯಮ ಪ್ರಕಟ ಮಾಡಿದ ಮೇಲೆ ಅನ್ ಕ್ಯಾಪ್ಡ್ ಪ್ಲೇಯರ್ ರೂಲ್ಸ್ ಸಿಕ್ಕಾಪಟ್ಟೆ ಸದ್ದು ಮಾಡಿದೆ. ಅದ್ರಲ್ಲೂ ಚೆನ್ನೈ ಸೂಪರ್ ಕಿಂಗ್ಸ್ಗೆ ಈ ನಿಮಯ ಪ್ಲಸ್ ಆಗಿದೆ. ರೂಲ್ಸ್ ಪ್ರಕಾರ ಕಳೆದ ಐದು ವರ್ಷಗಳಲ್ಲಿ ಭಾರತದ ಪರ ಆಡದ ಯಾವುದೇ ಕ್ರಿಕೆಟಿಗನನ್ನು ಅನ್ ಕ್ಯಾಪ್ಡ್ ಆಟಗಾರ ಎಂದು ಪರಿಗಣಿಸಲಾಗುತ್ತೆ. 2020ರ ಆಗಸ್ಟ್ 15 ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತರಾಗಿದ್ದ ಧೋನಿ, ಅದಕ್ಕೂ ಮೊದಲು, ಅವರು ತಮ್ಮ ಕೊನೆಯ ಅಂತರರಾಷ್ಟ್ರೀಯ ಪಂದ್ಯವನ್ನು ಜುಲೈ 2019 ರಲ್ಲಿ ಆಡಿದ್ದರು. ಹೀಗಾಗಿ ಧೋನಿ ಮುಂದಿನ ಸೀಸನ್ ಐಪಿಎಲ್ ಆಡ್ಬೇಕು ಅಂದ್ರೆ ಬಿಸಿಸಿಐ ನಿಯಮದಂತೆ 4 ಕೋಟಿ ಸಂಭಾವನೆ ಪಡೆದು ಅನ್ ಕ್ಯಾಪ್ಡ್ ಪ್ಲೇಯರ್ ಆಗಿ ಕಣಕ್ಕಿಳಿಯಬೇಕು. ಬಟ್ ಕೊಹ್ಲಿ ನೆಕ್ಸ್ಟ್ ಸೀಸನ್ ಆಡ್ತಾರಾ ಇಲ್ವಾ ಅನ್ನೋ ಬಗ್ಗೆ ಸಿಎಸ್ಕೆ ಫ್ರಾಂಚೈಸಿ ಮಾಲೀಕ ಸ್ಫೋಟಕ ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲಿ ಶುರುವಾಯ್ತು ಲವ್ ಸ್ಟೋರಿ – ಇಬ್ಬರು ಸ್ಪರ್ಧಿಗಳ ಜೊತೆ ಧರ್ಮನ ಪ್ರೀತಿ
ಧೋನಿ ಐಪಿಎಲ್ ಆಡಲ್ವಾ?
ಬಿಸಿಸಿಐ ರಿಲೀಸ್ ಮಾಡಿರುವ ಅನ್ ಕ್ಯಾಪ್ಡ್ ಪ್ಲೇಯರ್ ರೂಲ್ಸ್ ನಿಂದ ಧೋನಿ ಹೆಸರು ಸಿಕ್ಕಾಪಟ್ಟೆ ಟ್ರೆಂಡಿಂಗ್ನಲ್ಲಿದೆ. ಈ ನಿಮಯ ಚೆನ್ನೈ ಸೂಪರ್ ಕಿಂಗ್ಸ್ ಪಾಲಿಗೆ ವರದಾನ ಎನ್ನಲಾಗಿತ್ತು. 5+1 ರಿಟೈನ್ನಿಂದಾಗಿ ಎಮ್.ಎಸ್.ಧೋನಿ ಮುಂದಿನ ಸೀಸನ್ ಆಡೋದು ಕನ್ಫರ್ಮ್ ಅನ್ನೋ ಮಾತುಗಳೂ ಕೇಳಿ ಬಂದಿತ್ತು. ಧೋನಿ ಫ್ಯಾನ್ಸ್ ಕೂಡ ಖುಷಿಯಲ್ಲಿದ್ರು. ಬಟ್ ಈಗ ಅಭಿಮಾನಿಗಳೇ ಶಾಕ್ ಆಗುವಂಥ ಸುದ್ದಿ ಹೊರ ಬಿದ್ದಿದೆ. ಚೆನ್ನೈ ಕ್ಯಾಂಪ್ನಲ್ಲಿ ಧೋನಿಯ ಬಗ್ಗೆ ಫೈನಲ್ ಡಿಸಿಷನ್ ಕೂಡ ತಗೊಂಡಿಲ್ಲ. CSK ಸಿಇಒ ಕಾಸಿ ವಿಶ್ವನಾಥನ್ಗೇ ಈ ಬಗ್ಗೆ ಇನ್ನೂ ಕ್ಲಾರಿಟಿ ಸಿಕ್ಕಿಲ್ಲ. ಧೋನಿ ರಿಟೈನ್ ಬಗ್ಗೆ ಈಗಲೇ ಏನು ಹೇಳಲು ಸಾಧ್ಯವಿಲ್ಲ ಎಂದಿರುವ ವಿಶ್ವನಾಥನ್, ನಾವು ಧೋನಿಗೆ ಆ ನಿಯಮ ಬಳಸದೇ ಇರಬಹುದು. ಈ ವಿಚಾರವಾಗಿ ನಾವು ಅವರೊಂದಿಗೆ ಇನ್ನೂ ಚರ್ಚಿಸಿಲ್ಲ. ಧೋನಿ ಅಮೆರಿಕ ಪ್ರವಾಸದಿಂದ ಈಗ ಬಂದಿದ್ದಾರೆ. ಹೀಗಾಗಿ ಮುಂದಿನ ವಾರದಲ್ಲಿ ಈ ಚರ್ಚೆ ನಡೆಯುವ ಸಾಧ್ಯತೆಯಿದೆ ಎಂದಿದ್ದಾರೆ. ಅಲ್ದೇ ಐಪಿಎಲ್ನ ಹೊಸ ರೂಲ್ಸ್ ಜಾರಿಯಾಗಿ ಐದಾರು ದಿನಗಳೇ ಕಳೆದ್ರೂ ಸಿಎಸ್ಕೆ ಫ್ರಾಂಚೈಸಿ ಧೋನಿ ಜೊತೆ ಈ ಕುರಿತು ಮಾತೇ ಆಡಿಲ್ಲ. ಅನ್ಕ್ಯಾಪ್ಡ್ ರೂಲ್ ಬಳಸಲ್ಲ ಎಂದಿರುವ ವಿಶ್ವನಾಥನ್ ನಡೆ ಕುತೂಹಲಕ್ಕೆ ಕಾರಣವಾಗಿದೆ. ಧೋನಿ ಐಪಿಎಲ್ನಲ್ಲಿ ಆಡುತ್ತಾರೆ ಎಂದು ನಾವು ಭಾವಿಸುತ್ತೇವೆ. ಧೋನಿ ಅವರೇ ಈ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳುತ್ತಾರೆ. ಧೋನಿ ಐಪಿಎಲ್ನಲ್ಲಿ ಆಡಬೇಕು ಅನ್ನೋ ಆಸೆ ಚೆನ್ನೈ ಫ್ರಾಂಚೈಸಿಗೆ ಇದೆ. ಎಲ್ಲವೂ ಧೋನಿ ನಿರ್ಧಾರದ ಮೇಲೆಯೇ ಅನ್ನೋದು ಕಾಶಿ ವಿಶ್ವನಾಥನ್ ಮಾತು. ಇದೇ ಮಾತು ಹಲವು ಅನುಮಾನಗಳನ್ನ ಹುಟ್ಟಿಹಾಕಿದೆ.
ಒಟ್ನಲ್ಲಿ ಚೆನ್ನೈನ ಫ್ರಾಂಚೈಸಿಯ ಆಸೆಯಂತೆಯೇ ಹೊಸ ರಿಟೈನ್ ರೂಲ್ಸ್ ಬಂದಿದೆ. ಅನ್ಕ್ಯಾಪ್ಡ್ ಪ್ಲೇಯರ್ ನಿಮಯದಡಿಯಲ್ಲೇ ಧೋನಿಯನ್ನು ಉಳಿಸಿಕೊಳ್ಳಬಹುದಾಗಿದೆ. ಮುಂದಿನ ಸೀಸನ್ ಆಡುವ ನಿರ್ಧಾರ ಧೋನಿಗೆ ಬಿಟ್ಟಿದ್ದು ಎಂದು ಫ್ರಾಂಚೈಸಿ ಹೇಳಿದೆ. ಕಳೆದೆರಡು ಸೀಸನ್ಗಳಿಂದ ಇಂಜುರಿ ಕೂಡ ಧೋನಿಯನ್ನ ಕಾಡ್ತಿದೆ. ಈ ಹಿಂದೆಯೇ ಮಿಸ್ಟರ್ ಕೂಲ್ ಮಾಹಿ, ಅಭಿಮಾನಿಗಳ ಮುಂದೆಯೇ ಕೊನೆ ಪಂದ್ಯವನ್ನಾಡುವ ಬಯಕೆ ವ್ಯಕ್ತಪಡಿಸಿದ್ರು. ಹೀಗಾಗಿ ಫ್ಯಾನ್ಸ್ಗೆ ಗುಡ್ ನ್ಯೂಸ್ ನೀಡ್ತಾರೆ ಅನ್ನೋದು ಎಲ್ಲರ ಲೆಕ್ಕಚಾರವಾಗಿದೆ. ಇದು ನಿಜವೇ ಆದ್ರೆ 2025ರ ಐಪಿಎಲ್ನಲ್ಲಿ ಧೋನಿ ಆಡೋದು ಪಕ್ಕಾ.
