ನೋಡಿರಿ
ಲಕ್ನೋ ವಿರುದ್ಧ 19 ರನ್ ಗಳಿಂದ ಗೆದ್ದು ಬೀಗಿದ ಡೆಲ್ಲಿ – ಪ್ಲೇ ಆಫ್ ಕನಸು ಜೀವಂತ
ಲಕ್ನೋ ಸೂಪರ್ ಜೈಂಟ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ನಡುವೆ ನಡೆದ ಪಂದ್ಯದಲ್ಲಿ ಡೆಲ್ಲಿ ಗೆದ್ದು ಬೀಗಿದೆ. 19 ರನ್ ಗಳಿಂದ ಲಕ್ನೋ ತಂಡವನ್ನು ಡಿಸಿ ಸೋಲಿಸಿದ್ದು, ಈ ಮೂಲಕ ಪ್ಲೇ ಆಫ್ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ.
ಇದನ್ನೂ ಓದಿ: ಈ ರಸ್ತೆಯಲ್ಲಿ ಇನ್ನುಮುಂದೆ ಅತಿವೇಗವಾಗಿ ವಾಹನ ಚಲಾಯಿಸುವಂತಿಲ್ಲ! – ಟ್ರಾಫಿಕ್‌ ರೂಲ್ಸ್‌ ಬ್ರೇಕ್‌ ಮಾಡಿದೆ ಬೀಳುತ್ತೆ ದಂಡ
ರಾಷ್ಟ್ರ ರಾಜಧಾನಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್ 2024 ಟೂರ್ನಿಯ 64ನೇ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ನಿಗದಿತ 20 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 208 ರನ್ ಗಳಿಸಿತು. ಅಭಿಷೇಕ್ ಪೊರೆಲ್ 58, ಸಾಯಿ ಹೊಪ್ 38, ರಿಷಭ್ ಪಂತ್ 33, ಟ್ರಿಸ್ಟಾನ್ ಸ್ಟಬ್ಸ್ 57, ಅಕ್ಷರ್ ಪಟೇಲ್ 14 ರನ್ ಗಳು ಗಳಿಸಿದರು.
ಡೆಲ್ಲಿ ಕ್ಯಾಪಿಟಲ್ಸ್ ನೀಡಿದ 209ರನ್ ಗಳ ಗುರಿ ಬೆನ್ನಟ್ಟಿದ್ದ ಲಕ್ನೋ ಸೂಪರ್ ಜೈಂಟ್ಸ್ 20 ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 189 ರನ್ ಗಳಿಸಲಷ್ಟೇ ಶಕ್ತವಾಯಿತು. ಲಕ್ನೋ ಪರ ನಿಕೋಲಸ್ ಪೊರೆನ್ 61, ಅರ್ಷದ್ ಖಾನ್ 58 ರನ್ ಗಳಿಸದದ್ದು ಹೊರತುಪಡಿಸಿದರೆ ಉಳಿದ ಯಾವುದೇ ಆಟಗಾರರು 6 ರನ್ ಗಳಿಗಿಂತ ಹೆಚ್ಚಿಗೆ ಗಳಿಸಲಿಲ್ಲ ಇದರಿಂದಾಗಿ ಡೆಲ್ಲಿ ಕ್ಯಾಪಿಟಲ್ಸ್ 19 ರನ್ ಗಳಿಂದ ಗೆಲುವಿನ ನಗೆ ಬೀರಿತು.
