ನೋಡಿರಿ
ಕೆಕೆಆರ್ ವಿರುದ್ಧ ಗೆದ್ದು ಬೀಗಿದ ಪಂಜಾಬ್ ಕಿಂಗ್ಸ್ ಟೀಮ್ – 262 ರನ್ ಚೇಸ್ ಮಾಡಿ ಗೆದ್ದು ಬೀಗಿದ ಪಂಜಾಬ್!
ಪಂಜಾಬ್ ಕಿಂಗ್ಸ್ ಹಾಗೂ ಕೋಲ್ಕತ್ತಾ ನೈಟ್‌ ರೈಡರ್ಸ್‌ ತಂಡದ ಮಧ್ಯೆ ನಡೆದ ಹೈವೋಲ್ಟೇಜ್‌ ಪಂದ್ಯದಲ್ಲಿ ಕೋಲ್ಕತ್ತಾ ಗೆದ್ದು ಬೀಗಿದೆ. ಪಂಜಾಬ್ ವಿರುದ್ಧ 8 ವಿಕೆಟ್‌ಗಳ ಭರ್ಜರಿ ಜಯ ಸಾಧಿಸಿದೆ ಕೋಲ್ಕತ್ತಾ.
ಈಡನ್ ಗಾರ್ಡನ್ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ಕೆಕೆಆರ್ ನೀಡಿದ ಬೃಹತ್ ಗುರಿ ಬೆನ್ನತ್ತಿ ಪಂಜಾಬ್ ಕಿಂಗ್ಸ್ ಪರ ಓಪನರ್ ಆಗಿ ಬಂದ ಪ್ರಭುಸಿಮ್ರಾನ್ ಸಿಂಗ್ ಕೇವಲ 20 ಬಾಲ್ನಲ್ಲಿ 5 ಸಿಕ್ಸರ್, 4 ಫೋರ್ ಸಮೇತ 54 ರನ್ ಚಚ್ಚಿದ್ರು. ಇವರಿಗೆ ಸಾಥ್ ಕೊಟ್ಟ ಬೇರ್ಸ್ಟೋ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ಇನ್ನಿಂಗ್ಸ್ ಉದ್ಧಕ್ಕೂ ಕೆಕೆಆರ್ ಬೌಲರ್ಗಳ ಬೆಂಡೆತ್ತಿದ್ರು.
ಇದನ್ನೂ ಓದಿ: ಬಾಲಿವುಡ್ ನಟ ಬಾಬ್ಬಿ ಡಿಯೋಲ್ ಫುಲ್ ಬ್ಯುಸಿ – ಅನಿಮಲ್ ಸಿನಿಮಾದಿಂದಾಗಿ ಹೆಚ್ಚಿದ ಬೇಡಿಕೆ
ಇನ್ನು, ಬೇರ್ಸ್ಟೋ ಕೇವಲ 48 ಬಾಲ್ನಲ್ಲಿ 108 ರನ್ ಸಿಡಿಸಿದ್ರು. ಅದರಲ್ಲೂ ಬರೋಬ್ಬರಿ 9 ಸಿಕ್ಸರ್, 8 ಭರ್ಜರಿ ಫೋರ್ನೊಂದಿಗೆ ಶತಕ ಸಿಡಿಸಿದ್ರು. ಇವರ ಸ್ಟ್ರೈಕ್ ರೇಟ್ ಬರೋಬ್ಬರಿ 220ಕ್ಕೂ ಹೆಚ್ಚು ಇತ್ತು. ಬಳಿಕ ಬಂದ ಶಶಾಂಕ್ ಸಿಂಗ್ ಕೇವಲ 27 ಬಾಲ್ನಲ್ಲಿ 8 ಸಿಕ್ಸರ್, 2 ಫೋರ್ ಸಮೇತ 67 ರನ್ ಚಚ್ಚಿದ್ರು. ಈ ಮೂಲಕ ಪಂಜಾಬ್ ತಂಡವನ್ನು ಇನ್ನೂ 9 ಬಾಲ್ ಬಾಕಿ ಇರುವಂತೆಯೇ ಗೆಲ್ಲಿಸಿದ್ರು.
ಟಾಸ್ ಸೋತರೂ ಫಸ್ಟ್ ಬ್ಯಾಟಿಂಗ್ ಮಾಡಿದ ಕೆಕೆಆರ್ ಪರ ಓಪನರ್ ಆಗಿ ಬಂದ ಸಾಲ್ಟ್ ಕೇವಲ 37 ಬಾಲ್ನಲ್ಲಿ 6 ಸಿಕ್ಸರ್, 6 ಫೋರ್ ಸಮೇತ 75 ರನ್ ಸಿಡಿಸಿದ್ರು. ಇವರಿಗೆ ಸಾಥ್ ನೀಡಿ ಎಂದಿನಂತೆ ಅಬ್ಬರಿಸಿದ ಸುನೀಲ್ ನರೈನ್ ಕೇವಲ 32 ಬಾಲ್ನಲ್ಲಿ 4 ಸಿಕ್ಸ್, 9 ಫೋರ್ ಸಮೇತ 71 ರನ್ ಚಚ್ಚಿದ್ರು.
ಬಳಿಕ ಬಂದ ವೆಂಕಟೇಶ್ ಅಯ್ಯರ್ ತಾಳ್ಮೆಯಿಂದ ಬ್ಯಾಟ್ ಬೀಸಿ 23 ಬಾಲ್ನಲ್ಲಿ 2 ಸಿಕ್ಸರ್, 3 ಫೋರ್ ಜತೆಗೆ 39 ರನ್ ಗಳಿಸಿದ್ರು. ರಸ್ಸೆಲ್ 12 ಬಾಲ್ನಲ್ಲಿ 2 ಸಿಕ್ಸರ್, 2 ಫೋರ್ ಸಮೇತ 24 ರನ್ ಬಾರಿಸಿದ್ರು. ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ 10 ಬಾಲ್ನಲ್ಲಿ 3 ಸಿಕ್ಸರ್, 1 ಫೋರ್ನೊಂದಿಗೆ 28 ರನ್ ಸಿಡಿಸಿದ್ರು. ರಿಂಕು ಸಿಂಗ್ 5, ರಮಣ್ದೀಪ್ ಸಿಂಗ್ 6 ರನ್ ಗಳಿಸಿದ ಪರಿಣಾಮ ಕೆಕೆಆರ್ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 261 ರನ್ ಕಲೆ ಹಾಕಿ 262 ರನ್ಗಳ ಬಿಗ್ ಟಾರ್ಗೆಟ್ ನೀಡಿತ್ತು.
