ನೋಡಿರಿ
ಡೆಲ್ಲಿ, ರಾಜಸ್ತಾನ್ ರಾಯಲ್ಸ್ ಮಧ್ಯೆ ಹೈವೋಲ್ಟೇಜ್ ಮ್ಯಾಚ್‌ – ರಾಯಲ್ಸ್‌ಗೆ 12 ರನ್ಗಳ ಗೆಲುವು
ಇಂಡಿಯನ್ ಪ್ರೀಮಿಯರ್ ಲೀಗ್ 9 ನೇ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ತಾನ್ ರಾಯಲ್ಸ್ ಭರ್ಜರಿ ಗೆಲುವು ಸಾಧಿಸಿದೆ. ಜೈಪುರ ಇಂಟರ್ ನ್ಯಾಷನಲ್ ಕ್ರಿಕೆಟ್ ಸ್ಟೇಡಿಯಮ್ನಲ್ಲಿ ನಡೆದ ಪಂದ್ಯದಲ್ಲಿ ರಾಜಸ್ಥಾನ್ ರಾಯಲ್ಸ್ ತಂಡ ದೆಹಲಿ ತಂಡವನ್ನು 12 ರನ್ ಗಳಿಂದ ಮಣಿಸಿದೆ.
ಇದನ್ನೂ ಓದಿ: ಏಪ್ರಿಲ್ 1 ರಿಂದ ಬೆಂಗಳೂರು-ಮೈಸೂರು ಹೆದ್ದಾರಿ ಟೋಲ್‌ ದರ ಹೆಚ್ಚಳ
ಟಾಸ್ ಗೆದ್ದ ದೆಹಲಿ ತಂಡ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತು. ರಾಜಸ್ತಾನ್ ರಾಯಲ್ಸ್ ನೀಡಿದ ಬಿಗ್ ಟಾರ್ಗೆಟ್ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್ ಪರ ಡೇವಿಡ್ ವಾರ್ನರ್ ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ತಾನು ಎದುರಿಸಿದ 34 ಬಾಲ್ನಲ್ಲಿ 3 ಸಿಕ್ಸರ್, 5 ಫೋರ್ ಸಮೇತ 49 ರನ್ ಸಿಡಿಸಿದ ವಾರ್ನರ್ ವಿಕೆಟ್ ಒಪ್ಪಿಸಿದ್ರು. ಮಿಚೆಲ್ ಮಾರ್ಷ್ 23, ಪಂತ್ 28 ರನ್ ಗಳಿಸಿದ್ರು. ಬಳಿಕ ಬಂದ ಸ್ಟಬ್ಸ್ ಬಿರುಸಿನ ಬ್ಯಾಟಿಂಗ್ ಮಾಡಿದ್ರು. 3 ಸಿಕ್ಸರ್, 2 ಫೋರ್ ಸಮೇತ 44 ರನ್ ಗಳಿಸಿದ್ರು. ಅಕ್ಷರ್ ಪಟೇಲ್ 15 ರನ್ ಗಳಿಸಿದ್ರೂ ಡೆಲ್ಲಿ 12 ರನ್ನಿಂದ ಸೋತಿದೆ.
ಟಾಸ್ ಸೋತರೂ ಬ್ಯಾಟಿಂಗ್ ಮಾಡಿದ ರಾಜಸ್ತಾನ್ ರಾಯಲ್ಸ್ ಪರ ಓಪನರ್ ಆಗಿ ಬಂದ ಯಶಸ್ವಿ ಜೈಸ್ವಾಲ್ 5, ಜೋಸ್ ಬಟ್ಲರ್ 11 ರನ್ ಮಾತ್ರ ಗಳಿಸಿ ಕೈಕೊಟ್ಟರು. ಸ್ಯಾಮ್ಸನ್ ಕೂಡ ಕೇವಲ 15 ರನ್ಗೆ ಔಟಾದ್ರು. ಬಳಿಕ ಬಂದ ರಿಯಾನ್ ಪರಾಗ್ ಡೆಲ್ಲಿ ಬೌಲರ್ಗಳ ಬೆಂಡೆತ್ತಿದ್ರು.
ಅಂದು ಬ್ಯಾಟಿಂಗ್ ಮಾಡದ ಕಾರಣಕ್ಕೆ ಟ್ರೋಲ್ ಆಗಿದ್ದ ರಿಯಾಗ್ ಇಂದು ಭರ್ಜರಿ ಬ್ಯಾಟಿಂಗ್ ಮಾಡಿದ್ರು. ತಾನು ಆಡಿದ 45 ಬಾಲ್ನಲ್ಲಿ 6 ಭರ್ಜರಿ ಸಿಕ್ಸರ್, 7 ಫೋರ್ ಸಮೇತ 84 ರನ್ ಚಚ್ಚಿದ್ರು. ಕೊನೇ ಓವರ್ನಲ್ಲಿ ರಿಯಾನ್ ಪರಾಗ್ ದಕ್ಷಿಣ ಆಫ್ರಿಕಾದ ಸ್ಟಾರ್ ಬೌಲರ್ ಎನ್ರಿಚ್ ನೋಕಿಯಾಗೆ ಬರೋಬ್ಬರಿ 25 ರನ್ ಸಿಡಿಸಿದ್ರು.
ಅಶ್ವಿನ್ 29, ಧೃವ್ ಜುರೆಲ್ 20, ಹೆಟ್ಮೇರ್ 14 ರನ್ ಗಳಿಸಿದ್ರು. ಆರಂಭಿಕ ಬ್ಯಾಟರ್ಗಳ ವೈಫಲ್ಯದಿಂದ ಅಲ್ಪಮೊತ್ತಕ್ಕೆ ಕುಸಿಯುತ್ತಿದ್ದ ತಂಡಕ್ಕೆ ಪರಾಗ್ 84 ರನ್ ಆಸರೆಯಾಯ್ತು. ಹೀಗಾಗಿ ರಾಜಸ್ತಾನ್ 185 ರನ್ಗಳ ಸ್ಪರ್ಧಾತ್ಮಕ ಮೊತ್ತ ದಾಖಲಿಸಿತು.
