ನೋಡಿರಿ
ಸಮುದ್ರದೊಳಗೆ ಸೀಕ್ರೆಟ್ ಕೇಬಲ್ ಕಟ್ ಮಾಡಿದ್ಯಾರು? – ಶುರುವಾಯ್ತಾ ಹೊಸ ಯುದ್ಧ?
ಇಂಟರ್ನೆಟ್ ಅನ್ನೋದು ಜಗತ್ತಿನಲ್ಲಿ ಯಾವ ರೀತಿ ಕ್ರಾಂತಿ ಮಾಡಿದೆ ಅನ್ನೋದು ನಿಮಗೆ ಗೊತ್ತೇ ಇದೆ. ಇದು ಇಂಟರ್ನೆಟ್ ಯುಗ..ಇಂಟರ್ನೆಟ್ ಇಲ್ಲದೆ ಏನೂ ನಡೆಯೋದೆ ಇಲ್ಲ. ಇಡೀ ಅರ್ಥವ್ಯವಸ್ಥೆಯೇ ಇಂಟರ್ನೆಟ್ ಮೇಲೆ ನಿಂತಿದೆ ಅಂದ್ರೂ ತಪ್ಪಾಗೋದಿಲ್ಲ. ಯಾಕಂದ್ರೆ ಇಂಟರ್ನೆಟ್ ಇಲ್ಲಾದ್ರೆ ಅದೆಷ್ಟೋ ಮಂದಿ ಕೆಲಸವೇ ಕಳೆದುಕೊಳ್ತಾರೆ. ಇಂಟರ್ನೆಟ್ ಕನೆಕ್ಷನ್ ಕಟ್ ಆದ್ರೆ ಎಲ್ಲವೂ ಬುಡಮೇಲಾಗಿಬಿಡುತ್ತೆ. ಇದೇ ಕಾರಣಕ್ಕೆ ಇಂಟರ್ನೆಟ್ ಕೇಬಲ್ಗಳನ್ನೇ ಕಟ್ ಮಾಡುವಂಥಾ ಬೆಳವಣಿಗೆಗಳು ಕೂಡ ನಡೀತಾ ಇದೆ.
ಇಸ್ರೇಲ್ ಮತ್ತು ಗಾಜಾ ಯುದ್ಧ ಶುರುವಾದ ಬಳಿಕ ಕೆಂಪು ಸಮುದ್ರ ವಲಯದಲ್ಲಿ ಹೌತಿ ಬಂಡುಕೋರರು ಬಾಲ ಬಿಚ್ಚಿದ್ದಾರೆ. ಭಾರತ ಸೇರಿದಂತೆ ಕೆಂಪು ಸಮುದ್ರದ ಮೂಲಕ ಹಾದು ಹೋಗುವ ವಿದೇಶಿ ಶಿಪ್ಗಳನ್ನ ಹೈಜಾಕ್ ಮಾಡೋ ಪ್ರಯತ್ನ ಮಾಡ್ತಿದ್ದಾರೆ. ಶಿಪ್ಗಳ ಮೇಲೆ ದಾಳಿ ಮಾಡ್ತಾನೆ ಇದ್ದಾರೆ. ಹೀಗಾಗಿ ಯುರೋಪ್ ರಾಷ್ಟ್ರಗಳಿಗೆ ತೆರಳೋ ಹಡಗುಗಳು ಆಫ್ರಿಕಾದ ಮೂಲಕ ಹಾದು ಹೋಗ್ತಿವೆ. ಇಷ್ಟು ದಿನ ಶಿಪ್ಗಳ ಮೇಲೆ ಅಟ್ಯಾಕ್ ಮಾಡ್ತಿದ್ದ ಹೌತಿ ಬಂಡುಕೋರರು ಈಗ ಸಮುದ್ರದಾಳದಲ್ಲಿರೋ ಇಂಟರ್ನೆಟ್ ಕೇಬಲ್ಗಳನ್ನೇ ಟಾರ್ಗೆಟ್ ಮಾಡಿದ್ದಾರೆ. ಕೆಂಪು ಸಮುದ್ರದೊಳಗಿರುವ ಇಂಟರ್ನೆಟ್ ಕೇಬಲ್ಗಳ ಪೈಕಿ ಮೂರು ಕೇಬಲ್ಗಳನ್ನ ಹೌತಿಗಳು ಕಟ್ ಮಾಡಿದ್ದು, ಜಾಗತಿಕ ಇಂಟರ್ನೆಟ್ ವ್ಯವಸ್ಥೆಯೇ ಬುಡಮೇಲಾಗಿತ್ತು. ಇದೇ ಕಾರಣಕ್ಕೆ ನೋಡಿ ಕೆಲ ದಿನಗಳ ಹಿಂದೆ ಇನ್ಸ್ಟ್ರಾಗ್ರಾಂ ಸೇರಿದಂತೆ ಕೆಲ ಆ್ಯಪ್ಗಳು ಬಂದ್ ಆಗಿರೋದು.
ಇದನ್ನೂ ಓದಿ: ಕಾಂಗ್ರೆಸ್‌ ಸರ್ಕಾರ ಬೀಳಿಸೋಕೆ ಶಾಸಕರಿಗೆ ತಲಾ 50 ಕೋಟಿ ಆಮಿಷ – ಬಿಜೆಪಿ ವಿರುದ್ಧ ಡಿಕೆಶಿ ಗಂಭೀರ ಆರೋಪ
ಇಡೀ ಜಗತ್ತಿಗೆ ಇಂಟರ್ನೆಟ್ ಸಂಪರ್ಕವಾಗಿರೋದು ಸಮುದ್ರದಾಳದಲ್ಲಿರೋ ಕೇಬಲ್ಗಳ ಮೂಲಕ. ಜಗತ್ತಿನ ವಿವಿಧೆಡೆ ಸಮುದ್ರ ಭಾಗದಲ್ಲಿ ಇಂಟರ್ನೆಟ್ ಕೇಬಲ್ಗಳು ಹರಡಿಕೊಂಡಿವೆ. ಭಾರತವನ್ನ ಕೂಡ ಈ ಇದೇ ಇಂಟರ್ನೆಟ್ ಕೇಬಲ್ಗಳು ಸಂಪರ್ಕಿಸುತ್ತವೆ. ಇಡೀ ಇಂಟರ್ನೆಟ್ ವ್ಯವಸ್ಥೆಯ ಲೈಫ್ಲೈನ್ ಆಗಿರೋದೆ ಈ ಕೇಬಲ್ಗಳು. ಈ ಕೇಬಲ್ಗಳ ಮೂಲಕವೇ ಇಂಟರ್ನೆಟ್ ಡೇಟಾಗಳನ್ನ ಟ್ರಾನ್ಸ್ಮಿಟ್ ಮಾಡಲಾಗುತ್ತೆ. ಆದ್ರೆ ಇದೇ ಕೇಬಲ್ಗಳನ್ನ ಕಟ್ ಮಾಡಿದ್ರೆ ಅಥವಾ ಈ ಕೇಬಲ್ಗಳಿಗೆ ಹಾನಿಯಾಯ್ತು ಅಂದ್ರೆ ಜಾಗತಿಕ ಇಂಟರ್ನೆಟ್ ವ್ಯವಸ್ಥೆಯೇ ಡ್ಯಾಮೇಜ್ ಆಗಿಬಿಡುತ್ತೆ. ಈಗ ಹೌತಿಗಳು ಈ ಕೇಬಲ್ಗಳನ್ನ ಟಾರ್ಗೆಟ್ ಮಾಡಿದಾಗಲೂ ಆಗಿರೋದು ಇದೇ. ಕೇವಲ ಮೂರೇ ಮೂರು ಕೇಬಲ್ಗಳನ್ನ ಕಟ್ ಮಾಡಿದ್ದಕ್ಕೆ ಏಷ್ಯಾ ಮತ್ತು ಯುರೋಪ್ಗೆ ಕನೆಕ್ಟ್ ಆಗ್ತಿದ್ದ 25 ಪರ್ಸೆಂಟ್ನಷ್ಟು ಇಂಟರ್ನೆಟ್ಗೆ ಎಫೆಕ್ಟ್ ಆಗಿದೆ. ಅಂದ್ರೆ 25 ಪರ್ಸೆಂಟ್ನಷ್ಟು ಇಂಟರ್ನೆಟ್ ಸಪ್ಲೈ ಬಂದ್ ಆಗಿದೆ. ಹಲವು ಕಂಪನಿಗಳಿಗೆ ಇಂಟರ್ನೆಟ್ ಸಪ್ಲೈ ಆಗ್ತಾ ಇಲ್ಲ. ಆದ್ರೆ ಹೌತಿಗಳು ಮಾತ್ರ ನಾವು ಕಟ್ ಮಾಡಿಲ್ಲ, ನಾವು ಕಟ್ ಮಾಡಿಲ್ಲ ಅಂತಿದ್ದಾರೆ. ಬಟ್ ಇದು ಹೌತಿ ಬಂಡುಕೋರರದ್ದೇ ಕೈವಾಡ ಅನ್ನೋದು ಈಗಾಗ್ಲೇ ಖಚಿತವಾಗಿದೆ. ಹಾಗಂತಾ ಹೌತಿಗಳು ಸಮುದ್ರದಾಳಕ್ಕೆ ಇಳಿದು ಈ ಕೇಬಲ್ನ್ನ ಕಟ್ ಮಾಡಿಲ್ಲ. ಕೆಂಪು ಸಮುದ್ರ ವಲಯದಲ್ಲಿ ಸಾಗೋ ಹಡಗುಗಳ ಮೇಲೆ ಹೌತಿ ಬಂಡುಕೋರರು ಮೇಲಿಂದ ಮೇಲೆ ಮಿಸೈಲ್ ಅಟ್ಯಾಕ್ ಮಾಡ್ತಾನೆ ಇದ್ದಾರೆ. ಅದೇ ರೀತಿ ಮಿಸೈಲ್ ದಾಳಿಯಿಂದಲೇ ಇಂಟರ್ನೆಟ್ ಕೇಬಲ್ಗೆ ಹಾನಿಯಾಗಿದೆ ಅಂತಾನೂ ಹೇಳಲಾಗ್ತಿದೆ.
ಜಗತ್ತಿನಾದ್ಯಂತ ಸಮುದ್ರದಾಳದಲ್ಲಿ 8 ಲಕ್ಷ 50,000 ಮೈಲಿಯಷ್ಟು ಕೇಬಲ್ಗಳು ಸ್ಪ್ರೆಡ್ ಆಗಿದೆ. ಇದ್ರಲ್ಲಿ ಪವರ್ ಕೇಬಲ್, ಕಮ್ಯುನಿಕೇಶನ್ ಕೇಬಲ್ ಮತ್ತು ಇಂಟರ್ನೆಟ್ ಕೇಬಲ್ಗಳು ಕೂಡ ಇದೆ. ಇವು ಹೈಲಿ ಅಡ್ವಾನ್ಸ್ಡ್ ಕೇಬಲ್ಗಳಾಗಿದ್ರೂ ಅವುಗಳನ್ನ ಇನ್ಸ್ಟಾಲ್ ಮಾಡೋದು, ಬಳಿಕ ಮೇಂಟೇನ್ ಮಾಡೋದೆ ಒಂದು ದೊಡ್ಡ ಟಾಸ್ಕ್. 1850ರಲ್ಲಿ ಮೊಟ್ಟ ಮೊದಲ ಬಾರಿಗೆ ನ್ಯೂಫೌಂಡ್ಲ್ಯಾಂಡ್ ಮತ್ತು ಐರ್ಲೆಂಡ್ ಮಧ್ಯೆ ಸಮುದ್ರದ ಮೂಲಕ ಕೇಬಲ್ ಎಳೆಯಲಾಗುತ್ತೆ. 1858ರಲ್ಲಿ ಅಮೆರಿಕ ಮತ್ತು ಬ್ರಿಟನ್ ಮಧ್ಯೆ ಟೆಲಿಗ್ರಾಫ್ ಕೇಬಲ್ನ್ನ ಕನೆಕ್ಟ್ ಮಾಡಲಾಗುತ್ತೆ. 20ನೇ ಶತಮಾನದ ಆರಂಭದಲ್ಲಿ ಟೆಲಿಫೋನ್ ಕ್ರಾಂತಿಯಾಗುತ್ತಲೇ ಫೋನ್ ಕಾಲ್ಗಳಲ್ಲಿ ಧ್ವನಿ ಕೇಬಲ್ಗಳ ಮೂಲಕವೇ ಪಾಸ್ ಆಗುವಂತೆ ವ್ಯವಸ್ಥೆ ಮಾಡಲಾಗುತ್ತೆ. ನಂತರ ಇಂಟರ್ನೆಟ್ ಕನೆಕ್ಷನ್ ಶುರುವಾಗುತ್ತಲೇ ಈ ಕೇಬಲ್ ನೆಟ್ವರ್ಕ್ನ ವ್ಯಾಪ್ತಿ ಇನ್ನಷ್ಟಿ ವಿಸ್ತಾರಗೊಳ್ಳುತ್ತೆ. ಈಗ ಇಡೀ ಜಗತ್ತನ್ನೇ ಕೇಬಲ್ಗಳು ಕನೆಕ್ಟ್ ಮಾಡ್ತಾ ಇವೆ. ಅದ್ರಲ್ಲೂ ಕಳೆದ 10 ವರ್ಷಗಳಲ್ಲಂತೂ ಇಂಟರ್ನೆಟ್ ಕೇಬಲ್ ವ್ಯಾಪಕ ಮಟ್ಟದಲ್ಲಿ ಎಕ್ಸಾಂನ್ಷನ್ ಆಗಿದೆ. ನೀವು ಮೊಬೈಲ್ನಲ್ಲಿ ಯಾವುದೇ ಈ-ಮೇಲ್, ಫೋಟೋ, ಟ್ವೀಟ್ ಹೀಗೆ ಇಂಟರ್ನೆಟ್ ಮೂಲಕ ಏನೇ ಮಾಡಿದ್ರೂ ಆ ಡೇಟಾ ರೇಡಿಯೋ ವೇವ್ ಮೂಲಕ ನಿಮ್ಮ ಹತ್ತಿರದ ಸೆಲ್ಫೋನ್ ಟವರ್ಗೆ ಪಾಸ್ ಆಗುತ್ತೆ. ಟವರ್ನಿಂದ ಆ ಸಿಗ್ನಲ್ಗಳು ಫೈಬರ್ ಆಪ್ಟಿಕ್ ಕೇಬಲ್ಗಳ ಮೂಲಕ ಸಂಚರಿಸಿ ಸಮುದ್ರದಾಳದಲ್ಲಿರೋ ಕೇಬಲ್ಗಳಿಗೂ ಕನೆಕ್ಟ್ ಆಗಿ ವಿದೇಶಗಳಲ್ಲಿರೋ ಡೇಟಾ ಸೆಂಟರ್ಗಳನ್ನ ಸಂಪರ್ಕಿಸುತ್ತೆ. ಆದ್ರೆ ಈ ಡೇಟಾ ಸೆಂಟರ್ನ್ನ ಕನೆಕ್ಟ್ ಆಗೋ ಮುನ್ನ ಸಮುದ್ರದಿಂದ ಕೇಬಲ್ ಹೊರ ಬರುತ್ತಲೇ ಲ್ಯಾಂಡಿಂಗ್ ಸ್ಟೇಷನ್ನನ್ನ ಡೇಟಾಗಳು ರೀಚ್ ಆಗುತ್ತೆ. ಅಲ್ಲಿಂದ ನೆಲದಡಿಯಲ್ಲಿ ಸಾಗೋ ಕೇಬಲ್ಗಳ ಮೂಲಕ ಡೇಟಾ ಸೆಂಟರ್ನ್ನ ತಲುಪುತ್ತೆ. ಈ ಕೇಬಲ್ನೊಳಗಿರೋ ಫೈಬರ್ ಆಪ್ಟಿಕ್ ಮೂಲಕ ಇಂಟರ್ನೆಟ್ ಡೇಟಾ ರವಾನೆಯಾಗುತ್ತೆ. ಒಂದು ಸೆಕುಂಡಿಗೆ ಒಂದು ಲಕ್ಷ ಮೈಲಿ ವೇಗದಲ್ಲಿ ಡೇಟಾ ಸಂಚರಿಸುತ್ತೆ.
ಆದ್ರೆ ಈ ಇಂಟರ್ನೆಟ್ ಕೇಬಲ್ಗಳನ್ನ ಸಮುದ್ರದೊಳಗೆ ಮೇಂಟೇನ್ ಮಾಡೋದು ಅಂದ್ರೆ ಸಣ್ಣ ಸಂಗತಿಯಲ್ಲ. ಕೆಲವೊಮ್ಮೆ ಶಾರ್ಕ್ಗಳು ಈ ಕೇಬಲ್ಗಳನ್ನ ಕಚ್ಚಿ ಡ್ಯಾಮೇಜ್ ಮಾಡ್ತಾವೆ. ಆದ್ರೆ ಶಾರ್ಕ್ಗಿಂತ ಡೇಂಜರ್ ಆಗಿರೋದು ಮನುಷ್ಯನೇ. 2011ರಲ್ಲಿ ಅರ್ಮೇನಿಯಾ ದೇಶಕ್ಕೆ ಇಂಟರ್ನೆಟ್ ಸಪ್ಲೈ ಕಂಪ್ಲೀಟ್ ಆಗಿ ಬಂದ್ ಆಗಿತ್ತು. ಭೂಮಿಯನ್ನ ಅಗೆಯುವಾಗ ಅಂಡರ್ಗ್ರೌಂಡ್ನಲ್ಲಿದ್ದ ಕೇಬಲ್ನ್ನ ಮಹಿಳೆಯೊಬ್ಬಳು ಕಟ್ ಮಾಡಿದ್ಲು. ಇಡೀ ದೇಶದ ಇಂಟರ್ನೆಟ್ ಸಂಪರ್ಕ ಕಟ್ ಆಗಿತ್ತು. 2016ರಲ್ಲಿ ಅಟ್ಲಾಂಟಿಂಕ್ ಸಮುದ್ರ ಭಾಗದಲ್ಲಿ ಬರುವ ಇಂಗ್ಲಿಷ್ ಚಾನಲ್ನಲ್ಲಿ ಹಡಗನ್ನ ಸ್ಟೇಷನ್ ಮಾಡೋಕೆ ಆ್ಯಂಕರ್ನ್ನ ನೀರಿಗೆ ಇಳಿಸ್ತಾನೆ ಸಮುದ್ರದೊಳಗಿದ್ದ ಮೂರು ಇಂಟರ್ನೆಟ್ ಕೇಬಲ್ಗಳು ಕಟ್ ಆಗಿದ್ವು.
ಇಲ್ಲಿ ಇನ್ನೊಂದು ವಿಚಾರವನ್ನ ಹೇಳಲೇಬೇಕು. ರಕ್ಷಣಾ ಕ್ಷೇತ್ರದಲ್ಲೂ ಎಲ್ಲಾ ದೇಶಗಳ ಮಿಲಿಟರಿಯೂ ಇಂಟರ್ನೆಟ್ ಬಳಸ್ತಾ ಇವೆ. ಸರ್ಕಾರಿ ಕೆಲಸಗಳಿಗೂ ಇಂಟರ್ನೆಟ್ ಅನಿವಾರ್ಯ. ಒಂದು ವೇಳೆ ಮಿಲಿಟರಿ ಮತ್ತು ಸರ್ಕಾರದ ಕೆಲಸಕ್ಕೆ ಇಂಟರ್ನೆಟ್ ಸ್ಥಗಿತವಾದ್ರೆ ಇಡೀ ದೇಶಕ್ಕೆ ಹೊಡೆತ ಬೀಳುತ್ತೆ. ಹೀಗಾಗಿ ಎರಡೂ ಕ್ಷೇತ್ರಗಳಿಗೆ ಸ್ಯಾಟ್ಲ್ಯಾಟ್ ಇಂಟರ್ನೆಟ್ ವ್ಯವಸ್ಥೆಯನ್ನೇ ಹೆಚ್ಚು ಬಳಸಲಾಗುತ್ತೆ. ಒಂದು ವೇಳೆ ಸಮುದ್ರದಾಳದಲ್ಲಿ, ಅಂಡರ್ಗ್ರೌಂಡ್ನಲ್ಲಿರೋ ಕೇಬಲ್ಗಳು ಕಟ್ ಆದ್ರೂ ಸಮಸ್ಯೆಯಾಗೋದಿಲ್ಲ. ಇತ್ತೀಚಿನ ವರ್ಷಗಳಲ್ಲಿ ಸ್ಯಾಟ್ಲೈಟ್ ಇಂಟರ್ನೆಟ್ ವ್ಯವಸ್ಥೆಯನ್ನ ಮತ್ತಷ್ಟು ಅಭಿವೃದ್ಧಿಗೊಳಿಸಲಾಗ್ತಿದೆ. ಅದ್ರಲ್ಲೂ ಟೆಸ್ಲಾ ಕಂಪನಿ ಮುಖ್ಯಸ್ಥ ಎಲಾನ್ ಮಸ್ಕ್ ಸ್ಟಾರ್ ಲಿಂಕ್ ಹೆಸರಲ್ಲಿ ಸ್ಯಾಟ್ಲೈಟ್ ಇಂಟರ್ನೆಟ್ ವ್ಯವಸ್ಥೆ ಮಾಡಿದ್ದು, ಇದ್ರಿಂದ ರಿಮೋಟ್ ಏರಿಯಾಗಳಲ್ಲೂ ಇಂಟರ್ನೆಟ್ ಕನೆಕ್ಷನ್ ಪಡೆಯಬಹುದು.
ಇನ್ನು ಸಮುದ್ರದಾಳದ ಇಂಟರ್ನೆಟ್ ಕೇಬಲ್ ವಿಚಾರಕ್ಕೆ ಬರೋದಾದ್ರೆ, ಸಮುದ್ರದ ಕೆಳ ಭಾಗದಲ್ಲಿರೋ ಇಂಟರ್ನೆಟ್ ಕೇಬಲ್ ಪೈಕಿ ಶೇಕಡಾ 50ರಷ್ಟು ಅಮೆರಿಕದ ಕಂಪನಿಗಳಾದ ಗೂಗುಲ್, ಫೇಸ್ಬುಕ್, ಅಮೆಜಾನ್ ಮತ್ತು ಮೈಕ್ರೋಸಾಫ್ಟ್ಗೆ ಸೇರಿದೆ. ನೀವು ಬಳಸೋ ಕಂಪ್ಯೂಟರ್ಗಳು, ಸ್ಟ್ರೀಮಿಂಗ್ ಇವೆಲ್ಲವೂ ನಡೆಯೋದೆ ಈ 50 ಪರ್ಸೆಂಟ್ನಷ್ಟು ಕೇಬಲ್ಗಳ ಮೂಲಕ. ಈ ಕೇಬಲ್ಗಳಿಗೆ ಡ್ಯಾಮೇಜ್ ಆದ್ರೆ, ಏನಾದ್ರು ಟೆಕ್ನಿಕಲ್ ಪ್ರಾಬ್ಲಂಗಳಾದ್ರೆ ನಿಮ್ಮ ಇಂಟರ್ನೆಟ್ ಕನೆಕ್ಷನ್ನಲ್ಲೂ ಹೆಚ್ಚು ಕಮ್ಮಿಯಾಗುತ್ತೆ. ಬಹುತೇಕ ಇಂಟರ್ನೆಟ್ ಕೇಬಲ್ಗಳು ಖಾಸಗಿ ಕಂಪನಿಗಳಿಗೆ ಸೇರಿದ್ರೂ ಅದ್ರ ಒಡೆತನ ಸರ್ಕಾರಗಳ ಕೈಯಲ್ಲೇ ಇದೆ. ಭದ್ರತೆಯ ಕಾರಣಕ್ಕಾಗಿ ಕೇಬಲ್ಗಳನ್ನ ಸರ್ಕಾರಗಳೇ ಕಂಟ್ರೋಲ್ ಮಾಡ್ತಾ ಇವೆ. ಹೀಗಾಗಿಯೇ ಈಗ ಇಂಟರ್ನೆಟ್ ಕೇಬಲ್ ವಾರ್ ಕೂಡ ಶುರುವಾಗಿದೆ. ಅಮೆರಿಕ ಮತ್ತು ಚೀನಾ ನಡುವೆ ಇಂಟರ್ನೆಟ್ ಕೇಬಲ್ನ್ನ ಕಂಟ್ರೋಲ್ ಮಾಡೋ ವಿಚಾರದಲ್ಲಿ ಜಿದ್ದಾಜಿದ್ದಿ ನಡೀತಾ ಇದೆ. ಇಲ್ಲೂ ಅಮೆರಿಕ ಮತ್ತು ಚೀನಾ ಬೆಂಬಲಿತ ರಾಷ್ಟ್ರಗಳು ಅನ್ನೋ ಎರಡು ಬಣಗಳಿವೆ. ಪರಿಣಾಮ 2018ರಲ್ಲಿ ಅಮೆರಿಕದ ದೋಸ್ತ್ ಆಸ್ಟ್ರೇಲಿಯಾ ಚೀನಾದ ಟೆಕ್ ಕಂಪನಿ ಹುವಾಯೆ ಆಸ್ಟ್ರೇಲಿಯಾ ಸಮುದ್ರ ಭಾಗದಲ್ಲಿ ಕೇಬಲ್ ರವಾನಿಸೋದನ್ನ ತಡೆದಿತ್ತು. ಇದ್ರಿಂದ ತನ್ನ ಆಂತರಿಕ ಭದ್ರತೆಗೆ ಸಮಸ್ಯೆಯಾಗಬಹುದು. ತನ್ನ ನೆಟ್ವರ್ಕ್ಗಳ ಆಕ್ಸೆಸ್ ಚೀನಾಗೆ ಸಿಗಬಹುದು ಅನ್ನೋ ಕಾರಣಕ್ಕೆ ಆಸ್ಟ್ರೇಲಿಯಾ ಈ ನಿರ್ಧಾರ ಕೈಗೊಂಡಿತ್ತು. ಹಾಗೆಯೇ ಗೂಗುಲ್ ಮತ್ತು ಫೇಸ್ಬುಕ್ 8800 ಮೈಲಿ ಇಂಟರ್ನೆಟ್ ಕೇಬಲ್ನ್ನ ಹಾಂಗ್ಕಾಂಗ್ ಮತ್ತು ಅಮೆರಿಕ ಮಧ್ಯೆ ಕನೆಕ್ಟ್ ಮಾಡೋಕೆ ಮುಂದಾದಾಗ ಅಮೆರಿಕದ ನ್ಯಾಷನಲ್ ಸೆಕ್ಯೂರಿಟಿ ಪ್ಯಾನಲ್ ಅದಕ್ಕೆ ತಡೆಯೊಡ್ಡಿತ್ತು. ಹಾಂಗ್ಕಾಂಗ್ ಜೊತೆಗೆ ಕೇಬಲ್ ಕನೆಕ್ಟ್ ಮಾಡಿದ್ರೆ ಚೀನಾ ಇಂಟರ್ನೆಟ್ ಟ್ರಾಫಿಕ್ನ್ನೇ ಹ್ಯಾಕ್ ಮಾಡಬಹುದು. ಇನ್ಫಾರ್ಮೇಶನ್ ಕದಿಯಬಹುದು ಅಂತಾ ವಾರ್ನಿಂಗ್ ಮಾಡಿತ್ತು. ಈಗಾಗ್ಲೇ ಚೀನಾ ಜಾಗತಿಕ ಇಂಟರ್ನೆಟ್ ವ್ಯವಸ್ಥೆಯನ್ನ ಹ್ಯಾಕ್ ಮಾಡೋಕೆ ಪ್ರಯತ್ನ ಪಡ್ತಾ ಇದೆ. ಒಂದನೇ ಮಹಾಯುದ್ಧದ ವೇಳೆ ಬ್ರಿಟನ್ ಜಾಗತಿಕ ಟೆಲಿಗ್ರಾಫ್ ಸಂಪರ್ಕ ವ್ಯವಸ್ಥೆಯನ್ನ ತನ್ನ ಕಂಟ್ರೋಲ್ನಲ್ಲಿಟ್ಟುಕೊಂಡಿದ್ದಾಗ ಇಡೀ ಜರ್ಮನಿಯ ಕಮ್ಯುನಿಕೇಶನ್ ವ್ಯವಸ್ಥೆಯನ್ನೇ ಕಟ್ ಮಾಡಿತ್ತು. ಹಾಗೆಯೇ 1970ರಲ್ಲಿ ಅಮೆರಿಕ ತನ್ನ ಬದ್ಧ ವೈರಿ ರಷ್ಯಾಗೆ ಸೇರಿದ ಸಮುದ್ರದಾಳದ ಕಮ್ಯುನಿಕೆಶನ್ ಸಿಸ್ಟಮ್ ಕೇಬಲ್ನ್ನ ಹ್ಯಾಕ್ ಮಾಡೋಕೆ ಯತ್ನಿಸಿತ್ತು. ಹೀಗೆ ಭವಿಷ್ಯದಲ್ಲಿ ಇಂಟರ್ನೆಟ್ ವಾರ್ ಅನ್ನೋದೆ ದೊಡ್ಡ ಮಟ್ಟದ ಸಮರವಾಗಲಿದೆ. ಇಂಟರ್ನೆಟ್ ಕನೆಕ್ಷನ್ ಕಟ್ ಮಾಡಿದ್ರೆ ಸಾಕು ಇಡೀ ದೇಶವನ್ನೇ ಬುಡಮೇಲು ಮಾಡಿಬಿಡಬಹುದು. ಈಗಾಗ್ಲೇ ನಡೀತಾ ಇರೋ ಹ್ಯಾಕಿಂಗ್ಗಳೆಲ್ಲಾ ಈ ಇಂಟರ್ನೆಟ್ ಸಮರದ ಸಣ್ಣ ಟ್ರೈಲರ್ ಅಷ್ಟೇ.. ಪಿಕ್ಚರ್ ಅಭೀ ಬಾಕಿ ಹೈ..
