ಭಾರತ ಮತ್ತು ಅಫ್ಘಾನಿಸ್ತಾನ ನಡುವೆ ಮೊದಲ ಪಂದ್ಯಕ್ಕೆ ಕ್ಷಣಗಣನೆ- ಕಿಂಗ್ ಕೊಹ್ಲಿ ಆಡಲ್ಲ ಯಾಕೆ?

ಫೈನಲ್ ಟಿ-20 ಸೀರಿಸ್.. ವರ್ಲ್ಡ್ಕಪ್ಗೂ ಮುನ್ನ ಟೀಂ ಇಂಡಿಯಾ ಆಡ್ತಿರೋ ಕೊನೆಯ ಟಿ20 ಸೀರಿಸ್ ಇವತ್ತಿನಿಂದ ಶುರುವಾಗ್ತಾ ಇದೆ. ಅಫ್ಘಾನಿಸ್ತಾನ ವಿರುದ್ಧದ ಮೂರು ಪಂದ್ಯಗಳ ಸೀರಿಸ್ನ ಫಸ್ಟ್ ಮ್ಯಾಚ್ ಗುರುವಾರ ನಡೆಯುತ್ತಿದೆ. ಟೀಂ ಇಂಡಿಯಾದ ಪಾಲಿಗೆ ಇದು ತುಂಬಾನೆ ಇಂಪಾರ್ಟೆಂಟ್ ಸೀರಿಸ್. ಕ್ಯಾಪ್ಟನ್ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಗಂತೂ ಉಳಿದವರಿಗಿಂತಲೂ ಹೆಚ್ಚು ಕ್ರೂಶಿಯಲ್ ಆಗಿರೋ ಸೀರಿಸ್. ಆದ್ರೆ ಫಸ್ಟ್ ಮ್ಯಾಚ್ನಲ್ಲಿ ವಿರಾಟ್ ಕೊಹ್ಲಿ ಆಡ್ತಾ ಇಲ್ಲ. ಅದಕ್ಕೆ ಕಾರಣ ಏನು? ಟೀಂ ಇಂಡಿಯಾದ ಪ್ಲೇಯಿಂಗ್-11 ಹೇಗಿರಬಹುದು? ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಇದನ್ನೂ ಓದಿ: ಅಪ್ಘಾನಿಸ್ತಾನ ವಿರುದ್ಧದ ಟಿ20 ಸೀರಿಸ್‌ಗೆ ಟೀಮ್ ಆಯ್ಕೆ – ಇವರಲ್ಲಿ ಐಪಿಎಲ್‌ನಲ್ಲಿ ಆಡುತ್ತಿರುವ ಕ್ರಿಕೆಟಿಗರು ಯಾರಿದ್ದಾರೆ?

ಅಫ್ಘನ್ ವಿರುದ್ಧದ ಈ ಸೀರಿಸ್ ರೋಹಿತ್ ಶರ್ಮಾಗೆ ತುಂಬಾನೆ ಸ್ಪೆಷಲ್ ಆಗಿರಲಿದೆ. ಸುಮಾರು ಒಂದೂವರೆ ವರ್ಷಗಳ ಬಳಿಕ ಟಿ-20 ಇಂಟರ್ನ್ಯಾಷನಲ್ ಮ್ಯಾಚ್ ಆಡ್ತಿರೋದ್ರ ಜೊತೆಗೆ ಟಿ-20 ಟೀಮ್ನ ಕ್ಯಾಪ್ಟನ್ ಕೂಡ ಆಗಿದ್ದಾರೆ. ಹೀಗಾಗಿ ಸೀರಿಸ್ ಗೆಲ್ಲೋದಷ್ಟೇ ಅಲ್ಲ, ರೋಹಿತ್ ಶರ್ಮಾ ಯಾವ ರೀತಿ ಪರ್ಫಾಮ್ ಮಾಡ್ತಾರೆ ಅನ್ನೋದ್ರ ಮೇಲೆಯೇ ಎಲ್ಲರ ನಿಗಾ ಇರುತ್ತೆ. ಇಂದಿನಿಂದ ರೋಹಿತ್ ಶರ್ಮಾಗೆ ಟಿ20 ಟೆಸ್ಟ್ ಶುರುವಾಗುತ್ತೆ. ಜೂನ್ನಲ್ಲಿ ನಡೆಯೋ ವರ್ಲ್ಡ್ಕಪ್ಗೆ ಸೆಲೆಕ್ಟ್ ಆಗಬೇಕು ಅನ್ನೋ, ಮತ್ತೊಮ್ಮೆ ಟೀಂ ಇಂಡಿಯಾವನ್ನ ಲೀಡ್ ಮಾಡಬೇಕು ಅನ್ನೋದಾದ್ರೆ ಆಫ್ಘನ್ ವಿರುದ್ಧದ ಮೂರು ಟಿ20 ಮ್ಯಾಚ್ ಜೊತೆಗೆ ಮುಂಬರುವ ಐಪಿಎಲ್ ಟೂರ್ನಿಯಲ್ಲೂ ರೋಹಿತ್ ಬ್ಯಾಟ್ನಿಂದ ರನ್ ಬರಲೇಬೇಕಿದೆ. ಜೊತೆಗೆ ರೋಹಿತ್ ಶರ್ಮಾ ಫಿಟ್ನೆಸ್ ಬಗ್ಗೆಯೂ ಬಿಸಿಸಿಐ ನಿಗಾ ವಹಿಸಿರುತ್ತೆ. ಇದು ಕೇವಲ ರೋಹಿತ್ ಶರ್ಮಾಗೆ ಮಾತ್ರವಲ್ಲಿ ನೆಕ್ಸ್ಟ್ ಮ್ಯಾಚ್ ವೇಳೆಗೆ ಟೀಂ ಇಂಡಿಯಾವನ್ನ ಸೇರ್ಪಡೆಯಾಗೋ ವಿರಾಟ್ ಕೊಹ್ಲಿ ಸೇರಿದಂತೆ ಈಗ ಸ್ಕ್ವಾಡ್ನಲ್ಲಿರೋ ಪ್ರತಿಯೊಬ್ಬ ಪ್ಲೇಯರ್ಗಳಿಗೂ ಅಪ್ಲೈ ಆಗುತ್ತೆ. ಇವತ್ತಿನಿಂದ ಟಿ-20 ವರ್ಲ್ಡ್ಕಪ್ ಸ್ಕ್ವಾಡ್ಗೆ ಸರ್ಚಿಂಗ್ ಶುರುವಾಗಲಿದೆ. ವಿಶ್ವಕಪ್ ಟೀಂನಲ್ಲಿ ಯಾರನ್ನೆಲ್ಲಾ ಪಿಕ್ ಮಾಡಬಹುದು ಅನ್ನೋ ಲೆಕ್ಕಾಚಾರಗಳು ನಡೆಯಲಿದೆ. ಐಪಿಎಲ್ನಲ್ಲಿ ಮೊದಲ ಒಂದು ತಿಂಗಳ ಪಂದ್ಯಗಳ ಬಳಿಕ ವರ್ಲ್ಡ್ಕಪ್ ಸ್ಕ್ವಾಡ್ನಲ್ಲಿ ಯಾರೆಲ್ಲಾ ಇರಬಹುದು ಅನ್ನೋ ಬಗ್ಗೆ ಒಂದಷ್ಟು ಕ್ಲ್ಯಾರಿಟಿ ಕೂಡ ಸಿಗಬಹುದು. ಯಾಕಂದ್ರೆ ಐಪಿಎಲ್ ಪರ್ಫಾಮೆನ್ಸ್ನ್ನ ಕೂಡ ಬಿಸಿಸಿಐ ವರ್ಲ್ಡ್ಕಪ್ ಟೀಮ್ ಸೆಲೆಕ್ಷನ್ಗೆ ಪರಿಗಣಿಸ್ತಾ ಇದೆ. ಸೋ ಮುಂದಿನ 4 ತಿಂಗಳು ಟೀಂ ಇಂಡಿಯಾದ ಪ್ರತಿಯೊಬ್ಬ ಪ್ಲೇಯರ್ಗಳು ವರ್ಲ್ಡ್ಕಪ್ನ್ನ ಮೈಂಡ್ನಲ್ಲಿಟ್ಟುಕೊಂಡೇ ಆಡಬೇಕಾಗುತ್ತೆ.

ಇನ್ನು ಭಾರತ-ಅಫ್ಘಾನಿಸ್ತಾನ ಟಿ-20 ಸೀರಿಸ್ನ್ನ ಸ್ಪೋರ್ಟ್ಸ್-18 ಚಾನೆಲ್ ಬ್ರಾಡ್ಕಾಸ್ಟ್ ಮಾಡ್ತಿದೆ. ಸ್ಟಾರ್ ಸ್ಪೋರ್ಟ್ಸ್ ಅಲ್ಲ.. ಹೀಗಾಗಿ ಜಿಯೋ ಸಿನಿಮಾ ಆ್ಯಪ್ ಮತ್ತು ವೆಬ್ಸೈಟ್ನಲ್ಲಿ ನೀವು ಮ್ಯಾಚ್ನ್ನ ಲೈವ್ ನೋಡಬಹುದು.

ಟೀಂ ಇಂಡಿಯಾ PLAYING-11?

ರೋಹಿತ್ ಶರ್ಮಾ
ಯಶಸ್ವಿ ಜೈಸ್ವಾಲ್
ಶುಬ್ಮನ್ ಗಿಲ್
ಸಂಜು ಸ್ಯಾಮ್ಸನ್
ತಿಲಕ್ ವರ್ಮಾ
ಶಿವಮ್ ದುಬೆ
ರಿಂಕು ಸಿಂಗ್
ಅಕ್ಸರ್ ಪಟೇಲ್
ಕುಲ್ದೀಪ್ ಯಾದವ್
ಅರ್ಶ್ದೀಪ್ ಸಿಂಗ್
ಮುಕೇಶ್ ಕುಮಾರ್

ಇದು ಅಫ್ಘಾನಿಸ್ತಾನ ವಿರುದ್ಧದ ಫಸ್ಟ್ ಟಿ-20 ಮ್ಯಾಚ್ಗೆ ಟೀಂ ಇಂಡಿಯಾದ ಪ್ಲೇಯಿಂಗ್-11. ಮೊಹಾಲಿಯದ್ದು ಫುಲ್ ಬ್ಯಾಟಿಂಗ್ ಪಿಚ್ ಆಗಿರೋದ್ರಿಂದ 7 ಮಂದಿ ಫುಲ್ ಫ್ಲೆಡ್ಜ್ ಬ್ಯಾಟ್ಸ್ಮನ್ಗಳನ್ನಿಟ್ಟುಕೊಂಡು ರೋಹಿತ್ ಪಡೆ ಅಖಾಡಕ್ಕಿಳಿಯಬಹುದು.

ಅಫ್ಘಾನಿಸ್ತಾನ ವಿರುದ್ಧದ ಮೊದಲ ಟಿ-20 ಪಂದ್ಯದಲ್ಲಿ ಸ್ಟಾರ್ ಬ್ಯಾಟ್ಸ್ಮನ್ ವಿರಾಟ್ ಕೊಹ್ಲಿ ಆಡುವುದಿಲ್ಲ ಎಂದು ಹೆಡ್ ಕೋಚ್ ರಾಹುಲ್ ದ್ರಾವಿಡ್ ತಿಳಿಸಿದ್ದಾರೆ. ಗುರುವಾರ ಮೊದಲ ಪಂದ್ಯ ನಡೆಯಲಿದ್ದು, ಟೀಂ ಇಂಡಿಯಾ ಆಫ್ಘಾನ್ ವಿರುದ್ಧ ಒಟ್ಟು 3 ಟಿ-20 ಪಂದ್ಯಗಳು ನಡೆಯಲಿವೆ. ಜನವರಿ 14 ಮತ್ತು 17 ರಂದು ನಡೆಯುವ ಎರಡನೇ ಹಾಗೂ ಮೂರನೇ ಪಂದ್ಯಗಳಿಗೆ ಕೊಹ್ಲಿ ಲಭ್ಯರಾಗಲಿದ್ದಾರೆ. ವೈಯಕ್ತಿಕ ಕಾರಣದಿಂದ ಕೊಹ್ಲಿ ಮೊದಲ ಪಂದ್ಯವನ್ನು ಆಡುತ್ತಿಲ್ಲ ಎಂದು ದ್ರಾವಿಡ್ ತಿಳಿಸಿದ್ದಾರೆ.