ನೋಡಿರಿ
ರೋಹಿತ್ ಶರ್ಮಾ ಟಿ20 ವಿಶ್ವಕಪ್‌ನಲ್ಲಿ ಆಡೋದು ಪಕ್ಕಾ..! – ಐಪಿಎಲ್ ಬಗ್ಗೆ ಹಿಟ್‌ಮ್ಯಾನ್‌ ಮೌನ..!
ಸೌತ್ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಮ್ಯಾಚ್ಗೂ ಮುನ್ನ ಟೀಂ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮಾ ಒಂದು ಇಂಟ್ರೆಸ್ಟಿಂಗ್ ಪ್ರೆಸ್ಮೀಟ್ ಮಾಡಿದ್ದಾರೆ. ಈ ಪ್ರೆಸ್ಮೀಟ್ನಲ್ಲಿ ಹಲವು ವಿಚಾರಗಳನ್ನ ರೋಹಿತ್ ಬಹಿರಂಗಪಡಿಸಿದ್ದು, ಜೊತೆಗೆ ತಮ್ಮ ಕೆರಿಯರ್ ಫ್ಯೂಚರ್ ಬಗ್ಗೆ ಕೆಲ ಮಾಹಿತಿ ಬಿಟ್ಟುಕೊಟ್ಟಿದ್ದಾರೆ. ಟಿ20 ವರ್ಲ್ಡ್ಕಪ್ನಲ್ಲಿ ಆಡೋ ಬಗ್ಗೆಯೂ ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ. ಎಲ್ಲಕ್ಕಿಂತ ಹೆಚ್ಚಾಗಿ ವರ್ಲ್ಡ್ಕಪ್ ಫೈನಲ್ ಸೋಲಿನ ಬಗ್ಗೆ ಇದೇ ಮೊದಲ ಬಾರಿಗೆ ಮಾತನಾಡಿದ್ದಾರೆ.
ವರ್ಲ್ಡ್ಕಪ್ ಫೈನಲ್ ಸೋಲಿನ ಬಗ್ಗೆ ರೋಹಿತ್ ಶರ್ಮಾ ಹೇಳಿದ್ದಿಷ್ಟೇ.. 10 ಮ್ಯಾಚ್ಗಳನ್ನ ಯಾವ ರೀತಿ ಆಡಿದ್ವಿ ಅನ್ನೋದನ್ನ ನೀವೆಲ್ಲಾ ನೋಡಿದ್ದೀರಿ. ಆದ್ರೆ ಫೈನಲ್ನಲ್ಲಿ ಕೆಲ ಏರಿಯಾದಲ್ಲಿ ನಾವು ಪರ್ಫೆಕ್ಟ್ ಎಕ್ಸಿಕ್ಯೂಟ್ ಮಾಡಿಲ್ಲ. ಹೀಗಾಗಿ ಸೋತುಹೋದೆವು. ಫೈನಲ್ ಮ್ಯಾಚ್ನ ಸೋಲನ್ನ ಅರಗಿಸಿಕೊಳ್ಳೋದು ತುಂಬಾ ಕಷ್ಟ. ನನಗೆ ಆ ಸೋಲಿನಿಂದ ಹೊರ ಬರುವುದು ಕಷ್ಟವಾಗಿದೆ. ಬಟ್ ಲೈಫ್ನಲ್ಲಿ ಮೂವ್ಆನ್ ಆಗಲೇಬೇಕು ಅಂತಾ ರೋಹಿತ್ ಹೇಳಿದ್ರು. ಸ್ಟಿಲ್ ವರ್ಲ್ಡ್ಕಪ್ ಸೋಲಿನಿಂದ ರೋಹಿತ್ ಕಂಪ್ಲೀಟ್ ಆಗಿ ಇನ್ನೂ ಹೊರಬಂದಿಲ್ಲ ಅನ್ನೋದು ಅವರ ಫೇಸ್ನಲ್ಲೇ ಕ್ಲೀಯರ್ ಆಗಿ ಕಾಣ್ತಿತ್ತು.
ಇನ್ನು ಪ್ರೆಸ್ಮೀಟ್ನಲ್ಲಿ ಇನ್ನೊಂದಷ್ಟು ಇಂಟ್ರೆಸ್ಟಿಂಗ್ ಸಂಗತಿಗಳನ್ನ ರೋಹಿತ್ ಪ್ರಸ್ತಾಪಿಸಿದ್ದಾರೆ. ಸೌತ್ ಆಫ್ರಿಕಾ ವಿರುದ್ಧ ಇದುವರೆಗೂ ಟೀಂ ಇಂಡಿಯಾ ಒಂದೇ ಒಂದು ಬಾರಿ ಟೆಸ್ಟ್ ಸೀರಿಸ್ ಗೆದ್ದಿಲ್ಲ. ಹೀಗಾಗಿ ಈ ಬಾರಿ ರೋಹಿತ್ ನೇತೃತ್ವದಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಸೀರಿಸ್ ಗೆದ್ರೆ ಅದೊಂದು ದೊಡ್ಡ ಸಾಧನೆಯಾಗಲಿದೆ. ರೋಹಿತ್ ಟೀಂ ಇತಿಹಾಸವನ್ನೇ ಸೃಷ್ಟಿಸಿದಂತಾಗುತ್ತೆ. ಹೀಗಾಗಿಯೇ ಈ ಸೀರಿಸ್ ತುಂಬಾ ಸ್ಪೆಷಲ್ ಆಗಿರೋದು. ಸೋ ರೋಹಿತ್ ಶರ್ಮಾ ಪ್ರೆಸ್ಮೀಟ್ ವೇಳೆ ಜರ್ನಲಿಸ್ಟ್ ಒಬ್ರು ಕ್ವಶ್ಚನ್ ಕೇಳ್ತಾರೆ. ಸೌತ್ ಆಫ್ರಿಕಾದಲ್ಲಿ ಟೆಸ್ಟ್ ಸೀರಿಸ್ ಗೆದ್ರೆ ವರ್ಲ್ಡ್ಕಪ್ ಸೋಲಿನಿಂದ ಓವರ್ಕಮ್ ಆಗಬಹುದಾ ಅನ್ನೋದಾಗಿ ಕೇಳ್ತಾರೆ. ಅದಕ್ಕೆ ರೋಹಿತ್ ವರ್ಲ್ಡ್ಕಪ್ ಏನಿದ್ರೂ ವರ್ಲ್ಡ್ಕಪ್ಪೇ.. ಈ ಸೀರಿಸ್ಗೂ ವರ್ಲ್ಡ್ಕಪ್ಗೂ ಕಂಪೇರ್ ಮಾಡೋಕೆ ಸಾಧ್ಯವೇ ಇಲ್ಲ ಅಂತಾ ಹೇಳಿದ್ದಾರೆ. ಇದರ ಜೊತೆಗೆ ಇನ್ನೊಂದು ಮಾತು ಹೇಳಿದ್ದಾರೆ. ಏನೋ ಒಂದು ದೊಡ್ಡದು ನಮಗೆ ಬೇಕಿದೆ. ನಾವು ತುಂಬಾ ಕಷ್ಟಪಟ್ಟಿದ್ದೀವಿ. ಹೀಗಾಗಿ ದೊಡ್ಡ ಅಚೀವ್ಮೆಂಟ್ ಮಾಡಲೇಬೇಕಿದೆ. ದೇಶಕ್ಕೆ..ಜನತೆಗೆ ಗ್ಲೋರಿ ತಂದುಕೊಡಬೇಕಿದೆ. ಇದಕ್ಕಾಗಿ ಟೀಮ್ನ ಪ್ರತಿಯೊಬ್ಬ ಪ್ಲೇಯರ್ ಕೂಡ ಡೆಸ್ಪರೇಟ್ ಆಗಿದ್ದಾರೆ ಅಂತಾ ರೋಹಿತ್ ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ.
ರೋಹಿತ್ ಇಲ್ಲಿ ಡೆಸ್ಪರೇಟ್ ಅನ್ನೋ ಪದ ಬಳಸ್ತಾರೆ. ಟೀಮ್ನ ಪ್ರತಿಯೊಬ್ಬ ಪ್ಲೇಯರ್ ಕೂಡ ದೊಡ್ಡ ಅಚೀವ್ಮೆಂಟ್ಗಾಗಿ ಡೆಸ್ಪರೇಟ್ ಆಗಿದ್ದಾರೆ ಅನ್ನೋದು. ಅದಕ್ಕೆ ಡೆಸ್ಪರೇಟ್ ಅಂದರೆ ಟಿ-20 ವರ್ಲ್ಡ್ಕಪ್ ಗೆಲ್ಲೋದಾ ಅನ್ನೋ ಪ್ರಶ್ನೆಯನ್ನ ರೋಹಿತ್ಗೆ ಕೇಳ್ತಾರೆ. ನಮಗೆ ಯಾವ ಟೂರ್ನಿಯಲೆಲ್ಲ್ಲಾ ಆಡೋಕೆ ಚಾನ್ಸ್ ಸಿಗುತ್ತೋ ಅಲ್ಲಿ ಬೆಸ್ಟ್ ಪರ್ಫಾಮೆನ್ಸ್ ಕೊಡಬೇಕು. ಟಿ-20 ವರ್ಲ್ಡ್ಕಪ್ ವಿಚಾರವಾಗಿ ನಿಮಗೆ ಮುಂದಕ್ಕೆ ಆನ್ಸರ್ ಸಿಗುತ್ತೆ ಅಂತಾ ಮಾರ್ಮಿಕವಾಗಿ ಆನ್ಸರ್ ಮಾಡ್ತಾರೆ. ರೋಹಿತ್ ಹೇಳಿರೋ ಪ್ರಕಾರ ಸದ್ಯ ಅವರ ಫ್ಯೂಚರ್ ಪ್ಲ್ಯಾನ್ ಇಷ್ಟೇ. ತಮಗೆ ಸಿಕ್ಕ ಅವಕಾಶವನ್ನೆಲ್ಲಾ ಬಳಸಿಕೊಳ್ಳೋದು. ಆದ್ರೂ ಟಿ-20 ವರ್ಲ್ಡ್ಕಪ್ ಆಡಬೇಕು ಅನ್ನೋ ಟಾರ್ಗೆಟ್ನ್ನಂತೂ ರೋಹಿತ್ ಇಟ್ಕೊಂಡಿರೋದು ನಿಜಾನೇ. ಯಾಕಂದ್ರೆ ರೋಹಿತ್ ಇಲ್ಲಿ ಇನ್ನೊಂದು ಮಾತನ್ನ ಕೂಡ ಹೇಳಿದ್ರು. ನಾನೀಗ ಕೆರಿಯರ್ನ ಬೆಸ್ಟ್ ಫಾರ್ಮ್ನಲ್ಲಿ ಇದ್ದೇನೆ ಅನ್ನೋದಾಗಿ. ಇದ್ರ ಅರ್ಥ, ಟಿ-20 ವರ್ಲ್ಡ್ಕಪ್ ಆಡೋಕೆ ರೆಡಿ ಅನ್ನೋ ಆ್ಯಂಗಲ್ನಲ್ಲೇ ರೋಹಿತ್ ಮಾತನಾಡಿದ್ದಾರೆ. ನೀವು ಗಮನಿಸಿರ್ತೀರಾ, ವಂಡೇ ವರ್ಲ್ಡ್ಕಪ್ನಲ್ಲೂ ಅಷ್ಟೇ ರೋಹಿತ್ ಎವರೇಜ್ ಬಗ್ಗೆ ತಲೆಯೇ ಕೆಡಿಸಿಕೊಂಡಿರಲಿಲ್ಲ. ಓಪನಿಂಗ್ ಬಂದು ಟಿ-20 ಸ್ಟೈಲ್ನಲ್ಲಿ ಅಗ್ರೆಸ್ಸಿವ್ ಆಗಿ ಬ್ಯಾಟಿಂಗ್ ಮಾಡಿದ್ರು. ವಂಡೇನಲ್ಲೂ ಕೂಡ ಟಿ20 ಸ್ಟ್ರೈಕ್ರೇಟ್ನಲ್ಲೇ ಆಡಿದ್ರು. ರೋಹಿತ್ ವಂಡೇ ವರ್ಲ್ಡ್ಕಪ್ನಲ್ಲಿ ಆಡಿದ್ದನ್ನ ನೋಡಿದ್ರೆ ಟಿ-20 ವರ್ಲ್ಡ್ಕಪ್ಗೆ ಕಂಪ್ಲೀಟ್ ಆಗಿ ಫಿಟ್ ಆಗಿದೆ. ಕಳೆದ ಒಂದು ವರ್ಷದಿಂದ ರೋಹಿತ್ ಟೀಂ ಇಂಡಿಯಾ ಪರ ಯಾವುದೇ ಟಿ-20 ಮ್ಯಾಚ್ಗಳನ್ನ ಆಡಿಲ್ಲ ಅನ್ನೋದನ್ನ ಬಿಟ್ರೆ, ರೋಹಿತ್ ಪರ್ಫಾಮೆನ್ಸ್ನಲ್ಲೇನೂ ಡೌನ್ ಆಗಿಲ್ಲ. ವಂಡೇ ವರ್ಲ್ಡ್ಕಪ್ ಪರ್ಫಾಮೆನ್ಸ್ನ್ನೇ ಟಿ-20 ವರ್ಲ್ಡ್ಕಪ್ನಲ್ಲೂ ಮೇಂಟೇನ್ ಮಾಡಿದ್ರೆ ಸಾಕು.
ಇಲ್ಲಿ ಇನ್ನೊಂದು ವಿಚಾರವನ್ನ ಕೂಡ ಹೇಳಲೇಬೇಕು. ರೋಹಿತ್ ಶರ್ಮಾ ಪ್ರೆಸ್ಮೀಟ್ ವೇಳೆ ಐಪಿಎಲ್ ಬಗ್ಗೆಯೂ ಪ್ರಶ್ನೆ ಕೇಳಲಾಗಿತ್ತು. ಆದ್ರೆ, ರೋಹಿತ್ ಐಪಿಎಲ್ ವಿಚಾರವಾಗಿ ಸದ್ಯ ಏನನ್ನೂ ಮಾತನಾಡದೆ ಇರೋದಕ್ಕೆ ತೀರ್ಮಾನಿಸಿದ್ದಾರೆ. ನನ್ನ ಬಳಿ ಈಗ ಐಪಿಎಲ್ ಬಗ್ಗೆ ಯಾವುದೇ ಕ್ವಶ್ಚನ್ ಕೇಳಬೇಡಿ. ಓನ್ಲಿ ಇಂಟರ್ನ್ಯಾಷನಲ್ ಕ್ರಿಕೆಟ್ ಬಗ್ಗೆಯಷ್ಟೇ ಮಾತನಾಡಿ ಅಂದರು. 2024ರ ಐಪಿಎಲ್ ವೇಳೆಗೆ ರೋಹಿತ್ ನೆಕ್ಸ್ಟ್ ಸ್ಟೆಪ್ ಈಗಲೂ ಟಾಪ್ ಸೀಕ್ರೆಟ್ ಆಗಿಯೇ ಇದೆ. ಐಪಿಎಲ್ ವಿಚಾರವಾಗಿ ರೋಹಿತ್ ಕೆರಿಯರ್ನಿಂದ ಮುಂದಿನ ದಿನಗಳಲ್ಲಿ ಏನು ಬೇಕಾದ್ರೂ ಚೇಂಜೆಸ್ಗಳಾಗಬಹುದು. ಇಲ್ಲಿ ಇನ್ನೊಂದು ಇಂಪಾರ್ಟೆಂಟ್ ಇನ್ಫಾರ್ಮೇಶನ್ ಕೂಡ ಇದೆ. ರೋಹಿತ್ ಶರ್ಮಾರನ್ನ ಕ್ಯಾಪ್ಟನ್ಸಿಯಿಂದ ಕೆಳಗಿಳಿಸಿರೋ ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿಯ ಡಿಸೀಶನ್ ರೋಹಿತ್ ಟೀಂ ಇಂಡಿಯಾ ಕ್ಯಾಪ್ಟನ್ಸಿ ಮೇಲೆ ಯಾವುದೇ ರೀತಿಯಲ್ಲೂ ಎಫೆಕ್ಟ್ ಆಗೋದಿಲ್ವಂತೆ.
ಅಂದ್ರೆ ಮುಂಬೈ ಇಂಡಿಯನ್ಸ್ ತನ್ನ ಕ್ಯಾಪ್ಟನ್ನನ್ನ ಚೇಂಜ್ ಮಾಡಿದೆ ಅನ್ನೋ ಕಾರಣಕ್ಕೆ ಬಿಸಿಸಿಐ ಕೂಡ ಇಂಥಾ ನಿರ್ಧಾರ ಕೈಗೊಳ್ಳೋದಿಲ್ಲ.
