ನೀವು ಕಿಲ್ಲರ್ ತಿನ್ನುತ್ತೀರಾ? – ನೋವಿನ ಜೊತೆಗೆ ಕಿಡ್ನಿಯೂ ಹೋಗಬಹುದು!

ಕೆಲವರು  ಹೊಟ್ಟೆನೋವು, ತಲೆನೋವು, ದೇಹದಲ್ಲಿನ ಯಾವುದೇ ನೋವು ಪೈನ್ ಕಿಲ್ಲರ್​ ಮಾತ್ರೆ ಸೇವಿಸುತ್ತಾರೆ. ಮೆಫ್ಟಾಲ್ ಅತ್ಯಂತ ಸಾಮಾನ್ಯವಾದ ನೋವು ನಿವಾರಕಗಳಲ್ಲಿ ಒಂದಾಗಿದೆ. ನೋವು ಬಹಳ ಹೆಚ್ಚಾದಾಗ ಇದನ್ನು ಬಳಸಲಾಗುತ್ತದೆ. ಆದ್ರೆ ಇದನ್ನ ಸೇವಿಸಿದ್ರೆ ನಿಮ್ಮ ಆರೋಗ್ಯಕ್ಕೆ ಕುತ್ತು ಗ್ಯಾರಂಟಿ.

ಇದನ್ನೂ ಓದಿ: ಚಳಿಗಾಲದಲ್ಲಿ ಮೈಕೈ ನೋವು ಜಾಸ್ತಿಯಾಗುತ್ತಾ? – ಕೀಲುಗಳ‌ ನೋವಿಗೆ ಈ ದ್ರವ ಕಾರಣ!

ಭಾರತ ಸರ್ಕಾರ ಎಲ್ಲಾ ವೈದ್ಯರಿಗೆ ಮೆಫ್ತಾಲ್​ನ ಅಡ್ಡಪರಿಣಾಮಗಳ ಬಗ್ಗೆ ಎಚ್ಚರಿಕೆಯನ್ನು ನೀಡಿದೆ. DRESS ಸಿಂಡ್ರೋಮ್ ಮೆಫ್ಟಾಲ್ ಮಾತ್ರೆಗಳ ಮಿತಿಮೀರಿದ ಸೇವನೆಯ ಸಂಭಾವ್ಯ ಅಡ್ಡ ಪರಿಣಾಮವಾಗಿದೆ. DRESS ಸಿಂಡ್ರೋಮ್ ಒಂದು ಅಲರ್ಜಿಯ ಪ್ರತಿಕ್ರಿಯೆಯಾಗಿದೆ. ನೋವು ನಿವಾರಕಗಳು ನೋವಿನಿಂದ ಪರಿಹಾರವನ್ನು ನೀಡುತ್ತವೆಯಾದರೂ ಅವುಗಳಿಂದ ಅಡ್ಡಪರಿಣಾಮಗಳು ಕೂಡ ಉಂಟಾಗುತ್ತವೆ. . ಇದು ಚರ್ಮದ ಉರಿಯೂತಕ್ಕೆ ಕಾರಣವಾಗುತ್ತದೆ. ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ ಮಾರಣಾಂತಿಕ ಗುಳ್ಳೆಗಳನ್ನು ಉಂಟುಮಾಡುತ್ತದೆ. ಅಷ್ಟೇ ಅಲ್ಲದೆ ಜೀರ್ಣಾಂಗ ವ್ಯವಸ್ಥೆ, ಮೂತ್ರಪಿಂಡಗಳು, ಲಿವರ್ ಮುಂತಾದ ಇತರ ಅಂಗಗಳ ಮೇಲೆ ಗಂಭೀರ ಪರಿಣಾಮ ಬೀರಬಹುದು.

ಇನ್ನು ಅಸೆಟಾಮಿನೋಫೆನ್, ಪ್ಯಾರಸಿಟಮಾಲ್‌ನಲ್ಲಿ ಕಂಡುಬರುವ ಸಾಮಾನ್ಯ ನೋವು ನಿವಾರಕ ಮತ್ತು ಅನೇಕ ಔಷಧಿಗಳು, ಅತಿಯಾದ ಪ್ರಮಾಣದಲ್ಲಿ ಅಥವಾ ದೀರ್ಘಾವಧಿಯವರೆಗೆ ತೆಗೆದುಕೊಂಡರೆ ಲಿವರ್ ಅನ್ನು ಹಾನಿಗೊಳಿಸಬಹುದು.  ಅನೇಕ ನೋವು ನಿವಾರಕಗಳು ಅರೆನಿದ್ರಾವಸ್ಥೆ ಮತ್ತು ತಲೆತಿರುಗುವಿಕೆಗೆ ಕಾರಣವಾಗಬಹುದು. ಒಪಿಯಾಡ್ ನೋವು ನಿವಾರಕಗಳಾದ ಮಾರ್ಫಿನ್ ಮತ್ತು ಕೊಡೈನ್, ಹೆಚ್ಚು ಅಡಿಕ್ಷನ್​ಗೆ ಕಾರಣವಾಗಬಹುದು. ತಮ್ಮ ವೈದ್ಯರ ಸೂಚನೆಗಳನ್ನು ಅನುಸರಿಸುತ್ತಿದ್ದರೂ ಸಹ ದೀರ್ಘಕಾಲದವರೆಗೆ ಈ ಔಷಧಿಗಳನ್ನು ತೆಗೆದುಕೊಳ್ಳುವ ಜನರಿಗೆ ಇದರಿಂದ ಗಂಭೀರ ಸಮಸ್ಯೆಯಾಗಬಹುದು. ಇದರ ಜೊತೆಗೆ ಮಲಬದ್ಧತೆ, ವಾಕರಿಕೆ ಮತ್ತು ವಾಂತಿ, ತಲೆನೋವು, ಚರ್ಮದ ದದ್ದುಗಳು, ತೀವ್ರ ರಕ್ತದೊತ್ತಡ, ಉಸಿರಾಟದ ತೊಂದರೆ ಕೂಡ ಉಂಟಾಗುತ್ತದೆ. ಪ್ರತಿಯೊಬ್ಬರೂ ಈ ಅಡ್ಡಪರಿಣಾಮಗಳನ್ನು ಅನುಭವಿಸುವುದಿಲ್ಲ ಎಂಬುದನ್ನು ಗಮನಿಸುವುದು ಮುಖ್ಯ. ಯಾವುದೇ ನೋವು ನಿವಾರಕಗಳನ್ನು ತೆಗೆದುಕೊಳ್ಳುವ ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.