ರೋಹಿತ್ ಶರ್ಮಾ ಅಸಮಾಧಾನದ ಬಳಿಕವೂ ಪಾಂಡ್ಯಾ ರಿಟರ್ನ್ – ಮುಂಬೈ ಇಂಡಿಯನ್ಸ್ ಈಗ ಒಡೆದ ಮನೆ?

ಒಂದಷ್ಟು ಹೈಡ್ರಾಮದ ಬಳಿಕ ಹಾರ್ದಿಕ್ ಪಾಂಡ್ಯಾ ಮುಂಬೈ ಇಂಡಿಯನ್ಸ್ಗೆ ಮರಳಿದ್ದಾಯ್ತು. ಅಫೀಶಿಯಲ್ ಆಗಿ ಎಲ್ಲವೂ ಕನ್ಫರ್ಮ್ ಆಗಿದೆ. ಹಾರ್ದಿಕ್ ಕೂಡ ಕಮಿಂಗ್ ಹೋಮ್ ಅಂತಾ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ. ಆದ್ರೆ, ಪಾಂಡ್ಯಾ ಕಮ್ಬ್ಯಾಕ್ಗೂ ಮುನ್ನ ಫ್ರಾಂಚೈಸಿಗಳ ಮಧ್ಯೆ ಭಾರಿ ನಾಟಕವೇ ನಡೆದಿತ್ತು. ಇದಕ್ಕೆ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ರೋಹಿತ್ ಶರ್ಮಾ ಕೂಡ ಕಾರಣವೇ. ಹಾಗಿದ್ರೆ ಹಾರ್ದಿಕ್ ಪಾಂಡ್ಯಾರನ್ನ ವಾಪಸ್ ತಂಡಕ್ಕೆ ಕರೆಸಿಕೊಳ್ಳುವ ಬಗ್ಗೆ ರೋಹಿತ್ ಶರ್ಮಾ ನಿಲುವು ಏನಾಗಿತ್ತು? ಹಾರ್ದಿಕ್ ಪಾಂಡ್ಯಾರನ್ನ ಬಿಟ್ಟು ಕೊಡೋಕೆ ಗುಜರಾತ್ ಟೈಟಾನ್ಸ್ ನಿರ್ಧರಿಸಿದ್ಯಾಕೆ? ಎಂಬ ಬಗ್ಗೆ ವಿವರಣೆ ಇಲ್ಲಿದೆ.

ಇದನ್ನೂ ಓದಿ: ಗಾಯಕ್ವಾಡ್ ಚೊಚ್ಚಲ ಶತಕ ವ್ಯರ್ಥ, ಕೆಟ್ಟ ದಾಖಲೆ ಬರೆದ ಕನ್ನಡಿಗ – ಟೀಮ್ ಇಂಡಿಯಾ ವಿರುದ್ಧ ಗೆದ್ದು ಬೀಗಿದ ಕಾಂಗರೂ ಪಡೆ

ಮುಂಬೈ ಇಂಡಿಯನ್ಸ್ ಟೀಮ್‌ನಲ್ಲಿ ಆಗುತ್ತಿರುವ ಬದಲಾವಣೆ ಬಗ್ಗೆ ರೋಹಿತ್ ಶರ್ಮಾಗೆ ಅಸಮಾಧಾನ ಇದೆ ಎನ್ನಲಾಗುತ್ತಿದೆ. ಆಲ್ರೌಂಡರ್ ಕ್ಯಾಮರೂನ್ ಗ್ರೀನ್ರನ್ನ ಬಿಟ್ಟು ಹಾರ್ದಿಕ್ ಪಾಂಡ್ಯಾರನ್ನು ವಾಪಸ್ ಕರೆಸಿಕೊಳ್ಳುವ ವಿಚಾರ ರೋಹಿತ್ ಶರ್ಮಾಗೆ ಇಷ್ಟವಿರಲಿಲ್ಲ ಎನ್ನಲಾಗುತ್ತಿದೆ. ಕ್ಯಾಮರೂನ್ ಗ್ರೀನ್ ಟೀಂನಲ್ಲಿ ಇರಬೇಕು ಅನ್ನೋದು ರೋಹಿತ್ ಶರ್ಮಾರ ನಿಲುವಾಗಿತ್ತು. ಹೀಗಾಗಿ ಲಾಸ್ಟ್ ಮಿನಿಟ್ನಲ್ಲಿ ಹಾರ್ದಿಕ್ ಪಾಂಡ್ಯಾ ಟ್ರೇಡ್ ಡೀಲ್ನ್ನ ರೋಹಿತ್ ಶರ್ಮಾ ರಿಜೆಕ್ಟ್ ಮಾಡಿದ್ದು, ಕ್ಯಾಮರೂನ್ ಗ್ರೀನ್ ಪರ ಬ್ಯಾಟ್ ಬೀಸಿದ್ದರು. ಆದ್ರೆ ಮುಂಬೈ ಇಂಡಿಯನ್ಸ್ ಮ್ಯಾನೇಜ್ಮೆಂಟ್ ಲೆಕ್ಕಾಚಾರವೇ ಬೇರೆಯಾಗಿತ್ತು. ಪಾಂಡ್ಯಾರನ್ನ ತಂಡಕ್ಕೆ ಸೇರಿಕೊಳ್ಳಲೇಬೇಕು ಅನ್ನೋ ನಿರ್ಧಾರಕ್ಕೆ ಮುಂಬೈ ಇಂಡಿಯನ್ಸ್ ಬಂದಿತ್ತು. ಹೀಗಾಗಿ ಕೊನೇ ಗಳಿಗೆಯಲ್ಲಿ ಒಂದಷ್ಟು ಡ್ರಾಮಾ ನಡೆದು ಕೊನೆಗೂ ಡೀಲ್ ಫಿಕ್ಸ್ ಆಗಿತ್ತು.

ಹಾರ್ದಿಕ್ ಪಾಂಡ್ಯಾ ಗುಜರಾತ್ ಟೈಟಾನ್ಸ್ನ ಮೊದಲ ಎರಡೂ ಐಪಿಎಲ್ ಟೂರ್ನಿಗಳಲ್ಲೂ ತುಂಬಾ ಚೆನ್ನಾಗಿಯೇ ಟೀಂ ಲೀಡ್ ಮಾಡಿದ್ದರು. ಪಾಂಡ್ಯಾ ಕ್ಯಾಪ್ಟನ್ಸಿಯಲ್ಲಿ ಫಸ್ಟ್ ಸೀಸನ್ನಲ್ಲೇ ಜಿಟಿ ಟ್ರೋಫಿ ಗೆದ್ದಿತ್ತು. ಸೆಕೆಂಡ್ ಸೀಸನ್ನಲ್ಲಿ ಫೈನಲ್ಗೆ ಬಂದಿತ್ತು. ಆದ್ರೂ ಕೂಡ ಪಾಂಡ್ಯಾರನ್ನು ಗುಜರಾತ್ ಟೈಟಾನ್ಸ್ ಬಿಟ್ಟು ಕೊಟ್ಟಿದೆ. ಜಿಟಿ ಮ್ಯಾನೇಜ್ಮೆಂಟ್ ನೀಡಿರುವ ರೀಸನ್ ಏನಂದ್ರೆ, ಮುಂಬೈ ಇಂಡಿಯನ್ಸ್ಗೆ ರಿಟರ್ನ್ ಆಗಲು ಹಾರ್ದಿಕ್ ಪಾಂಡ್ಯಾ ಬಯಸಿದ್ದರು. ತಾನು ಮತ್ತೆ ಮುಂಬೈ ಇಂಡಿಯನ್ಸ್ ಗೆ ಮರಳುವುದಾಗಿ ಪಾಂಡ್ಯಾ ಹೇಳಿದ್ದು, ಅವರ ನಿರ್ಧಾರವನ್ನು ಗೌರವಿಸಲು ಗುಜರಾತ್ ಟೈಟಾನ್ಸ್ ಮ್ಯಾನೇಜ್ಮೆಂಟ್ ನಿರ್ಧರಿಸಿದೆ. ಇದು ಜಿಟಿ ಸೈಡ್ ಆಫ್ ವರ್ಷನ್ ಆಯ್ತು. ಇನ್ನು ರೋಹಿತ್ ಶರ್ಮಾಗೆ ಮನಸ್ಸು ಇಲ್ಲದಿದ್ರೂ ಕೂಡ ಮುಂಬೈ ಇಂಡಿಯನ್ಸ್ ಕೋಟಿ ಕೋಟಿ ಕೊಟ್ಟು ಹಾರ್ದಿಕ್ ಪಾಂಡ್ಯಾರನ್ನ ಕರೆಸಿಕೊಳ್ಳಲು ಪರ್ಟಿಕ್ಯುಲರ್ ರೀಸನ್ ಇದೆ. ಹೇಳಿಕೇಳಿ ಪಾಂಡ್ಯಾ ಟಿ-20ಯಲ್ಲಿ ಟೀಂ ಇಂಡಿಯಾವನ್ನ ಕೂಡ ಲೀಡ್ ಮಾಡಿದ್ದಾರೆ. ಮುಂದಿನ ದಕ್ಷಿಣ ಆಫ್ರಿಕಾ ವಿರುದ್ಧದ ಸೀರಿಸ್ಗೂ ಹಾರ್ದಿಕ್ ಪಾಂಡ್ಯಾ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗಬಹುದು. ಗಾಯಕ್ಕೆ ಒಳಗಾಗದೆ ಇರ್ತಿದ್ರೆ ಆಸ್ಟ್ರೇಲಿಯಾ ವಿರುದ್ಧದ ಸೀರಿಸ್ನಲ್ಲೂ ಪಾಂಡ್ಯಾ ತಂಡವನ್ನ ಲೀಡ್ ಮಾಡ್ತಿದ್ರು. ರೋಹಿತ್ ಶರ್ಮಾ ಟಿ-20ಯಲ್ಲಿ ಕಂಟಿನ್ಯೂ ಆಗಲ್ಲ ಅಂದ್ರೆ 2024ರಲ್ಲಿ ನಡೆಯೋ ವರ್ಲ್ಡ್ಕಪ್ನಲ್ಲೂ ಹಾರ್ದಿಕ್ ಪಾಂಡ್ಯಾ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗಲಿದೆ. ಒಬ್ಬ ಕ್ಯಾಪ್ಟನ್ ಆಗಿ ಹಾರ್ದಿಕ್ ಪಾಂಡ್ಯ ಭವಿಷ್ಯ ಗಟ್ಟಿಯಾಗ್ತಿದೆ. ರೋಹಿತ್ ಶರ್ಮಾ ಬಳಿಕ WHO IS NEXT ಅನ್ನೋ ಪ್ರಶ್ನೆ ಬಂದೇ ಬರುತ್ತೆ. ಮುಂದಿನ ಐಪಿಎಲ್ ಟೂರ್ನಿಯಲ್ಲೇ ಪಾಂಡ್ಯಾಗೆ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ಸಿ ಪಟ್ಟ ಕಟ್ಟಲಾಗುತ್ತಾ ಅನ್ನೋದು ಗ್ಯಾರಂಟಿ ಇಲ್ಲ. ಆದ್ರೆ, ಈ ಬಾರಿ ಅಲ್ಲದಿದ್ರೂ ನೆಕ್ಸ್ಟ್ ಐಪಿಎಲ್ ಟೂರ್ನಿಯಲ್ಲಾದ್ರೂ ಹಾರ್ದಿಕ್ ಪಾಂಡ್ಯಾಗೆ ಕಾಪ್ಟನ್ಸಿ ಸಿಗೋದು ಆಲ್ಮೋಸ್ಟ್ ಗ್ಯಾರಂಟಿ. ರೋಹಿತ್ ಬಳಿಕ ಹಾರ್ದಿಕ್ ಪಾಂಡ್ಯಾರೇ ಮುಂಬೈ ಇಂಡಿಯನ್ಸ್ನ್ನ ಲೀಡ್ ಮಾಡೋದು ಅನ್ನೋದು ಈಗಾಗ್ಲೇ ಗ್ಯಾರಂಟಿಯಾಗಿದೆ.

ಒಂದು ವಿಚಾರವಂತೂ ಸ್ಪಷ್ಟ.. ಮುಂಬೈ ಇಂಡಿಯನ್ಸ್ನಲ್ಲಿ ಈಗ ಎಲ್ಲವೂ ಪರ್ಫೆಕ್ಟ್ ಆಗಿಯಂತೂ ಇಲ್ಲ. ಹಾರ್ದಿಕ್ ಪಾಂಡ್ಯಾ ಕ್ಯಾಪ್ಟನ್ ಆಗ್ತಾರೆ ಅನ್ನೋ ವಿಚಾರದ ಬಗ್ಗೆ ಕೆಲ ಮುಂಬೈ ಇಂಡಿಯನ್ಸ್ ಆಟಗಾರರಿಗೆ ಒಂದಷ್ಟು ಅಸಮಾಧಾನ ಇದ್ದಂತೆ ಕಾಣ್ತಿದೆ. ಮುಂಬೈ ಇಂಡಿಯನ್ಸ್ಗೆ ಪಾಂಡ್ಯಾ ಕಮ್ಬ್ಯಾಕ್ ಬಳಿಕ ಜಸ್ಪ್ರಿತ್ ಬುಮ್ರಾ ತಮ್ಮ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಒಂದು ಕ್ರಿಪ್ಟಿಕ್ ಪೋಸ್ಟ್ ಹಾಕಿಕೊಂಡಿದ್ದಾರೆ. SILENECE IS SOMETIMES THE BEST ANSWER ಅಂತಾ ಬರೆದುಕೊಂಡಿದ್ದಾರೆ. ಹಾರ್ದಿಕ್ ಪಾಂಡ್ಯಾ ಮುಂಬೈ ಇಂಡಿಯನ್ಸ್ ಕ್ಯಾಪ್ಟನ್ ಆಗೋದು ಬುಮ್ರಾಗೆ ಅಷ್ಟಾಗಿ ಇಷ್ಟವಿದ್ದಂತೆ ಕಾಣ್ತಿಲ್ಲ. ನಿಮಗೆ ನೆನಪಿರಬಹುದು, ವರ್ಲ್ಡ್ಕಪ್ಗೂ ಮುನ್ನ ಐರ್ಲೆಂಡ್ ವಿರುದ್ಧದ ಟಿ-20 ಸೀರಿಸ್ಗೆ ಜಸ್ಪ್ರಿತ್ ಬುಮ್ರಾ ಟೀಂ ಇಂಡಿಯಾದ ಕ್ಯಾಪ್ಟನ್ ಆಗಿದ್ದರು. ಬುಮ್ರಾರಲ್ಲೂ ಒಬ್ಬ ಕ್ಯಾಪ್ಟನ್ ಇರೋದಂತೂ ನಿಜ. ಇನ್ನು ಕಳೆದ ಹಲವು ವರ್ಷಗಳಿಂದ ಬುಮ್ರಾ ಮುಂಬೈ ಇಂಡಿಯನ್ಸ್ನಲ್ಲೇ ಆಡ್ತಾ ಇದ್ದಾರೆ. ಬುಮ್ರಾ ಮುಂಬೈ ಇಂಡಿಯನ್ಸ್ನ ವನ್ ಆಫ್ ದಿ ಸೀನಿಯರ್ ಪ್ಲೇಯರ್. ಹೀಗಾಗಿ ರೋಹಿತ್ ಶರ್ಮಾ ಬಳಿಕ ಕ್ಯಾಪ್ಟನ್ಸಿ ಪಟ್ಟಕ್ಕೇರುವ ನಿರೀಕ್ಷೆ ಬುಮ್ರಾಗೆ ಕೂಡ ಇತ್ತು. ಆದ್ರೀಗ ಹಾರ್ದಿಕ್ ಪಾಂಡ್ಯಾರನ್ನ ಕ್ಯಾಪ್ಟನ್ ಮಾಡೋ ಸುದ್ದಿ ಜಸ್ಪ್ರಿತ್ ಬುಮ್ರಾರನ್ನ ಕೂಡ ಅಪ್ಸೆಟ್ ಆಗಿಸಿರುವಂತೆ ಕಾಣ್ತಿದೆ. ONE FAMILY ಅನ್ನೋದು ಮುಂಬೈ ಇಂಡಿಯನ್ಸ್ ಟ್ಯಾಗ್ ಲೈನ್. ಆದ್ರೀಗ ಅಂಬಾನಿ ಒಡೆತನದ ಮುಂಬೈ ಇಂಡಿಯನ್ಸ್ ಒಡೆದ ಮನೆಯಾದಂತೆ ಕಾಣ್ತಿದೆ. ಅಂತೂ ಹಾರ್ದಿಕ್ ಪಾಂಡ್ಯಾ ಘರ್ ವಾಪ್ಸಿಯಿಂದಾಗಿ ಮುಂಬೈ ಇಂಡಿಯನ್ಸ್ನಲ್ಲಿ ಆಲ್ ಈಸ್ ನಾಟ್ ವೆಲ್ ಅನ್ನೋದಂತೂ ಗ್ಯಾರಂಟಿ.

ಇನ್ನು ಮುಂಬೈ ಇಂಡಿಯನ್ಸ್ನ ಸಪೋರ್ಟರ್ಸ್ ಅಂತೂ ಯಾರೂ ಕೂಡ ಹಾರ್ದಿಕ್ ಪಾಂಡ್ಯಾರನ್ನ ಕ್ಯಾಪ್ಟನ್ ಆಗಿ ಒಪ್ಪಿಕೊಳ್ಳೋಕೆ ತಯಾರಿಲ್ಲ. ಮುಂದಿನ ಸೀಸನ್ನಲ್ಲೂ ರೋಹಿತ್ ಶರ್ಮಾರೇ ಟೀಂ ಲೀಡ್ ಮಾಡೋದು ಬೆಸ್ಟ್ ಅಂತಿದ್ದಾರೆ. ಅದೇನೇ ಆದ್ರೂ ರೋಹಿತ್ ಶರ್ಮಾರನ್ನ ಕ್ಯಾಪ್ಟನ್ ಆಗಿ ರಿಪ್ಲೇಸ್ ಮಾಡೋಕೆ ಪಾಂಡ್ಯಾಗೂ ಸಾಧ್ಯವಾಗೋದು ಡೌಟೇ. ಇಲ್ಲಿ ಪಾಂಡ್ಯಾರ ಆಟಿಟ್ಯೂಡ್ ಕೂಡ ಪ್ರಾಬ್ಲಂ. ಹಾರ್ದಿಕ್ ಪಾಂಡ್ಯಾರದ್ದು ಸ್ವಲ್ಪ ಡಾಮಿನೇಟ್ ಕ್ಯಾರೆಕ್ಟರ್. ಹೀಗಾಗಿ ಪಾಂಡ್ಯಾ ಜೊತೆಗೆ ಎಲ್ಲರೂ ಹೊಂದಿಕೊಳ್ತಾರೆ ಅನ್ನೋದು ಗ್ಯಾರಂಟಿ ಇಲ್ಲ. ಹೀಗಾಗಿ ಟೀಂನಲ್ಲಿ ರೋಹಿತ್ ಶರ್ಮಾ ಇರೋವಾಗ, ಅದ್ರಲ್ಲೂ ವರ್ಲ್ಡ್ಕಪ್ನಲ್ಲಿ ಸಕ್ಸಸ್ಫುಲ್ ಆಗಿ ಟೀಂನ್ನ ಲೀಡ್ ಮಾಡಿರುವಾಗ ಈಗಲೇ ರೋಹಿತ್ರಿಂದ ಕ್ಯಾಪ್ಟನ್ಸಿ ಕಿತ್ತುಕೊಳ್ಳೋದ್ರಲ್ಲಿ ಯಾವ ಅರ್ಥವೂ ಇಲ್ಲ.