ನೋಡಿರಿ
ವಾಂಖೆಡೆ ಸ್ಟೇಡಿಯಂನಲ್ಲಿ ಗಿಲ್ – ಕೊಹ್ಲಿ ಜೊತೆಯಾಟ ಕಣ್ತುಂಬಿಕೊಂಡ ಫ್ಯಾನ್ಸ್ – ಲಂಕಾ ವಿರುದ್ಧ ಅಬ್ಬರಿಸಿದ ಸ್ಟಾರ್ ಆಟಗಾರರು
ಒಂದು ಕಡೆ ವಿರಾಟ್ ಕೊಹ್ಲಿ.. ಮತ್ತೊಂದೆಡೆ ಶುಭ್ಮನ್ ಗಿಲ್.. ಇಬ್ಬರ ನಡುವೆಯೇ ರನ್ ರೇಸ್.. ಕೊಹ್ಲಿ ಹಾಫ್ ಸೆಂಚೂರಿಯಾಗ್ತಿದ್ದಂತೆ ಶುಭ್ಮನ್ ಗಿಲ್ ಅರ್ಧ ಶತಕ ಬಾರಿಸಿದ್ರು. ಬಳಿಕ ಯಾರು ಮೊದಲು ಸೆಂಚೂರಿ ಬಾರಿಸ್ತಾರೊ ನೋಡೋಣ ಅನ್ನೋ ಕಾಂಪಿಟೀಶನ್. ಆದರೆ, ಶತಕ ತಲುಪದೇ ಇದ್ದರೂ ಕೂಡಾ ಇಬ್ಬರೂ ಸ್ಟಾರ್ ಆಟಗಾರರು ಅಭಿಮಾನಿಗಳ ಮನಗೆದ್ದಿದ್ದರು.
ಇದನ್ನೂ ಓದಿ: ವಾಂಖೆಡೆ ಸ್ಟೇಡಿಯಂನಲ್ಲಿ ಕ್ರಿಕೆಟ್ ದೇವರ ಪ್ರತಿಮೆ ಅನಾವರಣ – ಸಚಿನ್ ತೆಂಡೂಲ್ಕರ್ ಸ್ಟ್ಯಾಂಡ್‌ನಲ್ಲಿ ತಲೆಯೆತ್ತಿದ ಪ್ರತಿಮೆ
ಟೀಂ ಇಂಡಿಯಾದ ಮೂರು ಬ್ಯಾಟ್ಸ್ಮನ್ಗಳ ವಿಚಾರದಲ್ಲಿ ವಾಂಖೆಡೆ ಸ್ಟೇಡಿಯಂನಲ್ಲಿ ಸೇರಿದ ಅಭಿಮಾನಿಗಳಿಗೆ ನಿರಾಸೆಯಾಗಿತ್ತು. ಹೋಮ್ ಗ್ರೌಂಡ್ನಲ್ಲಿ ರೋಹಿತ್ ಶರ್ಮಾ ಬಿಗ್ ಸ್ಕೋರ್ ಮಾಡಿಲ್ಲ.. ವಿರಾಟ್ ಕೊಹ್ಲಿ ಮತ್ತು ಶುಭ್ಮನ್ ಗಿಲ್ರಿಂದ ಸೆಂಚುರಿ ಬರಲಿಲ್ಲ. ಅದ್ರಲ್ಲೂ ವಿರಾಟ್ ಕೊಹ್ಲಿಯ 49ನೇ ಶತಕಕ್ಕಾಗಿ ಇಡೀ ದೇಶವೇ ಕಾಯುತ್ತಿತ್ತು. ಆರಂಭದಲ್ಲೇ ಶ್ರೀಲಂಕನ್ನರು ಕೊಹ್ಲಿಯ ಮೂರು ಕ್ಯಾಚ್ಗಳನ್ನ ಡ್ರಾಪ್ ಮಾಡಿ, ಜೀವದಾನ ಕೊಟ್ಟಿದ್ದರು. ಕೊಹ್ಲಿ ಕೂಡ ಇದನ್ನ ಅಡ್ವಾಂಟೇಜ್ ಆಗಿ ತಗೊಂಡ್ರು ಚೆನ್ನಾಗಿಯೇ ಬ್ಯಾಟ್ ಬೀಸುತ್ತಿದ್ದರು. ಶುಭ್ಮನ್ ಗಿಲ್ ಮತ್ತು ವಿರಾಟ್ ಕೊಹ್ಲಿ ಮಧ್ಯೆ 2ನೇ ವಿಕೆಟ್ಗೆ ಉತ್ತಮ ಪಾಟ್ನರ್ಶಿಪ್ ಕೂಡ ಬಂತು. ಆದರೆ, ಇಬ್ಬರು ಸ್ಟಾರ್ ಆಟಗಾರರು ಸೆಂಚುರಿ ಹೊಡೆಯದೆ ಪೆವಿಲಿಯನ್‌ಗೆ ಮರಳಿದರು. ಗಿಲ್ 92 ರನ್ ಹೊಡೆದರೆ, ವಿರಾಟ್ ಕೊಹ್ಲಿ 88 ರನ್ ಗಳಿಸಿ ಔಟಾದರು.
ಶುಭ್ಮನ್ ಗಿಲ್-ಕೊಹ್ಲಿ ಔಟಾದ ಬಳಿಕ ಟೀಂ ಇಂಡಿಯಾಗೆ ನೆರವಾಗಿದ್ದು ಶ್ರೇಯಸ್ ಅಯ್ಯರ್. ಆಕ್ಚುವಲಿ ಶ್ರೇಯಸ್ ಪಾಲಿಗೆ ಈ ಮ್ಯಾಚ್ ತುಂಬಾನೆ ಇಂಪಾರ್ಟೆಂಟ್ ಆಗಿತ್ತು. ಅಡಲೇಬೇಕಾದ ಅನಿವಾರ್ಯತೆ ಇತ್ತು. ಕ್ಯಾಪ್ಟನ್ ರೋಹಿತ್ ಮತ್ತು ಕೋಚ್ ದ್ರಾವಿಡ್ ಇಟ್ಟಿರುವ ನಂಬಿಕೆಯನ್ನ, ಕೊಟ್ಟ ಅವಕಾಶ ಶ್ರೇಯಸ್ ಅಯ್ಯರ್ ಈ ಬಾರಿ ಉಳಿಸಿಕೊಂಡಿದ್ದಾರೆ. ಬೌಂಡರಿಗಿಂತಲೂ ಹೆಚ್ಚಾಗಿ ಸಿಕ್ಸರ್ಗಳಲ್ಲೇ ಸ್ಕೋರ್ ಮಾಡಿದ್ರು. ಹಾಫ್ ಸೆಂಚೂರಿ ಬಾರಿಸಿ ಟೀಂ ಇಂಡಿಯಾ ದೊಡ್ಡ ಮೊತ್ತದ ಸ್ಕೋರ್ ಗಳಿಸುವಲ್ಲಿ ನೆರವಾದ್ರು. ಶ್ರೇಯಸ್ ಅಯ್ಯರ್ ಸಿಕ್ಸರ್ಗಳು ಅಂದ್ರೆ ಯಾವಾಗಲೂ ಕ್ಲೀನ್ ಹಿಟ್ಟಿಂಗ್ ಆಗಿರುತ್ತೆ. ಬೌಂಡರಿ ಲೈನ್ ಬಳಿ ಎಲ್ಲ ಬಿದ್ದ ಜಸ್ಟ್ ಸಿಕ್ಸರ್ ಹೊಡಿಯೇ ಪ್ರಶ್ನೆಯೇ ಇಲ್ಲ. ಆಕಾಶದೆತ್ತರಕ್ಕೆ ಹೋಗಿ ಸ್ಟ್ಯಾಂಡ್ ಮೇಲೆಯೇ ಬೀಳುತ್ತೆ. ಅದೆಷ್ಟೋ ಬಾರಿ ಈ ರೀತಿ ಹೈಟ್ ಸಿಕ್ಸ್ ಹೊಡಿಯೋಕೆ ಹೋಗಿ ಔಟಾಗಿದ್ದೂ ಇದೆ.
ಆದ್ರೂ ಶ್ರೀಲಂಕಾ ಟೀಂ ಇಂಡಿಯಾದ ಯಾವೊಬ್ಬ ಬ್ಯಾಟ್ಸ್ಮನ್ ಕೂಡ ಅಬ್ಬರದ ಬ್ಯಾಟಿಂಗ್ ಅಂತಾ ಮಾಡಿಲ್ಲ. ಶುಭ್ಮನ್ ಗಿಲ್ 92 ಬಾಲ್ಗಳಲ್ಲಿ 92 ರನ್ ಗಳಿಸಿದ್ರು. ವಿರಾಟ್ ಕೊಹ್ಲಿ 94 ಬಾಲ್ಗಳಲ್ಲಿ 88 ರನ್ ಮಾಡಿದ್ರು. ಶ್ರೇಯಸ್ ಅಯ್ಯರ್ 56 ಬಾಲ್ಗಳಲ್ಲಿ 82 ರನ್ ಮಾಡಿದ್ರು. ಇದ್ರಲ್ಲಿ ಶ್ರೇಯಸ್ ಹೊಡೆದಿದ್ದು 6 ಸಿಕ್ಸರ್.. 3 ಬೌಂಡರಿ.. ರವೀಂದ್ರ ಜಡೇಜಾ 35 ರನ್ ಗಳಿಸಿದ್ರು.. ಹೀಗಾಗಿ ಟಿಂ ಇಂಡಿಯಾದ ಸ್ಕೋರ್ 357 ರನ್ಗಳಾಯ್ತು.
ಇಲ್ಲಿ ಶ್ರೀಲಂಕಾದ ಯುವ ಬೌಲರ್ ದಿಲ್ಶಾನ್ ಮದುಶನ್ಕಾ ಬಗ್ಗೆ ಹೇಳಲೇಬೇಕು. ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಶುಬ್ಮನ್ ಗಿಲ್, ಕೆಎಲ್ ರಾಹುಲ್ ಮತ್ತು ಸೂರ್ಯಕುಮಾರ್ ಯಾದವ್ ಈ ಎಲ್ಲಾ ಐವರು ಪ್ರಮುಖ ಬ್ಯಾಟ್ಸ್ಮನ್ಗಳನ್ನ ಕೂಡ ಔಟ್ ಮಾಡಿರೋದು ದಿಲ್ಶಾನ್ ಮದುಶನ್ಕಾ. ಭಾರತದ ವಿರುದ್ಧ ಐದು ವಿಕೆಟ್ಗಳನ್ನ ಬಾಚಿಕೊಂಡ್ರು. ಅದ್ರಲ್ಲೂ ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ರನ್ನ ತಮ್ಮ ಬಾಲ್ ಮೂಲಕ ಬಲೆಗೆ ಕೆಡವಿದ್ರು.
