ನೋಡಿರಿ
ಚಳಿ ಇದೆ ಅಂತಾ ಪದೇ ಪದೆ ಕಾಫಿ ಕುಡಿಯುವುದು ಡೇಂಜರ್?
ಅನೇಕರಿಗೆ ಬೆಳಗ್ಗೆ ಎದ್ದ ತಕ್ಷಣ ಜಾಫಿ ಬೇಕೇ ಬೇಕು. ಇಂದು ಕಾಫಿ ಕುಡಿಲಿಲ್ಲಾ ಅಂದ್ರೆ ದಿನ ಪೂರ್ತಿ ಮೂಡ್ ಸರಿ ಇರಲ್ಲ. ತಲೆನೋವು ತಲೆನೋವು ಅಂತಾ ಹೇಳ್ಕೊಂಡ್ ಇರ್ತಾರೆ. ದಿನಕ್ಕೆ ಒಂದೆರಡು ಬಾರಿ ಕಾಫಿ ಕುಡಿಯೋದ್ರಿಂದ ಯಾವುದೇ ಅಡ್ಡಪರಿಣಾಮ ಇರಲ್ಲ. ಆದ್ರೆ ಕೆಲವ್ರು ಪದೇ ಪದೇ ಕಾಫಿ ಕುಡಿತಾರೆ. ತುಂಬಾ ಚಳಿ ಇದೆ. ಕಾಫಿ ಕುಡಿದ್ರೆ ಮೈ ಬಿಸಿ ಆಗುತ್ತೆ ಅಂತಾ ನೆನಪಾದಾಗೆಲ್ಲಾ ಕಾಫಿ ಕುಡಿತಾರೆ. ಇದು ಆರೋಗ್ಯಕ್ಕೆ ಹಾನಿ ಉಂಟು ಮಾಡುತ್ತೆ.
ಕಾಫಿಯಲ್ಲಿ ಕೆಫೀನ್ ಅಂಶ ಇದೆ. ಯಾವುದೇ ಕೆಫೀನ್ ಹೊಂದಿರುವ ಪಾನೀಯವನ್ನು ಸೇವಿಸಿದಾಗ, ನಿಮ್ಮ ಕರುಳು ಅದನ್ನು ತ್ವರಿತವಾಗಿ ಹೀರಿಕೊಳ್ಳುತ್ತದೆ ಮತ್ತು ಅದನ್ನು ನಿಮ್ಮ ರಕ್ತಪ್ರವಾಹಕ್ಕೆ ಕಳುಹಿಸುತ್ತದೆ. ಅಲ್ಲಿಂದ, ಅದು ನಿಮ್ಮ ಮೆದುಳಿಗೆ ತಲುಪಿದಾಗ, ಅದು ಅಡೆನೊಸಿನ್ ಎಂಬ ನರಪ್ರೇಕ್ಷಕದ ಪರಿಣಾಮಗಳನ್ನು ತಡೆಯಲು ಪ್ರಾರಂಭಿಸುತ್ತದೆ. ಅಡೆನೊಸಿನ್ ನಿಮ್ಮ ಮೆದುಳಿಗೆ ವಿಶ್ರಾಂತಿ ನೀಡುತ್ತದೆ ಮತ್ತು ನಿಮಗೆ ಆಯಾಸವನ್ನುಂಟು ಮಾಡುತ್ತದೆ.
ಇದನ್ನೂ ಓದಿ: ಮಾತು-ಮಾತಿಗೂ ಮಕ್ಕಳಿಗೆ ಹೊಡೆಯೋಕು ಮೊದ್ಲು ಈ ವಿಚಾರ ತಿಳಿಯಲೇ ಬೇಕು!
ಚಳಿಗಾಲದಲ್ಲಿ ನೀವು ಹೆಚ್ಚು ಚಹಾ ಅಥವಾ ಕಾಫಿ ಸೇವಿಸಿದರೆ, ನಿರ್ಜಲೀಕರಣದ ಸಮಸ್ಯೆಯನ್ನು ಎದುರಿಸಬಹುದು. ನಿರ್ಜಲೀಕರಣದಿಂದಾಗಿ, ನಿಮ್ಮ ಚರ್ಮವು ಶುಷ್ಕವಾಗಿರುತ್ತದೆ ಮತ್ತು ನೀವು ಎಲ್ಲಾ ಸಮಯದಲ್ಲೂ ದುರ್ಬಲರಾಗುತ್ತೀರಿ. ಶೀತ ದಿನಗಳಲ್ಲಿ, ನೀವು ಗಿಡಮೂಲಿಕೆ ಚಹಾ, ಗ್ರೀನ್‌ ಟೀ, ಬ್ಲ್ಯಾಕ್ ಕಾಫಿ ಮತ್ತು ನೀರಿನಂತಹ ಪಾನೀಯಗಳನ್ನು ಸೇವಿಸಬಹುದು.
ಕೆಫೀನ್ ಮೆಲಟೋನಿನ್ ಹಾರ್ಮೋನ್ ಉತ್ಪಾದನೆಯ ಮೇಲೆ ಪರಿಣಾಮ ಬೀರುತ್ತದೆ. ಇದು ನಿದ್ರಾಹೀನತೆಗೆ ಕಾರಣವಾಗುತ್ತೆ. ಇನ್ನು ಹೆಚ್ಚು ಕಾಫಿ ಕುಡಿದ್ರೆ ತೂಕ ಹೆಚ್ಚಳವಾಗುತ್ತೆ. ಒತ್ತಡ ಹೆಚ್ಚಾಗುತ್ತಾದೆ. ಅತಿಯಾದ ಕೆಫೀನ್ ಸೇವನೆಯು ಜೀರ್ಣಾಂಗ ವ್ಯವಸ್ಥೆಗೆ ಒಳ್ಳೆಯದಲ್ಲ. ಹೆಚ್ಚು ಕೆಫೀನ್ ಸೇವನೆಯು ಮಲಬದ್ಧತೆ, ಆಮ್ಲೀಯತೆ ಮತ್ತು ಅಜೀರ್ಣದಂತಹ ಸಮಸ್ಯೆಗಳನ್ನು ಉಂಟುಮಾಡಬಹುದು.
