ನೋಡಿರಿ
Ghost ಸಿನಿಮಾದಲ್ಲಿ ಇಷ್ಟವಾದ್ರು ಶಿವಣ್ಣ – ಶಿವರಾಜ್ ಕುಮಾರ್ ಗ್ಯಾಂಗ್ಸ್ಟರ್ ಲುಕ್ ಗೆ ಫ್ಯಾನ್ಸ್ ಫಿದಾ
ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅಭಿನಯದ ಘೋಸ್ಟ್ ಸಿನಿಮಾ ರಿಲೀಸ್ ಆಗಿದೆ. ಶಿವಣ್ಣನ ಗ್ಯಾಂಗ್ಸ್ಟರ್ ಲುಕ್ ಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ. ಘೋಸ್ಟ್ ಸಿನಿಮಾ ಘೋಷಣೆಯಾದಾಗಿನಿಂದ ಸಾಕಷ್ಟು ಕುತೂಹಲ, ನಿರೀಕ್ಷೆಯನ್ನು ಹುಟ್ಟುಹಾಕಿತ್ತು. ಮೊದಲ ಬಾರಿಗೆ ಶಿವಣ್ಣನಿಗೆ ಶ್ರೀನಿ ನಿರ್ದೇಶನ ಮಾಡಿದ್ದು, ಟೀಸರ್, ಪೋಸ್ಟರ್ ಕೂಡ ಸಖತ್ ಕ್ಯೂರಿಯಸಿಟಿ ಬಿಲ್ಡ್ ಮಾಡಿತ್ತು.
ಇದನ್ನೂ ಓದಿ : ಟೈಟಲ್ ವಿವಾದದ ನಡುವೆಯೂ ಲಿಯೋ ಸಿನಿಮಾ ರಿಲೀಸ್ – ದಳಪತಿ ವಿಜಯ್ ಸಿನಿಮಾಗೆ ಡಬಲ್ ರೆಸ್ಪಾನ್ಸ್
ಟ್ರೇಲರ್ ರಿಲೀಸ್ ಆದಾಗಿನಿಂದಲೂ ಘೋಸ್ಟ್ ಸಿನಿಮಾ ಭಾರೀ ಹೈಪ್ ಕ್ರಿಯೇಟ್ ಮಾಡಿತ್ತು. ಇದೀಗ ಸಿನಿಮಾ ತೆರೆಗೆ ಅಪ್ಪಳಿಸಿದ್ದು ಮೊದಲ ದಿನವೇ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಚಿತ್ರದಲ್ಲಿ ಸೆಂಟ್ರಲ್ ಜೈಲ್ವೊಂದನ್ನ ಶಿವಣ್ಣ ಹೈಜಾಕ್ ಮಾಡಿ ಖೈದಿಗಳನ್ನೇ ಒತ್ತೆಯಾಳಾಗಿ ಇಟ್ಟುಕೊಳ್ತಾರೆ. ಸಸ್ಪೆನ್ಸ್ ಥ್ರಿಲ್ಲರ್ ಕಥೆಯಂತೆ ಸಾಗುವ ಸಿನಿಮಾ ಕೊನೆವರೆಗೂ ಪ್ಷೇಕ್ಷಕರಲ್ಲಿ ಕುತೂಹಲ ಉಳಿಸುತ್ತದೆ. ಫಸ್ಟ್ ಆಫ್ಗಿಂತ ಸೆಕೆಂಡ್ ಆಫ್ನಲ್ಲಿ ಸ್ಟೋರಿ ಪ್ರೇಕ್ಷಕರಿಗೆ ಮತ್ತಷ್ಟು ಕನೆಕ್ಟ್ ಆಗುತ್ತದೆ. ತಮ್ಮ ಹಿಂದಿನ ಚಿತ್ರಗಳಿಗಿಂತ ಶಿವಣ್ಣ ಇಲ್ಲಿ ಮಾಸ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. 61 ನೇ ವಯಸ್ಸಿನಲ್ಲೂ ಶಿವಣ್ಣರನ್ನ ಎಂಗ್ ಌಂಗ್ ಎನರ್ಜಿಟಿಕ್ ಆಗಿ ತೋರಿಸುವಲ್ಲಿ ನಿರ್ದೇಶಕ ಶ್ರೀನಿ ಯಶಸ್ವಿಯಾಗಿದ್ದಾರೆ. ಈ ಎಲ್ಲಾ ಕಾರಣಗಳಿಂದ ಓಂ ಸಿನಿಮಾ ಸ್ಟೈಲ್ನಲ್ಲೇ ಘೋಸ್ಟ್ ಕೂಡ ಬಾಕ್ಸ್ ಆಫೀಸ್ ಸುಲ್ತಾನ ಆಗುತ್ತೆ ಅನ್ನೋದು ಅಭಿಮಾನಿಗಳ ಮಾತು.
