ನೋಡಿರಿ
ಪಾಕಿಸ್ತಾನಕ್ಕಿಂತ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡವೇ ಬೆಟರ್ – ಅಫ್ಘಾನಿಸ್ತಾನ ಟೀಮ್ ಸಕ್ಸಸ್‌ನ ಹಿಂದಿದೆ ಭಾರತೀಯ ಮಾಜಿ ಕ್ರಿಕೆಟಿಗರ ಕೊಡುಗೆ..!
ವರ್ಲ್ಡ್ಕಪ್ನ ಮುಂದಿನ ಪಂದ್ಯಗಳು ಇಂಟ್ರೆಸ್ಟಿಂಗ್ ಆಗಿವೆ. ಯಾಕೆಂದರೆ ಮುಂದಿನ ಎರಡು ಪಂದ್ಯಗಳಲ್ಲಿ ಅಫ್ಘಾನಿಸ್ತಾನ ತಂಡ ಪಾಕಿಸ್ತಾನ ಮತ್ತು ನ್ಯೂಜಿಲ್ಯಾಂಡ್ನ್ನ ಎದುರಿಸಲಿದೆ. ಈ ಎರಡೂ ಮ್ಯಾಚ್ಗಳು ಚೆನ್ನೈನಲ್ಲಿ ನಡೆಯುತ್ತವೆ. ಹೇಳಿಕಳಿ ಚೆನ್ನೈ ಪಿಚ್ ಸ್ಪಿನ್ನರ್ಸ್ಗಳಿಗೆ ಫೇವರ್ ಆಗಿದೆ. ಹೀಗಾಗಿ ಪಾಕಿಸ್ತಾನಿ ಬ್ಯಾಟ್ಸ್ಮನ್ಗಳನ್ನ ಆಫ್ಘನ್ ಸ್ಪಿನ್ನರ್ಸ್ಗಳು ಕಾಡೋದಂತೂ ಗ್ಯಾರಂಟಿ.
ಇದನ್ನೂ ಓದಿ: ಅಫ್ಘಾನಿಸ್ತಾನ ವಿರುದ್ಧ ಸೋತು ಸುಣ್ಣವಾದ ಹಾಲಿ ಚಾಂಪಿಯನ್ ಇಂಗ್ಲೆಂಡ್ –ಆಂಗ್ಲರ ಅವಮಾನಕರ ಸೋಲಿಗೆ ಸಿಕ್ಕಾಪಟ್ಟೆ ಟ್ರೋಲ್
ಪಾಕಿಸ್ತಾನಕ್ಕಿಂತ ಅಫ್ಘಾನಿಸ್ತಾನ ಕ್ರಿಕೆಟ್ ತಂಡ ಎಷ್ಟೊ ವಾಸಿ ಎನ್ನಲಾಗುತ್ತಿದೆ. ಭಾರತ-ಪಾಕಿಸ್ತಾನ ಮ್ಯಾಚ್ಗಿಂತ ಇಂಗ್ಲೆಂಡ್-ಅಫ್ಘಾನಿಸ್ತಾನ ಪಂದ್ಯವೇ ಹೆಚ್ಚು ಇಂಟ್ರೆಸ್ಟಿಂಗ್ ಆಗಿತ್ತು. ಜೊತೆಗೆ ಪಾಕಿಸ್ತಾನಿಗಳಿಗಿಂತ ಆಫ್ಘನ್ನರು ಬೆಟರ್ ಪರ್ಫಾಮೆನ್ಸ್ ಕೂಡ ನೀಡಿದ್ದಾರೆ. ಭಾರತ ವಿರುದ್ಧದ ಪಂದ್ಯದಲ್ಲೂ ಅಫ್ಘಾನಿಸ್ತಾನ ಉತ್ತಮವಾಗಿಯೇ ಬ್ಯಾಟಿಂಗ್ ಮಾಡಿತ್ತು. ಆದರೆ, ಪಾಕಿಸ್ತಾನ ಮಾತ್ರ ಯಾವ ಹಂತದಲ್ಲೂ ಕೂಡ ಭಾರತಕ್ಕೆ ಚಾಲೆಂಜ್ ಆಗಿಯೇ ಇರಲಿಲ್ಲ. ಆಫ್ಘನ್ ಸ್ಪಿನ್ನರ್ಗಳು, ಪೇಸ್ ಬೌಲರ್ಸ್ ಟಾಪ್ ಕ್ಲಾಸ್ ಆಗಿ ಪರ್ಫಾಮ್ ಮಾಡ್ತಿದ್ದಾರೆ. ಆದ್ರೆ ಪಾಕ್ ಬೌಲರ್ಸ್ಗಳು ಶೇಪ್ಔಟ್ ಆಗಿದ್ದಾರೆ.
ಇನ್ನು ಅಫ್ಘಾನಿಸ್ತಾನ ಕ್ರಿಕೆಟ್ ಟೀಂನ ಈ ಸಕ್ಸಸ್ ಹಿಂದೆ ಭಾರತದ ಒಂದಷ್ಟು ಕೊಡುಗೆ ಕೂಡ ಇದೆ. ಅಫ್ಘಾನಿಸ್ತಾನ ಕ್ರಿಕೆಟಿಗರಿಗೆ ಅಂತಾ ಬಿಸಿಸಿಐ ಭಾರತದಲ್ಲೇ ಪ್ರತ್ಯೇಕ ವ್ಯವಸ್ಥೆ ಕೂಡ ಮಾಡಿದೆ. ದೆಹಲಿ ಬಳಿ ಇರುವ ಗ್ರೇಟರ್ ನೋಯ್ಡಾದಲ್ಲಿ ವಿಜಯ್ ಸಿಂಗ್ ಸ್ಪೋರ್ಟ್ಸ್ ಕಾಂಪ್ಲೆಕ್ಸ್ ಇದೆ. 2015ರಿಂದಲೂ ಇದು ಅಫ್ಘಾನಿಸ್ತಾನ ಕ್ರಿಕೆಟ್ ತಂಡಕ್ಕೆ ಹೋಂ ಗ್ರೌಂಡ್ ಆಗಿದೆ. ಟೀಂ ಇಂಡಿಯಾದ ಮಾಜಿ ಕ್ರಿಕೆಟರ್ಸ್ಗಳಾದ ಲಾಲ್ಚಂದ್ ರಜಪೂತ್ ಮತ್ತು ಮನೋಜ್ ಪ್ರಭಾಕರ್ ಅಫ್ಘಾನಿಸ್ತಾನ ತಂಡಕ್ಕೆ ಕೋಚಿಂಗ್ ಮಾಡ್ತಾ ಬಂದಿದ್ದಾರೆ. ಕಳೆದ 8 ವರ್ಷಗಳಿಂದಲೂ ಅಫ್ಘಾನಿಸ್ತಾನ ಕ್ರಿಕೆಟಿಗರಿಗೆ ಬಿಸಿಸಿಐ ವರ್ಲ್ಡ್ಕ್ಲಾಸ್ ಲೆವೆಲ್ ಕೋಚಿಂಗ್ ನೀಡ್ತಿದೆ. ಅಷ್ಟೇ ಅಲ್ಲ, ಮಾಜಿ ಕ್ರಿಕೆಟರ್ ಅಜಯ್ ಜಡೇಜಾ ಈಗ ಅಫ್ಘಾನಿಸ್ತಾನ ತಂಡದ ಮೆಂಟರ್ ಕೂಡ ಆಗಿದ್ದಾರೆ. ಇದು ಕೂಡ ಆಫ್ಘನ್ ಕ್ರಿಕೆಟಿಗರಿಗೆ ಸಾಕಷ್ಟು ನೆರವಾಗ್ತಿದೆ. ಇದ್ರ ಜೊತೆಗೆ ಐಪಿಎಲ್ನಲ್ಲಿ ಕೂಡ ಅಫ್ಘಾನಿಸ್ತಾನದ ಕೆಲ ಪ್ಲೇಯರ್ಸ್ ಆಡ್ತಾ ಇದ್ದಾರೆ. ಇವೆಲ್ಲವೂ ಈ ವರ್ಲ್ಡ್ಕಪ್ನಲ್ಲಿ ಅಫ್ಘಾನಿಸ್ತಾನ ತಂಡಕ್ಕೆ ಅಡ್ವಾಂಟೇಜ್ ಆಗ್ತಿದೆ.
