ವಿಶ್ವದ ಅತ್ಯಂತ ಚಿಕ್ಕ ದೇಶ ಸೀಲ್ಯಾಂಡ್ –ಈ ದೇಶದಲ್ಲಿ ಇರುವುದು ಕೇವಲ 27 ಮಂದಿ..!

ವಿಶ್ವದ ಅತ್ಯಂತ ಚಿಕ್ಕ ದೇಶ ಯಾವುದು ಎಂದು ಕೇಳಿದರೆ  ವ್ಯಾಟಿಕನ್ ಎಂದೇ ಎಲ್ಲರೂ ಹೇಳುತ್ತಾರೆ. ಆದರೆ, ವ್ಯಾಟಿಕನ್ ದೇಶಕ್ಕಿಂತಲೂ ವಿಶ್ವದ ಅತ್ಯಂತ ಚಿಕ್ಕ ದೇಶ ಇನ್ನೊಂದಿದೆ. ಆ ದೇಶವನ್ನು ಸೀಲ್ಯಾಂಡ್ ಎಂದು ಕರೆಯಲಾಗುತ್ತದೆ. ಹೆಸರೇ ಸೂಚಿಸುವಂತೆ ಇದು ಎಲ್ಲಾ ಕಡೆ ಸಮುದ್ರದಿಂದ ಆವೃತವಾದ ಭೂಮಿ. ವ್ಯಾಟಿಕನ್ ಚಿಕ್ಕ ದೇಶವೆಂದು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಲ್ಪಟ್ಟಿದೆ. ಆದರೆ ಸೀಲ್ಯಾಂಡ್  ಮಾತ್ರ ಇನ್ನೂ ಗುರುತಿಸಿಕೊಂಡಿಲ್ಲ.

ಇದನ್ನೂ ಓದಿ:ಆಕಾಶದಲ್ಲಿ ಕಾಣಿಸಲಿದೆ ಅಪರೂಪದ ಖಗೋಳ ವಿಸ್ಮಯ – ಆಗಸ್ಟ್ ನಲ್ಲಿ ಗೋಚರಿಸಲಿದೆ ಬ್ಲೂ ಮೂನ್, ಸೂಪರ್ ಮೂನ್

ಪ್ರಿನ್ಸಿಪಾಲಿಟಿ ಆಫ್ ಸೀಲ್ಯಾಂಡ್ ಎಂದು ಕರೆಯಲ್ಪಡುವ ಈ ದೇಶದ ಗಾತ್ರ ತುಂಬಾ ಚಿಕ್ಕದಾಗಿದೆ. ಈ ದೇಶವು ಇಂಗ್ಲೆಂಡ್‌ನಿಂದ ಕೇವಲ 10 ಕಿಲೋಮೀಟರ್ ದೂರದಲ್ಲಿದೆ. ಇಲ್ಲಿ ಕೇವಲ 27 ಜನರು ವಾಸಿಸುತ್ತಾರೆ. ಹೀಗಾಗಿಯೇ ಇದನ್ನು ವಿಶ್ವದ ಅತ್ಯಂತ ಚಿಕ್ಕ ದೇಶ ಎಂದು ಕರೆಯಲಾಗುತ್ತದೆ. ಪ್ರಿನ್ಸಿಪಾಲಿಟಿ ಆಫ್ ಸೀಲ್ಯಾಂಡ್ ಪ್ರಪಂಚದ ಇನ್ನೂರು ದೇಶಗಳಲ್ಲಿ ಒಂದಾಗಿದೆ. ಇದು 550 ಚದರ ಮೀಟರ್ ವಿಸ್ತೀರ್ಣವನ್ನು ಹೊಂದಿದೆ. ಮತ್ತು ಇದು ಇಂಗ್ಲೆಂಡ್‌ನ ಉತ್ತರ ಸಮುದ್ರದಲ್ಲಿದೆ. ಅತ್ಯಂತ ಮುಖ್ಯವಾದ ಅಂಶವೆಂದರೆ ಅದು ತನ್ನ ಸೈನ್ಯ, ಧ್ವಜ, ಕರೆನ್ಸಿ ಎಲ್ಲವನ್ನೂ ಹೊಂದಿದೆ. ಆದರೆ ಈ ದೇಶ ಯಾವುದೇ ಪ್ರಧಾನಿಯನ್ನು ಹೊಂದಿಲ್ಲ. ಇದನ್ನು ದೇಶದ ರಾಜ ಮತ್ತು ರಾಣಿ ನಿರ್ವಹಿಸುತ್ತಾರೆ. ಎರಡನೇ ವಿಶ್ವಯುದ್ಧದ ಸಮಯದಲ್ಲಿ ಜರ್ಮನ್ ದಾಳಿಯ ವಿರುದ್ಧ ತನ್ನನ್ನು ತಾನು ರಕ್ಷಿಸಿಕೊಳ್ಳಲು ಇಂಗ್ಲೆಂಡ್ ಈ ಸ್ಥಳವನ್ನು ಬಳಸಿಕೊಂಡಿತು. ಆದರೆ, ಅದಕ್ಕೆ ಈಗ ರಾಷ್ಟ್ರೀಯ ಮನ್ನಣೆ ಸಿಕ್ಕಿದೆ.