ನೋಡಿರಿ
ಶರದ್ ಪವಾರ್ ‘ಬಾಹುಬಲಿ’ ಅಜಿತ್ ಪವಾರ್ ‘ಕಟ್ಟಪ್ಪ’ – ಎನ್ಸಿಪಿ ಬೆಂಬಲಿಗರ ಪೋಸ್ಟರ್ ವೈರಲ್
ಒಡೆದು ಎರಡು ಹೋಳಾಗಿರುವ ಎನ್ಸಿಪಿಯಲ್ಲಿ ಈಗ ಕ್ಷಣಕ್ಕೊಂದು ಬೆಳವಣಿಗೆಗಳಾಗುತ್ತಿವೆ. ಅಜಿತ್ ಪವಾರ್ ತಮ್ಮ ಬೆಂಬಲಿಗರ ಜೊತೆ ಸೇರಿ ಮೈತ್ರಿ ಸರ್ಕಾರದ ಜೊತೆ ಕೈಜೋಡಿಸುತ್ತಲೇ ಇತ್ತ ಪವಾರ್ ಬೆಂಬಲಿಗರು ರೊಚ್ಚಿಗೆದ್ದಿದ್ದಾರೆ. ಎರಡೂ ಬಣಗಳ ಮಧ್ಯೆ ಈಗ ಪೋಸ್ಟರ್ ವಾರ್ ಕೂಡ ಶುರುವಾಗಿದೆ. ಶರದ್ ಪವಾರ್ರನ್ನ ಬಾಹುಬಲಿ ಮತ್ತು ಅಜಿತ್ ಪವಾರ್ರನ್ನ ಕಟ್ಟಪ್ಪ ಅಂತಾ ಬಿಂಬಿಸಿ ಎನ್ಸಿಪಿ ಬೆಂಬಲಿಗರು ಮುಂಬೈನಲ್ಲಿ ಪೋಸ್ಟರ್ಗಳನ್ನ ಅಂಟಿಸಿದ್ದಾರೆ.
ಇದನ್ನೂ ಓದಿ: ಮಹಾರಾಷ್ಟ್ರದಲ್ಲಿ ʼಪವಾರ್ʼ ಬಣಗಳ ಶಕ್ತಿ ಪ್ರದರ್ಶನ – ಮಗನ ಮುಂದೆ ಸೈಡ್‌ ಲೈನ್‌ ಆದ್ರಾ ಎನ್ಸಿಪಿ ವರಿಷ್ಠ?
ಅಮರೇಂದರ ಬಾಹುಬಲಿ ಪವಾರ್ಗೆ ಕಟ್ಟಪ್ಪ ಅಜಿತ್ ಹಿಂದಿನಿಂದ ಖಡ್ಗ ಇರಿಯೋ ಫೋಟೋವನ್ನ ಪೋಸ್ಟರ್ನಲ್ಲಿ ನಮೂದಿಸಲಾಗಿದೆ. ಇವೆಲ್ಲದರ ಮಧ್ಯೆ, ಶರದ್ ಪವಾರ್ ನೇತೃತ್ವದಲ್ಲಿ ದೆಹಲಿಯಲ್ಲಿ ಎನ್ಸಿಪಿ ರಾಷ್ಟ್ರೀಯ ಕಾರ್ಯಕಾರಿಣಿ ಸಭೆ ನಡೆದಿದ್ದು, 12 ಮಂದಿ ಬಂಡಾಯ ಶಾಸಕರನ್ನ ಪಕ್ಷದಿಂದ ಅಧಿಕೃತವಾಗಿ ಉಚ್ಛಾಟನೆ ಮಾಡಿದ್ದಾರೆ. ಬಳಿಕ ಮಾತನಾಡಿದ ಪವಾರ್, 82 ವರ್ಷದವನಾಗಿರಲಿ 92 ವರ್ಷವೇ ಆಗಲಿ.. ನನಗೆ ಇನ್ನೂ ಕೂಡ ರಾಜಕೀಯದಲ್ಲಿ ಸಾಮರ್ಥ್ಯ ಇದೆ ಅಂತಾ ಅಜಿತ್ ಪವಾರ್ಗೆ ಎಚ್ಚರಿಕೆಯ ಸಂದೇಶ ರವಾನಿಸಿದ್ದಾರೆ.
