ನೋಡಿರಿ
ಟೆಕ್ನಾಲಜಿ ಮೂಲಕವೇ ಸಮರ! – ಭಾರತ ಮತ್ತು ಅಮೆರಿಕ ನಡುವಿನ ಡ್ರೋನ್ ಡೀಲ್ ಫಿಕ್ಸ್?
ಭಾರತ ಸರ್ಕಾರ ಅಮೆರಿಕದಿಂದ ಯಾಕೆ ಡ್ರೋನ್ ಖರೀದಿಸ್ತಿದೆ ಅನ್ನೋದಲ್ಲಿ ರಷ್ಯಾ ಮತ್ತು ಉಕ್ರೇನ್ನಲ್ಲಿ ನಡೆಯುತ್ತಿರುವ ಯುದ್ಧವೇ ಸಾಕ್ಷಿ. ಈಗಿ ಸೈನಿಕರಿಗಿಂತ ಹೆಚ್ಚಾಗಿ ಟೆಕ್ನಾಲಜಿ ಮೂಲಕವೇ ಸಮರ ನಡೆಯುತ್ತೆ. ಸೈನಿಕರು ಎದುರುಬದುರಾಗಿ ಹೋರಾಡೋದ್ರ ಬದಲು ಅತ್ಯಾಧುನಿಕ ಮಿಸೈಲ್ಗಳು, ಶಸ್ತ್ರಾಸ್ತ್ರಗಳು, ಡ್ರೋನ್ಗಳ ಮೂಲಕವೇ ಹೊಡೆದಾಟ ನಡೆಯುತ್ತೆ. ಈಗ ಉಕ್ರೇನ್ನಲ್ಲಿ ನಡೆಯುತ್ತಿರೋದು ಕೂಡ ಇದೇ. ರಷ್ಯಾ ಮತ್ತು ಉಕ್ರೇನ್ ನಡುವೆ ಈಗ ಅಕ್ಷರಶ: ಡ್ರೋನ್ ಯುದ್ಧವೇ ನಡೀತಿದೆ. ಎರಡೂ ದೇಶಗಳ ಸ್ಪರ್ಧೆಗೆ ಬಿದ್ದಂತೆ ಪರಸ್ಪರ ಡ್ರೋನ್ಗಳನ್ನ ಹೊಡೆದುರುಳಿಸುತ್ತಿವೆ.
ಇದನ್ನೂ ಓದಿ: ವಿಶ್ವದ ಮೊಟ್ಟ ಮೊದಲ ನೀರು, ಚಹಾ, ಕಾಫಿ, ಬಿಸ್ಕೆಟ್ ಎಟಿಎಂ – ಗ್ರಾಹಕ ಸ್ನೇಹಿ ಮಶೀನ್ ಹೈದರಾಬಾದ್‌ನಲ್ಲಿ ಆರಂಭ
ರಷ್ಯಾ ವಶದಲ್ಲಿರುವ ಕ್ರೈಮಿಯಾ ಬಳಿ ಪುಟಿನ್ ಪಡೆ ಒಟ್ಟು 9 ಉಕ್ರೇನ್ ಡ್ರೋನ್ಗಳನ್ನ ಶೂಟ್ ಮಾಡಿದೆ. ಮತ್ತೊಂದೆಡೆ ಉಕ್ರೇನ್ ಸೇನೆ ಕೂಡ ರಷ್ಯಾದ ಡ್ರೋನ್ಗಳನ್ನ ಹೊಡೆದುರುಳಿಸಿದೆ. ರಾಜಧಾನಿ ಕೀವ್ನಲ್ಲಿ ಹಾರಾಡುತ್ತಿದ್ದ ರಷ್ಯಾದ ಒಟ್ಟು 20 ಡ್ರೋನ್ಗಳನ್ನ ನಾಶಪಡಿಸಿರೋದಾಗಿ ಉಕ್ರೇನ್ ಹೇಳಿಕೊಂಡಿದೆ. ಉಕ್ರೇನ್ ಸೇನೆಗೆ ಅಮೆರಿಕವೇ ಭಾರಿ ಪ್ರಮಾಣದಲ್ಲಿ ಡ್ರೋನ್ಗಳನ್ನ ಸಪ್ಲೈ ಮಾಡುತ್ತಿದೆ. ಹೀಗೆ ದೊಡ್ಡಣ್ಣ ಯುದ್ಧದಲ್ಲೇ ಭಾರಿ ಬ್ಯುಸಿನೆಸ್ ಮಾಡಿಕೊಳ್ಳುತ್ತಿದ್ದಾನೆ. ದುಡ್ಡು ಮಾಡೋಕೆ ಈಗ ಭಾರತಕ್ಕೂ ಡ್ರೋನ್ ಆಫರ್ ಕೊಟ್ಟಿದ್ದಾನೆ.
