ನೋಡಿರಿ
ಟರ್ಕಿಶ್ ಹಡಗು ಹೈಜಾಕ್ – ಇಟಲಿ ವಿಶೇಷ ಪಡೆಯಿಂದ ಕಾರ್ಯಚರಣೆ
ಫ್ರಾನ್ಸ್‌ಗೆ ಹೋಗುವ ಮಾರ್ಗದಲ್ಲಿ ಹೈಜಾಕ್ ಆಗಿದ್ದ ಟರ್ಕಿಶ್ ಹಡಗನ್ನು ಇಟಾಲಿಯನ್ ವಿಶೇಷ ಸೇನಾಪಡೆ ನಿಯಂತ್ರಣಕ್ಕೆ ಪಡೆದಿದೆ. ಟರ್ಕಿಶ್ ಹಡಗಿನ ಮೇಲೆ ಶಸ್ತ್ರಸಜ್ಜಿತ ಅಕ್ರಮ ವಲಸಿಗರು ಹೈಜಾಕ್ ಮಾಡಿದ್ದರು. ನಂತರ ಇಟಾಲಿಯನ್ ವಿಶೇಷ ಪಡೆಗಳು ಮಧ್ಯಪ್ರವೇಶಿಸಿ ಯಶಸ್ವಿಯಾಗಿ ಹಡಗಿನ ಮೇಲೆ ನಿಯಂತ್ರಣ ಸಾಧಿಸಿದ್ದಾರೆ. ಸರಕು ಹಡಗನ್ನು ನೇಪಲ್ಸ್ ಬಂದರಿನ ಹೊರಗೆ ಲಂಗರು ಹಾಕಲಾಗಿದೆ. ಮತ್ತು ಬಂದರಿನಲ್ಲಿ ಭಾರೀ ಪೊಲೀಸ್ ಬಂದೋಬಸ್ತ್ ಮಾಡಲಾಗಿದೆ. ಕಾರ್ಯಾಚರಣೆ ಇನ್ನೂ ನಡೆಯುತ್ತಿದೆ.
ಇದನ್ನೂ ಓದಿ: ಸ್ವಿಮ್ಮಿಂಗ್‌ ಮಾಡುತ್ತಿದ್ದವನ ಮೇಲೆ ಶಾರ್ಕ್‌ ದಾಳಿ – ನೋಡ ನೋಡುತ್ತಿದ್ದಂತೆ ಶಾರ್ಕ್‌ ಬಾಯಿಗೆ ತುತ್ತಾದ!
ಹೈಜಾಕ್ ಆಗಿರುವ ಹಡಗಿನಲ್ಲಿ 22 ಸಿಬ್ಬಂದಿಯಿದ್ದರು. ಅವರ ಸುರಕ್ಷತೆಯ ವಿಚಾರವನ್ನು ಶೀಘ್ರದಲ್ಲೇ ದೃಢಪಡಿಸಲಾಗುವುದು ಎಂದು ಇಟಲಿಯ ರಕ್ಷಣಾ ಸಚಿವ ಗೈಡೊ ಕ್ರೊಸೆಟ್ಟೊ ತಿಳಿಸಿದ್ದಾರೆ. ವಾಹನಗಳನ್ನು ಸಾಗಿಸುವ ಮತ್ತು ನೌಕಾಯಾನದ ಹಡಗು ಜೂನ್ 7 ರಂದು ಟರ್ಕಿಯ ಟೊಪ್ಯುಲರ್‌ನಿಂದ ಹೊರಟು ದಕ್ಷಿಣ ಫ್ರಾನ್ಸ್‌ಗೆ ಹೊರಟಿತ್ತು. ಅದನ್ನು ಅಕ್ರಮ ವಲಸಿಗರು ಅಪಹರಿಸಿದ್ದರು. ಶೀಘ್ರದಲ್ಲೇ ದುಷ್ಕರ್ಮಿಗಳಿಂದ ಹಡಗನ್ನು ವಶಕ್ಕೆ ಪಡೆಯಲಾಗುವುದು ಎಂದು ರಕ್ಷಣಾ ಸಚಿವರು ತಿಳಿಸಿದ್ದಾರೆ. ಹಡಗನ್ನು ಮುಕ್ತಗೊಳಿಸಲು ಇಟಾಲಿಯನ್ ವಿಶೇಷ ಪಡೆಗಳು ನಡೆಸುತ್ತಿರುವ ಕಾರ್ಯಾಚರಣೆಯ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
