ಸಕ್ಕರೆನಗರಿಯಲ್ಲಿ ಪ್ರಿಯಾಂಕಾ, ರಮ್ಯಾ ಮೋಡಿ – ಕಾಂಗ್ರೆಸ್ ಅಭ್ಯರ್ಥಿಗಳ ಪರ ಭರ್ಜರಿ ಮತಬೇಟೆ

ಮಂಡ್ಯ ರಣಕಣದಲ್ಲಿ ಇವತ್ತು ಮೋಹಕ ತಾರೆ ರಮ್ಯಾ ಮತ್ತು ಪ್ರಿಯಾಂಕಾ ಗಾಂಧಿ ಎಂಟ್ರಿಯಿಂದ ರಂಗೇರಿದೆ. ಮಂಡ್ಯ ಸರ್ಕಾರಿ ಮಹಿಳಾ ಕಾಲೇಜು ಮೈದಾನದಲ್ಲಿ ನಡೆದ ಸಮಾವೇಶದಲ್ಲಿ ಕಾಂಗ್ರೆಸ್ ಅಭ್ಯರ್ಥಿಗಳ ಪರ ಪ್ರಿಯಾಂಕಾ ಗಾಂಧಿ ಮತ್ತು ನಟಿ ರಮ್ಯಾ ಪ್ರಚಾರ ನಡೆಸಿದರು. ಈ ವೇಳೆ ಮಹಿಳೆಯರು ಪ್ರೀತಿಯಿಂದ ಇಬ್ಬರು ನಾಯಕಿಯರಿಗೆ ಸ್ವಾಗತ ಕೋರಿದರು.

ಇದನ್ನೂ ಓದಿ: ಶಿವಣ್ಣನನ್ನು ಪ್ರೀತಿಯಿಂದ ತಬ್ಬಿಕೊಂಡ ರಾಹುಲ್ ಗಾಂಧಿ – ನಾನು ಅಭಿಮಾನಿಯಾಗಿ ಬಂದಿದ್ದೇನೆ ಎಂದ ಶಿವರಾಜ್ ಕುಮಾರ್

ಮಂಡ್ಯದ ಮಣ್ಣಿಗೆ ನಮಸ್ಕಾರ ಎಂದು ಮಾತನಾರಂಭಿಸಿದ ಪ್ರಿಯಾಂಕಾ ಸಕ್ಕರೆನಗರಿಯಲ್ಲಿ ಕಾಂಗ್ರೆಸ್ ಪರ ಪ್ರಚಾರ ಮಾಡಿದರು. ಕೃಷ್ಣನ ಮೂರ್ತಿಯನ್ನು ಪ್ರಿಯಾಂಕಾ ಗಾಂಧಿಗೆ ಈ ವೇಳೆ ಉಡುಗೊರೆ ನೀಡಲಾಗಿದೆ. ಪ್ರಿಯಾಂಕಾ ಗಾಂಧಿ ಜೊತೆ ನಟಿ ರಮ್ಯಾ ಕೂಡಾ ಸಮಾವೇಶದಲ್ಲಿ ಪಾಲ್ಗೊಂಡಿದ್ದರು. ಅಂಬರೀಶ್ ನಿಧನರಾದ ನಂತರ ಇದೇ ಮೊದಲ ಬಾರಿಗೆ ಮಂಡ್ಯಕ್ಕೆ ಆಗಮಿಸಿದ ರಮ್ಯಾ, ತಾನು ಆ ಸಂದರ್ಭದಲ್ಲಿ ಯಾಕೆ ಬರಲಿಲ್ಲ ಅನ್ನೋದಕ್ಕೆ ಸ್ಪಷ್ಟನೆ ನೀಡಿದರು. ನನಗೆ ಟ್ಯೂಮರ್‌ ಆಗಿದ್ದರಿಂದ ಸರ್ಜರಿ ಮಾಡಿಸಿಕೊಂಡಿದ್ದೆ. ನಾನು ಯಾವತ್ತಿಗೂ ಮಂಡ್ಯದ ಗೌಡ್ತಿಯೇ ಎಂದಿದ್ದಾರೆ. ‘ರಮ್ಯಾ ಮದುವೆ ಯಾವಾಗ ಆಗುತ್ತಾರೆ?’ ಎನ್ನುವ ಪ್ರಶ್ನೆಗೆ ನಗುತ್ತಲೇ ಉತ್ತರಿಸಿದ ಅವರು, ನನಗೆ ಹುಡುಗ ಸಿಗುತ್ತಿಲ್ಲ. ನೀವೇ ಹುಡುಗನನ್ನು ಹುಡುಕಿಕೊಡಿ ಎಂದು ಮೋಹಕವಾಗಿ ನಕ್ಕರು.