ಎಲಾನ್​ ಮಸ್ಕ್‌ನ ಆ ಒಂದು ನಿರ್ಧಾರವೇ ಮುಳ್ಳಾಯ್ತಾ ? – ಕ್ರಿಪ್ಟೋ ಕರೆನ್ಸಿಯ ಷೇರುಮೌಲ್ಯ ಕುಸಿತ..! ​

ಟ್ವಿಟ್ಟರ್ ದೊರೆ ಎಲಾನ್​ ಮಸ್ಕ್​ ಪಾಲಿಗೆ ಉದ್ಯಮ ಅನ್ನೋದು ಅಕ್ಷರಶ: ಆಟಿಕೆಯಂತಾಗಿದೆ. ಯಾವಾಗ ಬೇಕಾದರೂ, ಯಾವುದೇ ಕಂಪನಿಯನ್ನಾದರೂ ಮಸ್ಕ್ ಖರೀದಿ ಮಾಡಬಹುದು. ಬಳಿಕ ತಮ್ಮ ಒಡೆತನದ ಕಂಪನಿಯ ಸಿಬ್ಬಂದಿಯನ್ನೇ ಮನೆಗೆ ಕಳುಹಿಸಬಹುದು. ಷೇರು ಮಾರುಕಟ್ಟೆಯನ್ನ ಆಕಾಶಕ್ಕೂ ಕೊಂಡೊಯ್ಯಬಹುದು. ಪಾತಾಳಕ್ಕೆ ಬೇಕಿದ್ದರೂ ಇಳಿಸಬಹುದು. ಇದು ಎಲಾನ್ ಮಸ್ಕ್​​ರ ತಾಕತ್ತು.

ಇದನ್ನೂ ಓದಿ: ನೀಲಿ ಪಕ್ಷಿ ಹಾರಿಸಿ ಟ್ವಿಟರ್ ಗೆ ನಾಯಿಯನ್ನು ಕರೆತಂದ ಎಲಾನ್ ಮಸ್ಕ್ – ಕಾರಣವೇನು ಗೊತ್ತಾ?

ಇದೀಗ ಮಸ್ಕ್​​​ರ ಒಂದು ನಿರ್ಧಾರ ಕ್ರಿಪ್ಟೋ ಕರೆನ್ಸಿಯನ್ನೇ ಅಲುಗಾಡಿಸಿ ಬಿಟ್ಟಿದೆ. ಕ್ರಿಪ್ಟೋ ವ್ಯವಹಾರದಲ್ಲೂ ತೊಡಗಿಸಿಕೊಂಡಿರುವ ಎಲಾನ್ ಮಸ್ಕ್, ಕೆಲ ದಿನಗಳ ಹಿಂದೆ ಟ್ವಿಟ್ಟರ್​​ ಲೋಗೋದಲ್ಲಿ ಹಕ್ಕಿಯ ಫೋಟೋ ತೆಗೆದು ಶ್ವಾನದ ಚಿತ್ರವನ್ನ ರಿಪ್ಲೇಸ್ ಮಾಡಿದ್ದರು. ಇದು ಜಗತ್ತಿನಾದ್ಯಂತ ಸಂಚಲನ ಸೃಷ್ಟಿಸಿತ್ತು. ಡಾಗ್​ಕಾಯಿನ್ ಅನ್ನೋ ಕ್ರಿಪ್ಟೋ ಕರೆನ್ಸಿಗೂ ಲಾಭವಾಗಿತ್ತು. ಆದ್ರೆ ಎಲಾನ್​ ಮಸ್ಕ್​​ಗೆ ಅದೇನನ್ನಿಸ್ತೋ ಏನೊ, ಟ್ವಿಟ್ಟರ್​​ ಲೋಗೋದಲ್ಲಿ ಶ್ವಾನದ ಫೋಟೋ ತೆಗೆದು ಮತ್ತೆ ಹಕ್ಕಿವೋ ಚಿತ್ರವನ್ನ ರಿಸ್ಟೋರ್ ಮಾಡಿದ್ದಾರೆ.

ಮಸ್ಕ್​​​ರ ಈ ಒಂದು ನಿರ್ಧಾರದಿಂದಾಗಿ 2013ರಲ್ಲಿ ಚಾಲ್ತಿಗೆ ಬಂದ ಡಾಗ್​ಕಾಯಿನ್ ಹೆಸರಿನ ಕ್ರಿಪ್ಟೋ ಕರೆನ್ಸಿಯ ಷೇರುಮೌಲ್ಯ ಶೇಕಡಾ 9ರಷ್ಟು ಕುಸಿದಿದೆ. ಯಾಕಂದ್ರೆ, ಈ ಡಾಗ್​ಕಾಯಿನ್​ ಕರೆನ್ಸಿ ಲೋಗೋದಲ್ಲೂ ಕೂಡ ಮಸ್ಕ್​​​ ಟ್ವಿಟ್ಟರ್​ಗೆ ನಮೂದಿಸಿದ ಶ್ವಾನದ ಫೋಟೋವೇ ಇದೆ. ಅದ್ಯಾವ ಉದ್ದೇಶದಿಂದ ಎಲಾನ್ ಮಸ್ಕ್ ಟ್ವಿಟ್ಟರ್​ ಲೋಗೋಗೆ ಶ್ವಾನದ ಫೋಟೋ ಹಾಕಿದ್ರೋ ಅವರಿಗೇ ಗೊತ್ತು.