ಮದುವೆ ಮೆರವಣಿಗೆಯಲ್ಲಿ ಹಣ ಎಸೆದು ಡ್ಯಾನ್ಸ್- ಹಣ ಹಿಡಿಯಲು ಹೋಗಿ ಬಾಲಕ ಭಸ್ಮ

ಮದುವೆ ಮೆರವಣಿಗೆ ವೇಳೆ ಎಸೆದ ಹಣ ಹಿಡಿಯಲು ಹೋಗಿ ಬಾಲಕ ಮೃತಪಟ್ಟ ಘಟನೆ ಹರ್ಯಾಣದ ಸೋನಿಪತ್​ನಲ್ಲಿ ನಡೆದಿದೆ. ಮದುವೆಗೆ ಬಂದವರು ಮೆರವಣಿಗೆ ಸಮಯದಲ್ಲಿ ಎಸೆದ ಹಣವನ್ನು ಹಿಡಿಯಲು ಹೋಗಿ ಆಕಸ್ಮಿಕವಾಗಿ ವಿದ್ಯುತ್​ ತಂತಿ ಸ್ಪರ್ಶಿಸಿ ಸಾವನ್ನಪ್ಪಿದ್ದಾನೆ. ರೋಹ್ಟಕ್​ನಿಂದ ಮದುವೆ ಮೆರವಣಿಗೆ ತಾಜ್​ಪುರ್ ಗ್ರಾಮದ ತೋಟದ ಮನೆಗೆ ಆಗಮಿಸಿದಾಗ ತಡರಾತ್ರಿ ಈ ಘಟನೆ ಸಂಭವಿಸಿದೆ.

ಮದುವೆಗೆ ಬಂದ ಅತಿಥಿಗಳು ಸಂಭ್ರಮದಲ್ಲಿದ್ದಾಗ ಡ್ಯಾನ್ಸ್ ಮಾಡುತ್ತಾ ನೋಟುಗಳನ್ನು ಎಸೆಯುತ್ತಿದ್ದರು. ಗ್ರಾಮದ ನಿವಾಸಿಯಾದ 8 ನೇ ತರಗತಿಯ ವಿದ್ಯಾರ್ಥಿ ತೋಟದ ಮನೆಯ ಛಾವಣಿ ಮೇಲೆ ನಿಂತು ನೋಟುಗಳನ್ನು ಆಯ್ದುಕೊಳ್ಳುತ್ತಿದ್ದ. ಹೈ-ವೋಲ್ಟೇಜ್ ವಿದ್ಯುತ್ ತಂತಿಗಳಿಗೆ ನೇರ ಸಂಪರ್ಕಕ್ಕೆ ಬಂದು ಕೂಡಲೇ ಸಾವನ್ನಪ್ಪಿದ್ದಾನೆ. ಬಡಕುಟುಂಬವಾಗಿದ್ದು, ದಿನಗೂಲಿ ಕಾರ್ಮಿಕರಾಗಿ ಕೆಲಸ ಮಾಡುತ್ತಿದ್ದರು.  ವಿದ್ಯುತ್ ಆಘಾತ ಎಷ್ಟು ತೀವ್ರವಾಗಿತ್ತು ಎಂದರೆ ಹುಡುಗನ ದೇಹವು ಸುಟ್ಟು ಕರಕಲಾಗಿತ್ತು.