ಕ್ರೇಜಿಸ್ಟಾರ್ ಸಿನಿಮಾದಲ್ಲಿ ನಟಿಸಲಿದೆ 10 ಕೋಟಿ ರೂಪಾಯಿಯ ಶ್ವಾನ..! – ನಾಯಿ ಜೊತೆ ಹುಲಿಗೂ ಇದೆ ವಿಶೇಷ ಪಾತ್ರ..!

ಕ್ರೇಜಿಸ್ಟಾರ್ ರವಿಚಂದ್ರನ್ ಸಿನಿಮಾ ಅಂದರೆ ಅದರಲ್ಲಿ ಏನೋ ಸ್ಪೆಷಲ್ ಇದ್ದೇ ಇರುತ್ತೆ. ತನ್ನ ಸಿನಿಮಾಕ್ಕೋಸ್ಕರ ಕ್ರೇಜಿಯಾಗಿಯೇ ಪ್ಲಾನ್ ಮಾಡುವ ರವಿಚಂದ್ರನ್ ಈ ಬಾರಿ ಬರೋಬ್ಬರಿ 10 ಕೋಟಿ ರೂಪಾಯಿ ಮೌಲ್ಯದ ಕಾಕೇಸಿಯನ್ ಶೆಫರ್ಡ್  ತಳಿಯ ಶ್ವಾನವೊಂದನ್ನು ಕರೆತಂದಿದ್ದಾರೆ. ಬಹುನಿರೀಕ್ಷೆಯ ‘ಗೌರಿ ಶಂಕರ’ ಸಿನಿಮಾದಲ್ಲಿ ಬೆಲೆಬಾಳುವ ಶ್ವಾನ ಕೂಡಾ ಹೈಲೆಟ್ ಆಗುತ್ತಿದೆ. ಮೂರೇ ಮೂರು ಪಾತ್ರವಿರುವ ಈ ಚಿತ್ರದಲ್ಲಿ ನಾಯಿಯ ರೋಲ್ ಏನು ಅನ್ನೋ ಕುತೂಹಲವೂ ಹೆಚ್ಚಾಗಿದೆ.

ಇದನ್ನೂ ಓದಿ: ‘ಪಠಾಣ್’ ಯಶಸ್ಸಿನ ಅಲೆ – ಪಾರ್ಟ್ 2ಗೆ ಓಕೆ ಎಂದ ಶಾರುಖ್ ಖಾನ್!

‘ಗೌರಿ ಶಂಕರ’ ಸಿನಿಮಾ ಶೂಟಿಂಗ್ ದಾಂಡೇಲಿಯ ಅರಣ್ಯದಲ್ಲಿ ನಡೆಯುತ್ತಿದೆ. ಹತ್ತು ಕೋಟಿ ರೂಪಾಯಿ ಬೆಲೆಬಾಳುವ ಕಾಕೇಸಿಯನ್ ಶೆಫರ್ಡ್ ತಳಿಯ ಶ್ವಾನ ಕೂಡಾ ಈ ಸಿನಿಮಾದಲ್ಲಿ ನಟಿಸುತ್ತಿದೆ. ಬೆಲೆಬಾಳುವ ನಾಯಿ ಅಲ್ಲದೇ, ಹುಲಿ ಕೂಡ ಸಿನಿಮಾದ ಒಂದು ಭಾಗವಾಗಿ ಇರಲಿದೆ. ಈ ಸಿನಿಮಾದಲ್ಲಿ ರವಿಚಂದ್ರನ್ ಲುಕ್ ಕೂಡಾ ಫುಲ್ ಡಿಫರೆಂಟ್ ಆಗಿದೆ. ರವಿಚಂದ್ರನ್ ಅವರ ಕಾಸ್ಟ್ಯೂಮ್ ಮತ್ತು ತಲೆಗೆ ಹಾಕಿರುವ ಕಿರೀಟ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ.

ರವಿಚಂದ್ರನ್ ಜೊತೆ ಈ ಸಿನಿಮಾದಲ್ಲಿ ಅಪೂರ್ವ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಕ್ರೇಜಿಸ್ಟಾರ್ ಜೊತೆ ಅಪೂರ್ವ ನಟಿಸುತ್ತಿರುವ ಎರಡನೇ ಸಿನಿಮಾ ಇದಾಗಿದೆ. ಈ ಸಿನಿಮಾದಲ್ಲಿ ಮೂರೇ ಮೂರು ಪಾತ್ರಗಳಿದ್ದು, ಈ ಜೋಡಿಯ ಜೊತೆ ಪುಟ್ಟ ಮಗುವೊಂದು ನಟಿಸುತ್ತಿದೆ. ಅಲ್ಲದೇ, ಶ್ವಾನ ಮತ್ತು ಹುಲಿ ಕೂಡ ತೆರೆಯ ಮೇಲೆ ಕಾಣಿಸಿಕೊಳ್ಳುವುದು ಸಿನಿಮಾಗಳ ವಿಶೇಷಗಳಲ್ಲಿ ಒಂದು.