ನೋಡಿರಿ
ಗಂಭೀರ್ ಮ್ಯೂಸಿಕಲ್ ಚೇರ್ – KINGಗೆ ಮಾಡ್ತಿರೋ ಅವಮಾನನಾ?
ಇಂಥಾ ಪ್ರಯೋಗಕ್ಕೆ ಕೊನೆ ಎಂದು?
ಸ್ಕೂಲ್ಗಳಲ್ಲೋ ಇಲ್ಲ ಕಾಂಪಿಟೇಷನ್ಗಳಲ್ಲೋ ಮ್ಯೂಸಿಕಲ್ ಚೇರ್ ಆಡ್ಸೋದನ್ನ ನೋಡಿದ್ದೀವಿ. ಆಡಿದ್ದೀವಿ. ಬಟ್ ಟೀಂ ಇಂಡಿಯಾ ಹೆಡ್ಕೋಚ್ ಗೌತಮ್ ಗಂಭೀರ್ ಮೈದಾನದಲ್ಲೇ ಮ್ಯೂಜಿಕಲ್ ಚೇರ್ ಆಡಿಸ್ತಿದ್ದಾರೆ. ಅವ್ರ್ ಬಿಟ್ ಇವ್ರ್ ಬಿಟ್ ಅವರ್ಯಾರು ಅಂತಾ ಎಕ್ಸ್ಪೆರಿಮೆಂಟ್ಸ್ ನಡೀತಾನೇ ಇದೆ. ಬ್ಯಾಟಿಂಗ್ ಆರ್ಡರ್ ಅಂತೂ ಎಕ್ಕುಟ್ ಹೋಗಿದೆ. ಅದ್ರಲ್ಲೂ ನಂಬರ್ 3ಗೆ ಇರೋ ಮರ್ಯಾದೆಗೆ ತೆಗೆದುಬಿಟ್ಟಿದ್ದಾರೆ. ವಿರಾಟ್ ಕೊಹ್ಲಿ ಕಟ್ಟಿದ್ದ ಸಾಮ್ರಾಜ್ಯವನ್ನ ದಿನೇದಿನೇ ಕೆಡುವುತ್ತಲೇ ಇದ್ದಾರೆ. ಸೌತ್ ಆಫ್ರಿಕಾ ವಿರುದ್ಧದ ಎರಡನೇ ಟಿ-20ಐ ಮ್ಯಾಚಲ್ಲೂ ಅದೇ ಆಗಿದೆ.
ಇದನ್ನೂ ಓದಿ : 7 ವೈಡ್ ಹಾಕಿದ ಅರ್ಶ್ದೀಪ್ ಮೇಲೆ ಕೋಚ್ ಸಿಟ್ಟು – ಗಂಭೀರ್ ಬೈಗುಳಕ್ಕೆ ಬೌಲರ್ ಥಂಡಾ
ಭಾರತ ಮತ್ತು ಸೌತ್ ಆಫ್ರಿಕಾ ನಡುವಿನ ಎರಡನೇ ಟಿ-20ಐ ಮ್ಯಾಚ್ನಲ್ಲಿ ಭಾರತದ ಬ್ಯಾಟಿಂಗ್ ಶುರುವಾಗ್ತಿದ್ದಂತೆ ಮ್ಯಾಚ್ ನೋಡ್ತಿದ್ದ ಕೋಟ್ಯಂತರ ಫ್ಯಾನ್ಸ್ ಫುಲ್ ಶಾಕ್ ಆಗಿದ್ರು. ಒಂದ್ಕಡೆ ಫಸ್ಟ್ ಓವರ್ನಲ್ಲೇ ಶುಭ್ಮನ್ ಗಿಲ್ ಡಕ್ಔಟ್. ಏನ್ ಗುರು ಇವನದ್ದು ರೋದ್ನೆ ಮೊದ್ಲಿ ತಂಡದಿಂದ ಹೊರಗಾಕ್ರಪ್ಪ ಅಂತಾ ಗೊಣಗಾಡ್ತಿದ್ರು. ಅಷ್ಟ್ರಲ್ಲೆ ಇನ್ನೊಂದ್ಕಡೆ ಬ್ಯಾಟ್ ಹಿಡ್ಕೊಂಡು ಪ್ಯಾಡ್ ಕಟ್ಕೊಂಡ್ ಅಕ್ಷರ್ ಪಟೇಲ್ ಸೀದಾ ಕ್ರೀಸ್ಗೆ ಬಂದ್ರು. ಅರೆ ಅಕ್ಷರ್ಪಟೇಲ್ ಒನ್ ಡೌನ್ ಬ್ಯಾಟರ್ರಾ ಅಂತಾ ಕಣ್ಣರಳಿಸಿ ನೋಡ್ತಿದ್ರು. ಯಾಕಂದ್ರೆ ಗೌತಮ್ ಗಂಭೀರ್ ಎಕ್ಸ್ಪೆರಿಮೆಂಟ್ ಆ ಲೆವೆಲ್ಗಿತ್ತು. ಯೆಸ್ ನಂಬರ್ 3 ಸ್ಲಾಟ್ ಅಂದ್ರೆ ಓಪನರ್ಸ್ಗಿಂತ ಜಾಸ್ತಿ ಜವಾಬ್ದಾರಿ ಇರೋ ಸ್ಲಾಟ್. ದಿಗ್ಗಜ ಕ್ರಿಕೆಟಿಗರು ಈ ನಂಬರ್ನಲ್ಲಿ ಜಗತ್ತನ್ನೇ ಆಳಿದ್ದಾರೆ. ರಾಹುಲ್ ದ್ರಾವಿಡ್, ವಿವಿಎಸ್ ಲಕ್ಷ್ಮಣ್, ವಿರಾಟ್ ಕೊಹ್ಲಿ, ಮೊಹಮ್ಮದ್ ಅಜರುದ್ದೀನ್ರಂಥ ಲೆಜೆಂಡರ್ಸ್ ಇತಿಹಾಸ ಸೃಷ್ಟಿಸಿದ್ದಾರೆ. ಆದ್ರೆ ಇದನ್ನೆಲ್ಲಾ ಹಾಳು ಮಾಡ್ತಿರೋದು ಗೌತಮ್ ಗಂಭೀರ್ ಪ್ರಯೋಗ.
ಟಿ-20ಐನಲ್ಲೂ ನಿಲ್ಲದ ನಂಬರ್ 3 ಸ್ಲಾಟ್ ಕಣ್ಣಾಮುಚ್ಚಾಲೆ!
ಗೌತಮ್ ಗಂಭೀರ್ ಹೆಡ್ ಕೋಚ್ ಆದ್ಮೇಲೆ ಯಾವ ಸ್ಲಾಟ್ನಲ್ಲೂ ಇಂಥದ್ದೇ ಬ್ಯಾಟರ್ ಅಂತಾ ಫಿಕ್ಸ್ ಇಲ್ಲ. ಅದ್ರಲ್ಲೂ ನಂಬರ್ 3 ಅಂತೂ ಮ್ಯೂಸಿಕಲ್ ಚೇರ್ ಆಗ್ಬಿಟ್ಟಿದೆ. ಕಳೆದೊಂದು ವರ್ಷದಲ್ಲಿ ಆರರಿಂದ ಏಳು ಬ್ಯಾಟ್ಸ್ಮನ್ ಗಳು ಬಂದು ಹೋಗಿದ್ದಾರೆ. ಬಟ್ ಯಾರೂ ಸೆಟಲ್ ಆಗಿಲ್ಲ. ಌಕ್ಚುಲಿ ಟಿ-20ಐನಲ್ಲಿ ಪ್ರಸ್ತುತ ನಂಬರ್ 3ನಲ್ಲಿ ಬ್ಯಾಟ್ ಬೀಸೋದು ಸೂರ್ಯಕುಮಾರ್ ಯಾದವ್. ಹೀಗಿದ್ರೂ ಗಂಭೀರ್ ಬೇರೆ ಬೇರೆ ಬ್ಯಾಟರ್ಗಳನ್ನ ಕಳಿಸ್ತಾನೇ ಇದ್ದಾರೆ. ಏಷ್ಯಾಕಪ್, ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲೇ ಹಲವು ಬ್ಯಾಟರ್ಸ್ ಚೇಂಜ್ ಆಗಿದ್ದಾರೆ. ಏಷ್ಯಾಕಪ್ನಲ್ಲಿ ಮೊದಲ ಎರಡು ಪಂದ್ಯಗಳಲ್ಲಿ ಸೂರ್ಯಕುಮಾರ್ ಯಾದವ್, ಮೂರನೇ ಮ್ಯಾಚಲ್ಲಿ ಸಂಜು ಸ್ಯಾಮ್ಸನ್, ಐದನೇ ಮ್ಯಾಚಲ್ಲಿ ಶಿವಂ ದುಬೆ, ಫೈನಲ್ನಲ್ಲಿ ಮತ್ತೆ ಸೂರ್ಯ, ಇನ್ನು ಆಸ್ಟ್ರೇಲಿಯಾ ವಿರುದ್ಧದ ಸರಣಿಯ ಮೊದಲ ಮ್ಯಾಚಲ್ಲಿ ಸೂರ್ಯಕುಮಾರ್, ಎರಡನೇ ಪಂದ್ಯಕ್ಕೆ ಸಂಜು, ಮೂರನೇ ಮ್ಯಾಚಲ್ಲಿ ಮತ್ತೆ ಸೂರ್ಯ, ಆ ಬಳಿಕ ಮತ್ತೆ ಶಿವಂ ದುಬೆ ಹೀಗೆ ಒಬ್ಬೊಬ್ರನ್ನೇ ಎಕ್ಸ್ಪೆರಿಮೆಂಟ್ ಥರ ಬಳಸಿಕೊಳ್ತಾನೇ ಇದ್ದಾರೆ. ಬಟ್ ಯಾರೊಬ್ರಿಂದಲೂ ನಿರೀಕ್ಷಿತ ರನ್ಸ್ ಬಂದೇ ಇಲ್ಲ. ಈಗ ಎರಡನೇ ಮ್ಯಾಚಲ್ಲಿ ಅಕ್ಷರ್ ಪಟೇಲ್ಗೆ ನಂಬರ್ 3ನಲ್ಲಿ ಚಾನ್ಸ್ ಕೊಟ್ರು. ಬಟ್ ಪಟೇಲ್ ಕೂಡ ಬ್ಯಾಟ್ ಬೀಸೋಕೆ ತುಂಬಾನೇ ಸ್ಟ್ರಗಲ್ ಕಾಣ್ತಿತ್ತು. ನಿಜ ಏನಂದ್ರೆ ನಂಬರ್ 3ನಲ್ಲಿ ವಿರಾಟ್ ಕೊಹ್ಲಿ ಕಿಂಗ್ ಆಗಿ ಮೆರೆದಿದ್ದಾರೆ. ಆದ್ರೀಗ ಅದೇ ನಂಬರ್ಗೆ ಗಂಭೀರ್ ಅವಮಾನ ಮಾಡ್ತಿದ್ದಾರೆ. ನಂಬರ್ 3ನಲ್ಲಿ ಕೊಹ್ಲಿ ಟಿ-20ಐನಲ್ಲಿ 84 ಇನ್ನಿಂಗ್ಸ್ ಆಡಿದ್ದು 54ರ ಆವರೇಜ್ನಲ್ಲಿ 4320ರನ್ಸ್ ಕಲೆ ಹಾಕಿದ್ದಾರೆ. ಏಕದಿನ ಮಾದರಿಯಲ್ಲಿ 61ರ ಸರಾಸರಿಯಲ್ಲಿ ರನ್ಸ್ ಕಲೆ ಹಾಕಿದ್ದಾರೆ. ದಶಕದವರೆಗೆ ನಂಬರ್ 3 ಮಹಾರಾಜನಾಗಿ ಮರೆದಿರೋ ಕಿಂಗ್ ಸ್ಥಾನ ಈಗ ಮ್ಯೂಸಿಕಲ್ ಚೇರ್ ಆಗಿದ್ದು ಎಲ್ಲರ ಆಕ್ರೋಶಕ್ಕೆ ಕಾರಣವಾಗಿದೆ. ಇಂಥಾ ಪ್ರಯೋಗಕ್ಕೆ ಕೊನೆ ಯಾವಾಗ ಅನ್ನೋದೇ ಈಗಿರೋ ಪ್ರಶ್ನೆ.
